استبعاد وتقييم وحماية.. 11 تصريحا من مدرب الزمالك بعد الفوز أمام زيسكو
تاريخ النشر: 24th, November 2025 GMT
علق أحمد عبدالرؤوف المدير الفني لفريق الكرة الأول بنادي الزمالك علي فوز الفارس الأبيض أمام نظيره فريق زيسكو الزامبي في افتتاحية دور المجموعات بكأس الكونفدرالية.
وتغلب فريق الكرة الأول بنادي الزمالك بقيادة أحمد عبد الرؤوف علي نظيره فريق زيسكو الزامبي بهدف دون رد في افتتاحية دور المجموعات بكأس الكونفدرالية.
قال أحمد عبد الرؤوف في تصريحات صحفية:
أنا بشكر جماهير الزمالك جدًا وبعزي أسرة الكابتن محمد صبري للمرة التانية، والتكريم اللي حصل النهارده حاجة كبيرة ومقدّرينها كلنا.
تابع مدرب الزمالك: إحنا كنا مستحوذين على الشوط الأول بشكل كبير، وكنا نقدر نحسم الماتش من أول تلت ساعة، بس كان في شوية ثقة زيادة أو رعونة خلتنا منفنش بشكل كويس.
أضاف مدرب الزمالك: الأداء في الشوط التاني مكنش على المستوى المطلوب، والتحولات متمتش زي ما إحنا عايزين، وكمان لعيبة المنتخب رجعوا قبل الماتش بفترة قصيرة جدًا وده عامل ضغط كبير وضيّعنا فرص كتير، كنا مستحوذين ومسيطرين، بس التسجيل التاني ملعبش معانا النهاردة.
واصل مدرب الزمالك: محمود جهاد راجع بعد غياب سبع شهور، وبعد ما نزل كانت المساحات مفتوحة جدًا، وبدنيًا لسه بيرجع، ومع حصوله على إنذار كان لازم أحافظ عليه ومخسّروش، عشان كده استبدلته ونفس الوضع مع أحمد شريف، التغييرات كانت لحماية اللعيبة مش لأي سبب تاني.
واستطرد مدرب الزمالك: بالنسبة لشيكو بانزا… لاعيبة المنتخب انضموا للتدريبات قبل شيكو بيوم واحد بس، والوقت كان قليل جدًا إننا نشتغل على تفاصيل فردية أو نصلّح أخطاء بالشكل اللي نتمناه، وكمان كان لازم نقف جنبه بعد وفاة أخوه، وبعتلنا شهادة الوفاة، وظروفه كانت صعبة جدًا.
وأكمل مدرب الزمالك: علاقتي بكل اللعيبة ممتازة، وبنتكلم في كل حاجة… سواء قائمة أو تشكيل أو تغييرات.
وأتم مدرب الزمالك: سيف فاروق جعفر لعيب كبير ومهم، واتكلمت معاه، ودي وجهة نظر فنية… في كل الأحوال هتلاقي ناس معترضة سواء لعب أو ملعبش.
وقال مدرب الزمالك أيضا: دونجا لسه مش عارف موقفه، وهنقيّم حالة المصابين وهنشوف هنشتغل إزاي قبل ماتش كايزر تشيفز الجنوب افريقي.
وأردف مدرب الزمالك: في ظروف كتير صعبة حوالينا، وهتلاقي جمهور مش راضي عن حاجات معينة، بس المهم إننا نكسب وناخد التلات نقاط، وفي حاجات أنا نفسي مش راضي عنها.
وأسهب مدرب الزمالك: محمد السيد استبعاده قرار إداري بسبب ملف التجديد، وأنا مقدّر اللاعب جدًا من الناحية الفنية.
واختتم حديثه قائلا: في ماتش زيسكو مكنش عندي بديل في مركز أحمد فتوح، واشتغلنا على معالجة الثغرة اللي ظهرت من الجبهة اليسرى في الشوط التاني.
المصدر: صدى البلد
كلمات دلالية: الزمالك زيسكو الكونفدرالية أحمد عبد الرؤوف سيف جعفر مدرب الزمالک عبد الرؤوف أحمد عبد
إقرأ أيضاً:
عبد الرؤوف: هدف الزمالك مسؤوليتي الشخصية
قال أحمد عبد الرؤوف، المدير الفني للفريق الأول لكرة القدم بنادي الزمالك، إن فريقه قدم أداءً مميزًا أمام كايزر تشيفز الجنوب أفريقي خلال الجولة الثانية لدور المجموعات ببطولة كأس الكونفدرالية الأفريقية.
وجاء ذلك بعد تعادل الزمالك مع كايزر تشيفز بهدف لكل فريق على ملعب "بيتر موكابا"، في مباراة شهدت فرصًا عديدة للزمالك وأداءً دفاعيًا قويًا أمام المنافس الجنوب أفريقي.
وأوضح عبد الرؤوف خلال المؤتمر الصحفي عقب اللقاء: “أشكر اللاعبين على ما قدموه في المباراة، فريق كايزر تشيفز له اسم كبير، ولكنه لم يصل لمرمى الزمالك في الشوط الأول، بينما كانت له فرصة واحدة في الشوط الثاني”.
وتابع: "نحن أهدرنا العديد من الفرص على مدار الشوطين، واستقبال هدف من خطأ في الدقائق الأخيرة هو مسؤوليتي الشخصية، ومحمد صبحي حارس كبير".
ويستعد الزمالك لمواصلة مشواره في البطولة الإفريقية بعد هذه النتيجة، في محاولة لتعزيز فرصه في التأهل عن دور المجموعات.
منتدى الاتحاد من أجل المتوسط المنعقد في القاهرة.. رسائل مصرية واضحة للعالم