باسل الزارو لـ "الفجر الفني": شخصيتي في "بين السطور" طلعت مضافة ويحيى له وجهين
تاريخ النشر: 27th, February 2024 GMT
تألق الفنان باسل الزارو في عالم الدراما واستطاع أن يترك بصمة فيه، وتألق باسل الزارو في أحدث أعماله الدرامية مسلسل بين السطور في شخصية يحيى التي خطف بها أنظار الجمهور له.
وكان للفجر الفني لقاء خاص معه كشف فيه عن العديد من التفاصيل وكواليس التحضيرات للعمل.
من رشحك لدور يحيى في بين السطور؟
رشحني قناة MBC ووائل فرج وناردين فرج
ما الذي جذبك لدور يحيى؟
جذبني لدور يحيى القصة كلها وفكرة التشويق والجريمة وكل فترة في متهم، ولما جيت اتفرج على المسلسل الكوري اللي هو مقتبس منه هو مش فورمات هو مقتبس منه لقيت إن شخصيتي طالعة مشهد أو مشهدين واختفت مالهاش دور.
وشخصيتي طلعت مضافة في بين السطور عن الفكرة الأساسية المقتبس منها، وعجبني إن هي مالهاش نسبة إن أحضرلها وبلعب في الشخصية براحتي.
حدثنا عن كواليس المسلسل كيف كانت؟كواليس المسلسل كانت أكثر من رائعة ومليانة صداقة وأخوة وكان السكريبت معقد جدًا، حتى وإحنا بنصور كان بيبقى في حاجات مش عارفين مين عمل ايه وايه اللي خيال وايه اللي دلوقتي وايه اللي بعدين.
والحقيقة أستاذ وائل فرج عرف يسيطر على الحتة دي بطريقة إحترافية كبيرة زي ما إحنا شايفنيها دلوقتي.
كيف كان تحضيرك لشخصية يحيى؟
حضرتها من الصفر
هل يوجد تشابه بين شخصية يحيى وباسل الزارو أو صفات مشتركة بينهما؟
مفيش أي تشابه مابين شخصيتي الحقيقية وشخصية يحيى ومفيش أي صفات مشتركة خالص شخصياتنا مختلفة تمامًا.
إنطباعي عن شخصية يحيى لما قرأت السيناريو إنه هادي جدًا بس زي باقي الشخصيات كل شوية ليها وشين الوش اللي إحنا بنشوفه اللي هو بينطبق على حياتنا الطبيعية إننا دائمًا بنكون عارفين أشخاص بيبقى عندها وشين الوش العادي اللي بيظهره لكل الناس، والوش اللي بيكون بين السطور واللي هو لازم نبقى عارفين نقرأه عشان نعرف إن كان عنده الوجه الشرير والوجه الطيب هو اللي بيطغي وهو اللي الناس بتشوفه بس هو جواه في شوية شر بيطلعوا وقت العوزة، وهي دي أصلًا فكرة بين السطور على يحيى والباقي
هل صادفت في حياتك شخصيات مثل شخصية جيمي في المسلسل؟
حتى لو اتعاملت معاهم بطلعهم من حياتي أول ما اقرأ اللي بين السطور، لإن الشخصيات اللي زي جيمي أنا بعتبرها شخصيات مريضة محتاجة تتعالج نفسيًا لإن هي دي الشخصيات السامة "التوكسيك" وده التعريف بتاع الشخص السام "التوكسيك" في حياتنا كلها.
ايه نصيحتك للشخصيات اللي زي جيمي؟
النصيحة إنهم يروحوا يتعالجوا، أي شخص زي جيمي يروح يتعالج لإنه هو الشخصية دي بتتحب وهي دي المشكلة حاليًا، إن الشخصيات اللي زي دي الطيب اللي فيها بيتحب جدًا بس السام "التوكسيك" اللي فيها مينفعش يتسكت عليه
إذا حدث معك نفس موقف يحيى مع جمال كصديق له.. ماهو رد فعلك؟
مش بس هفضحه، أنا هفضحه وأجبره إن هو يبطل اللي هو بيعمله ولو مش بطل اللي هو بيعمله يا إما هشيله من حياتي يا إما هتدخل وهفشي اللي بيعمله والسر ده للشخص التاني وأحذره.
كيف ترى الشخصيات مثل هدى؟
شخصية هدى بالذات معقدة جدًا لإن هي محطوطة في موقف ضعف واللي بيتحط في موقف ضعف وبيبقى عايز يتصرف ممكن يتصرف تصرف خاطئ ويعمل حاجات يأذي بيها الناس اللي حواليه بسبب إنه هو اتعرض لأذى من حد.
وده طبعًا غلط جدًا بس ده بيحصل في كل يوم في حياتنا، والمشهد بيوجع طبعًا جدًا إن بعد كل اللي هو عمله عشانها راحت باعته وده حاجة صعبة جدًا.
ماهي نصيحتك للشخصيات مثل هدى؟
أنصح الشخصيات اللي زي هدى إن هما يفكروا 100 مرة قبل ما يتصرفوا لإن الإنتقام عمره ما كان هو الحل.
هل يوجد لغز وراء شخصية يحيى في المسلسل؟
شخصية يحيى وراها لغز كبير جدًا وهيتعرف اليومين الجايين، ولغز كبير جدًا.
كيف ترى ردود الأفعال على المسلسل؟
ردود أفعال المسلسل أكتر من رائعة مكنتش متخيل إنها هتبقى أوي كده.
الناس كلها في الشارع بيتكلموا عن الموضوع كل ماحد فينا ينزل أي مكان بنتسأل مين اللي قتل جيمي وبيسألوني إنت اللي قتلت جيمي واتهامات في كل مكان في الواقع وعلى السوشيال ميديا، والمسلسل الحمد لله مكسر الدنيا.
مع المسلسلات الطويلة ولا القصيرة الـ 5 و10 حلقات؟
أنا مع المسلسلات القصيرة مش الطويلة، بحب جدًا المسلسلات الصغيرة اللي هي تبقى أطول من الفيلم بس أقصر من المسلسل الطبيعي اللي إحنا متعودين عليه الـ 30 حلقة وبيبقى قصة ملمومة وبتبقى قوية تشد المشاهد طول الوقت يبقى عايز يتفرج.
ما المسلسلات التي تنتظر متابعها في رمضان؟
مفيش حاجة معينة منتظرها
الأعمال الجديدة أن أول مرة أدخل عالم هوليوود وعملت حلقة في مسلسل FBI انترناشونال، ده من أكبر المسلسلات العالمية اللي موجودة حاليًا
عملت حلقة كاملة معاهم دور بطولة ولسه نازلة من 3 أيام والحمد لله الأصداء عليها أكتر من رائعة في العالم كله
والبودكاست بقى على منصة شاهد وطبعًا دي خطوة كبيرة جدًا ولسه في مفاجأت كتير جدًا.
وفي فيلم انترناشونال بالإنجليزي وعربي بصوره في تركيا اليومين دول لسه مش خلصناه.
وآخر حاجة عملتها بعد بين السطور وفخور بيها جدًا ونزلت من يومين أو 3 الـ FBI انترناشول بتاعة هوليوود وموجودة حاليًا الناس تقدر تشوفها.
المصدر: بوابة الفجر
كلمات دلالية: باسل الزارو مسلسل بين السطور بين السطور قصة مسلسل بين السطور أحداث مسلسل بين السطور أبطال مسلسل بين السطور بین السطور شخصیة یحیى اللی هو اللی زی
إقرأ أيضاً:
لأول مرة في الصعيد.. الأقصر تبدأ تدريب الصم والبكم على الحرف والمهن الحديثة
أعلن محمود باسل محمد مدير مديرية العمل بالأقصر عن إطلاق خطة تدريبية شاملة تستهدف تأهيل الشباب لسوق العمل، تنفيذًا لتوجيهات المهندس عبد المطلب عمارة محافظ الأقصر، بضرورة الاستثمار في العنصر البشري وتزويد الشباب بالمهارات العملية والمهنية التي تواكب احتياجات سوق العمل المحلي والدولي.
وأوضح "باسل" أن الخطة التدريبية التي أعدتها المديرية لشهر سبتمبر تضمنت برامج متنوعة في مجالات الخياطة، والطاقة الشمسية، وصيانة المحمول، والكهرباء، والسباكة، والفندقة، والحاسب الآلي، والبرمجة، وهي تخصصات تم اختيارها بعناية بناءً على متطلبات سوق العمل بالمحافظة.
وأشار إلى أن المديرية ستنفذ لأول مرة دورة تدريبية متخصصة للصم والبكم بالأقصر، في خطوة تهدف إلى دمج ذوي الإعاقة السمعية في منظومة العمل والإنتاج، وإتاحة الفرصة أمامهم لاكتساب المهارات الفنية اللازمة لبدء مشروعات صغيرة خاصة بهم.
وأضاف مدير المديرية أن البرامج التدريبية تُنفذ بالتنسيق مع وزارة العمل ومؤسسات المجتمع المدني، مع توفير الأدوات والخامات اللازمة لضمان تدريب عملي فعّال. كما يجري حاليًا إعداد خطة لمتابعة المتدربين بعد انتهاء الدورات لمساعدتهم في إيجاد فرص عمل حقيقية تتناسب مع تخصصاتهم.
وأكد "باسل" أن المديرية تولي اهتمامًا خاصًا بتشجيع الفتيات على الالتحاق بالدورات المهنية، وخاصة في مجالات الخياطة والتطريز والحاسب الآلي، ضمن جهود تمكين المرأة اقتصاديًا وتحقيق المساواة في فرص العمل.
واختتم تصريحه بالتأكيد على أن التدريب المهني يمثل حجر الزاوية في استراتيجية مديرية العمل بالأقصر لتحقيق التنمية المستدامة، وخلق جيل جديد من الشباب المؤهل القادر على مواكبة التغيرات التكنولوجية، والمشاركة بفاعلية في سوق العمل المحلي والدولي.
وكيل شباب القليوبية يشهد انطلاق فعاليات "دوري القوى الشبابية "