موعد طرح أول ألبوم غنائي لمطرب الراب ويجز

يستعد مطرب الراب ويجز، لطرح أول ألبوماته الغنائية، عبر يوتيوب وكافة المنصات الموسيقية، في نهاية شهر أغسطس، ضمن وسم أغاني صيف 2025.

وحدد ويجز يوم 29 أغسطس، موعدا لطرح ألبومه الغنائي، حيث من المقرر أن يضم 12 أغنية من بينها: كبسولة، خسرت الشعب، بيقولوا ما يقولوا، باد دايز، مظهر ومال، افتر بارتي، وازاي تفوتني.

View this post on Instagram

A post shared by W E G Z | ويجز (@wegzofficial)

كما يشهد الألبوم تعاونات موسيقية مع عدد من أبرز نجوم الراب محليًا وعالميًا، حيث يجتمع ويجز بكل من الرابر زياد ظاظا في أغنية «غريبة» والنجم النيجيري Seyi Vibez في أغنية «ماما أفريقيا»، كما يتعاون مع الفنان الفرنسي Tayc في أغنية «جيرل فريند»، والجزائري Savage Plug في أغنية «دي».

آخر أعمال ويجز

طرح مطرب الراب ويجز، مؤخرا أغنية من ألبومه الجديد بعنوان «الأيام»، وذلك عبر قناته الرسمية بموقع «يوتيوب»، تمهيدًا لطرح الألبوم كاملًا يوم 29 أغسطس الجاري.

أغنية الأيام من كلمات وأداء ويجز، ميكس مختار السايح، ماستر مروان سامي، وتقول كلمات الأغنية الآتي:

وجاءت كلمات أغنية ويجز كالتالي:

الأيام مش زي بعضها بس أيامي زي بعضها

وحاجات ياما كانت في إيديا دلوقتي نفسي أوصلها

الأيام زحمة ودوشاني، وسلامتك يا دماغي

نفسي أشاركني لحظة صمت والأيام واخداني

اللي بكيته نشف على خدي، اتبخر ونساني

أنا عارف إن الصامت ناجي، بس هتكلم تاني

ولا غمض عيوني طول الليل، بقى ده العادي ونعمل إيه؟

والناس نايمة ومش حاسين، وقلبي زي طير حزين

واشكي لمين؟ مين هيحس؟ كلها دنيا وعايشين فيها

قوليلي أعمل إيه في الحيرة؟ أنا مش عايز أعيش في عذاب

أنا هعيش لنفسي ولا هفضي نفسي وأعيش للناس

قوليلي أعمل إيه في الحيرة؟ أنا مش عايز أعيش في عذاب

أنا هعيش لنفسي ولا هفضي نفسي وأعيش للناس

الأيام مش زي بعضها بس أيامي زي بعضها

وحاجات ياما كانت في إيديا دلوقتي نفسي أوصلها

الأيام مش زي بعضها بس أيامي زي بعضها

كل الفرحة اللي في الدنيا كانت في إيديا وضَيّعتها

ولا غمض عيوني طول الليل، بقى ده العادي ونعمل إيه؟

والناس نايمة ومش حاسين، وقلبي زي طير حزين

واشكي لمين؟ مين هيحس؟ كلها دنيا وعايشين فيها.

اقرأ أيضاًمحمد رمضان يطرح أغنية «قلبي سميتو لبنان» بعد حفله في بيروت

«حين يكتب الحب».. ريم مصطفى تتعاقد على عمل فني جديد

المصدر: الأسبوع