نشوى مصطفى في أول ظهور بعد وفاة زوجها: أنا مش عارفة أعيش
تاريخ النشر: 13th, January 2025 GMT
ظهرت الفنانة نشوى مصطفى لأول مرة بعد وفاة زوجها، ودخلت الفنانة ، في نوبة بكاء على الهواء، خلال برنامج بنت البلد، عبر قناة cbc سفرة، اليوم الجمعة 10 يناير، في أول ظهور لها بعد وفاة زوجها.
وظهرت بالأسود حدادًا على زوجها
قائلة:
“الحقيقة أنا مش عارفة ابتدي الحلقة إزاي، لكن في التزامات في الحياة تجبرنا نشتغل، مكنتش عايزة أكون موجودة النهاردة علشان محبش أزعج حضراتكم بشيء شخصي، سامحوني وهحاول أتماسك قدر استطاعتي”.
وأضافت بنبرة يملؤها الحزن:
“اللهم لا اعتراض، أنا مسلمة ومسلّمة أمري لله وكلنا هنموت، لكن أنا مش عارفة أعيش، عشرة 33 سنة مشوفتش منه غير كل خير وود ورحمة واحتواء وطمأنينة وسند ودعم، وحسن تربية لأولادي وأولاده”.
وأوضحت نشوى أنها تواجه صعوبة كبيرة في متابعة حياتها بعد فقدان زوجها، لكنها ملتزمة بتعاقداتها المهنية ومسؤولياتها الشخصية، قائلة:
“أنا سألت الأفاضل أصحاب العلم في فكرة إني أنزل اشتغل لأن أنا مرتبطة بتعاقدات ومرتبطة بأشياء أخرى شخصية مينفعش أتسول أو استلف، يعني الحمد لله مستورة جدا بفضل زوجي ولكن أنا مرتبطة بمصالح ناس.”
وأشارت إلى أنها تلقت إرشادات دينية من الشيوخ حول كيفية التصرف خلال فترة العدة، موضحة:
“قيل لي من أصحاب العلم إن الخروج للعمل مش حرام والخروج للطبيب لأني مريضة قلب فلازم بشكل دوري أنزل للدكتور كل شهر أعمل إيكو وأتابع حالة القلب.
الشيوخ الأفاضل قالولي النزول للأطباء يجوز والنزول للعمل طالما أنا مش صاحبة العمل، لكن الخروج للتسوق أو للزيارات العائلية أو الترفيه دي اللي ممنوعة ولازم يحصل فيها العدة.”
وكانت الفنانة نشوي مصطفي نشرت عبر صفحتها علي موقع التواصل الإجتماعي الشهير “ فيسبوك ” ، صورة تجمعها بزوجها الراحل ، ونعته بكلمات مؤثرة .
وقالت نشوي مصطفي : سترتنى ربنا يسترك .. أكرمتنى ربنا يكرمك .. سيبت لى أجمل هدية ولادنا ربنا يهاديك بالفردوس الأعلى .. ٣٣ سنة ستر وكرم ومحبة ومودة ورحمة .. علمتنى إزاي أكون من المتصدقين.. علمتنى إزاي أكون دايماً فى معية الله.. علمتنى إزاي تكون عزة النفس .. علمتنى ازاي أتسامح حتى مع اللي آذانى.. علمتنى إزاي اتوكل على الله فى كل شئونى .. علمتنى إزاي أكرم ضيفى … علمتنى معنى التواضع مع عباد الله الضعفاء .
وتابعت نشوي مصطفي : يانبيل الأخلاق ياابن الأصل العالى .. نسيت تعلمنى إزاي اقدر أعيش من غير وجودك .. ٣٣ سنة مبعدناش عن بعض لحظة .. ٣٣ سنة ذكريات وحياة بحلوها ومرها.. ٣٣ سنة كنت خير زوج وخير أب .. ٣٣ سنة أكرمتنى وسترتنى وجبرت خاطرى وربيت عيالنا أحسن تربية .. ليه ياعماد سيبتنى لوحدى كده - مااستاهلش منك تسيبنى لوحدى ده انا مبعرفش أعمل حاجة فى الدنيا - انتا اللي كنت بتعمل لنا كل حاجة - انتا اللي سندتنى فى كل ظروف حياتى الصعبة — فى شدتى وفى مرضى شيلتنى وطبطبت عليا - ياااااه على غلاوتك ياعشرة عمرى — يااااااه على غلاوتك يا أبويا وأخويا وحبيبى وجوزى وابنى — باموت ياعماد — باموت وانتا مش قدام عينى — حاكمل إزاي يارب من غيره .. ادعو له بالرحمة وادعولى بالصبر وادعو لولادى بالصبر والثبات.
أعمال نشوى مصطفىومن ناحية أخرى تشارك نشوي مصطفي فى بطولة مسلسل “ سيد الناس ” ، والمقرر عرضه خلال شهر رمضان القادم ، ويقوم ببطولته عمرو سعد .
المصدر: صدى البلد
كلمات دلالية: وفاة نشوي مصطفي نشوي المزيد علمتنى إزای نشوى مصطفى نشوی مصطفی أنا مش ٣٣ سنة
إقرأ أيضاً:
شريف مدكور: شيخ في نفسي ومحبش أصلي في الجامع ومش مسامح اللي اتنمروا عليا
كشف الإعلامي شريف مدكور، تفاصيل جديدة عن حياته الشخصية، مشيرا إلى أنه لدي احترام كبير لكل رجال الدين، وأدرس في الدين منذ 5 سنوات تقريبا.
وأضاف الإعلامي شريف مدكور، حواره مع الإعلامية ريهام السهلي، ببرنامج الرحلة الذي يُذاع على منصة dmc plus، أن :"حلمي أقدم برنامج ديني، لكن الحقيقة إني بذاكر في الدين بقالي 4 أو 5 سنين، وكل شيخ بيقول حاجة مختلفة، والمذاهب متعددة، فقررت أقرأ وأبحث بنفسي، ولو عملت البرنامج ده هيبقى بدون أجر، وأنا شيخ في نفسي ومحبش أصلي في الجامعة وبحب أصلي في البيت".
وأضاف الإعلامي شريف مدكور، أن :"مش مسامح اللي اتنمروا عليا، والضيق النفسي والهجوم السخيف الذي يتعرض له بين الحين والآخر، بالتزامن مع عدم البوح أو الفضفضة، كان من بين اسباب تعبه، بحسب ما أخبره الأطباء.
برلماني يطالب بإجراء تعديل تشريعي شامل في قانون الضريبة على العقارات المبنية