شمس توجه رسالة قاسية للفنانات: الكفن ملهوش جيوب
تاريخ النشر: 11th, September 2023 GMT
كشفت الفنانة شمس، تفاصيل مقابلتها مع الراقصة والفنانة دينا، وأحد المنتجين، بعد تعرضها لاكتئاب بسبب عدم عملها.
ما هو تفاصيل لقاء شمس مع الفنانة دينا؟
وقالت شمس خلال لقائها مع الإعلامية مروة صبري ببرنامج "قعدة ستات"، المذاع على شاشة "القاهرة اليوم"، قابلت دينا وقعدت جنبي بتاع ساعتين تلاتة وأدتني طاقة إيجابية للحياة وحب المهنة تاني، قالتلي لازم تخرجي معانا قولتلها أنا هخرج معاكي يا دينا عشان الحب باين في عنيكي، هخرج مع الناس اللي أحس انهم بيحبوني مش هخرج عشان حد ينافقني أو أنافق حد أو أعمل مصلحة من حد أو العكس.
وتابعت شمس: في ناس عايشة الدور ومن ضهرك بتكرهك وبتتكلم عليكي وحش.. كل حاجة بتوصل محدش بيقولك مين بس أنتي بتعرفي من الكلام اللي بيترميلك، في ناس بتوصل الكلام، في حد ممكن يقولك رشحتك لدور بس فلانة قالت إن شاء الله، يعني إن فلانة بتكرهك،.
ما هي رسالة شمس التي وجهتها للوسط الفني؟
كما وجهت الفنانة شمس رسالة قاسية للوسط الفني:" عايزة أقول للناس دي كلها إن الكفن ملوش جيوب، وأنا مفهمتش الجملة دي غير لما أخواتي ماتوا، لا في كفن هتاخد فيه فلوس ولا شغل، الناس اللي بتكره الناس ومش بتتمنى الخير لبعض".
شمس: جالي زهق وبطلت أدور على شغل
و أستكملت شمس: جتلي حالة من الزهق والقرف لأني أتربيت على أيد حسين كمال وجلال الشرقاوي وإيناس الدغيدي ويسرا ويحيى الفخراني، مفيش مخرج كبير مشتغلتش معاه ومفيش ممثل مشتغلتش معاه، فمتعودتش على الأسلوب للي أحنا ماشيين بيه دلوقتي.
ما هي تفاصيل برنامج قعدة ستات ؟
برنامج "قعدة ستات" تقدمه الإعلامية مروة صبري على شاشة "القاهرة اليوم" يوم السبت من كل أسبوع، وتستضيف من خلاله عددًا من الفنانات وتناقش قضايا مختلفة.
المصدر: بوابة الفجر
إقرأ أيضاً:
زينة تنفعل على الهواء وتكشف تفاصيل مروعة لهجوم كلب على أبنائها
كشفت الفنانة زينة، تفاصيل جديدة بشأن واقعة هجوم كلب على أبنائها بتسليط من صاحب الكلب، مشيرة إلى أن تعرضت لشتائم من والده هذا الطفل.
وانفعلت الفنانة زينة، في مداخلة هاتفية مع الإعلامي عمرو أديب، مقدم برنامج الحكاية، المذاع عبر قناة إم بي سي مصر، مساء اليوم الاثنين، أن :"تعود الواقعة بعد أن نزلت ولادي عند الملعب أمبارح في الكومبوند اللي انا شغالة فيه، وسبتهم وروحت السوبر ماركت، وبعد كده أبني كلمني بيقولي الحقيني وبيعيط، وحكى ليا ان ولد سلط كلب على أولادي علشان يخرجوا من الملعب".
وأضافت زينة، أن :"أحد ابنائي وقع واتكسر وجيت جري لقيت ابنائي في حالة صعبة في غرفة مشرف الأمن، وهذا الأمر لم يحدث من قبل في المكان اللي أسكن فيه، والكلب كان مفترس وشكله كبير وصاحب الكلب ولد عمره 11 عاما".
نتيجة الصف الرابع الابتدائي.. موعد ظهورها ورابط الاستعلام المباشر