رامي صبري يلخص مشواره الفني بصورتين.. الفرق بينهما 23 عاماً
تاريخ النشر: 27th, September 2023 GMT
متابعة بتجــرد: نشر الفنان رامي صبري عبر حسابه الخاص في “إنستغرام” صورتين بينهما فارق زمني 23 عاماً، حكى من خلالهما قصة بدايته في مجال الغناء، إلى بلوغه مصاف النجوم، مشيراً إلى أنه كان يغنّي في كورال الفنان محمد الحلو، ومر بالعديد من المحطات حتى وصل الى ما هو عليه الآن.
وعلّق رامي على الصورتين بقوله: “صورة من 23 سنة تقريباً، الفرق بينهم كبير جداً، في الصورة اللي فوق كنت بشتغل كورال مع الفنان الكبير محمد الحلو، وكنت وقتها ببتدي أشتغل علشان أفهم يعني إيه مسرح وجمهور، وإزاي أتعامل مع الناس في الشغل”.
وأضاف: “كنت دايماً عارف إنها مرحلة تعليمية وهتمشي، مش هقف عندها علشان كده مكنش عندي طموح فيها، فضلت أشتغل كورال مع معظم النجوم ساعتها لحد ما لحنت لفضل شاكر وعامر منيب الله يرحمه، وبعدين شيرين أول ما ابتدت، وكل ده عارف إن هدفي لسة مجاش”.
واستكمل: “الصورة اللي تحت بعد كل اللي فات والتعب والمجهود الكبير جداً ربنا كرّمني كرم كبير جداً وميّزني من وسط فنانين كتير جداً وخلاني أكون واحد من أهم نجوم العالم العربي، الموضوع كله صدقني في الطموح، لو أنت بتحب نفسك ومآمن بنفسك وعندك الإصرار إنك هتوصل لمكان أنت مش فيه دلوقتي، صدقني هتوصل بس تصدق نفسك، ومفيش حاجة اسمها حظ، دي كلمة محصلتش معايا… مع حبّي للموسيقى وطموحي وأنا ماشي فيها، في واحد معايا في نفس الصورتين وهو أخي وصديق العمر والموزع الموسيقي وعازف الكيبورد الأستاذ محمد سمير، هو كمان طموحه كبير جداً وابتدى معايا في الصورة اللي فوق لحد ما بقي أحد أهم موسيقيين مصر، وبيلعب مزيكا مع أهم نجوم عالمنا العربي، ولسه مكمل معايا من 23 سنة لحد الآن، وهو مدير فرقتي الموسيقية”.
واختتم رامي صبري حديثه قائلاً: “عاوز أقول في الآخر، طموحك وحبك لنفسك هيوصلك، ماترميش شماعه الظروف على نفسك وتقول ظروفي وحظي وتدخل في مود مش هيوصلك لحاجة، هتوصل هتوصل صدّقني، وأول ما هاتنجح كله هيجري وراك ويسقف لك، والفرق بين الصورتين هو الطموح فقط”.
View this post on InstagramA post shared by Ramy Sabry (@ramysabry8)
main 2023-09-27 Bitajarodالمصدر: بتجرد
إقرأ أيضاً:
الانضباط جزء من شخصية الفرق الكبيرة.. حسام عاشور: الترتيب الحالى لضربات الجزاء وسام ثم زيزو
أكد حسام عاشور، قائد الأهلي السابق، أنه يواصل حاليًا دراسته في الدورات التدريبية، استعدادًا للمرحلة المقبلة، لكنه لم يتلق أي عروض رسمية حتى الآن.
وقال عاشور، خلال حواره مع الإعلامي مدحت شلبي في برنامج "يا مساء الأنوار" على قناة "MBC مصر 2": "حاليا أركز على الحصول على الدورات التدريبية والتطوير من نفسي، لكن لم أتلق أي عروض حتى الآن، ولم يتواصل معي أحد من النادي الأهلي".
وتحدث عاشور عن أزمة تنفيذ ركلة الجزاء خلال مباراة الأهلي وإنتر ميامي في بطولة كأس العالم للأندية، والتي شهدت جدلًا واسعًا بين محمود حسن تريزيجيه، أحمد سيد زيزو، ووسام أبو علي، قائلًا: "في جيلي، كان هناك ترتيب واضح وثابت لتسديد ضربات الجزاء: محمد أبو تريكة، ثم شادي محمد، ثم عماد متعب، والمدرب هو من يحدد ذلك من البداية".
وأضاف: "بحسب ما علمت، الترتيب الحالي كان وسام ثم زيزو ثم تريزيجيه، ومادام المدرب حدد أن وسام هو رقم 1، فالمفروض الكل يلتزم بالترتيب".
وتابع قائلا : "لو كنت في الملعب، كنت هروح أمسك الكورة وأديها للاعب رقم 1 من غير نقاش.. لأن احترام قرارات المدرب والانضباط جزء من شخصية الفرق الكبيرة".
خبير دولي: مصر تخوض معركة دولية لإنهاء 80 عاماً من الهيمنة على مجلس الأمن