شريف منير يدافع عن إبنته: اللوك عجبنى ومبسوط منها.. بصوا على عليتكم
تاريخ النشر: 26th, August 2023 GMT
دعم الفنان شريف منير ابنته أسما شريف منير ، بعد ان قامت بقص شعرها خلال الساعات الماضية ، مما جعلها تتعرض لبعض الانتقادات.
View this post on InstagramA post shared by Sherif Moneer (@sherifmoneerofficial)
وقال شريف منير فى فيديو قام ببثه على حسابه الشخصي على موقع التواصل الإجتماعي الشهير " إنستجرام : اية الدوشة والضجة اللي انتوا عاملينها دي .
واضاف شريف منير حديثه قائلاً : دي بنتي وماليش غيرها ، واللوك اللي عملته عجبني ، ومبسوط منها ، وقبل ما الاخوه اللي عاملين يشتموا فيها ، ويقولوا جتها البلاء فى شكلها، عايزة تكسب التريند ، وابوها معرفش يربيها ، بصوا علي نفسكم وبصوا على عليتكم واخوتكم .
واستكمل شريف منير : بنتي عندها 36 سنة ، وأم ، وهي حرة تعمل اللي عايزه ، وانا مش مهتم بالكلام اللي بيتقال عليا ولا عليها ، المهم انها لا تقوم بايذاء أحد .
سما شريف منير تحلق شعرهانشرت أسما شريف منير، فيديو جديدا لها عبر خاصية ستوري من خلال حسابها الشخصي على موقع تبادل الصور والفيديوهات إنستجرام.
وظهرت أسما شريف منير، وهي تقص شعرها بماكينة حلاقة على الزيرو ، مما أثار الجدل و دهشة عدد كبير من المتابعين.
وعلقت قائلة أسما شريف منير: شعري بقاله فترة بيقع جامد، ده غير ان من كتر العمايل اتحرق و بقي مش صحي خالص، غير الغدد وتأثيرها عليه، قررت أنفذ قرار كان بقالي كتير اوي نفسي اخده، ابداً من جديد، احرر نفسي، افتح صفحة جديدة، حقيقي هو قرار صعب جداً بس حسسني بقوة و تفاؤل.
وتابعت أسما شريف منير: رميت ورايا حاجات كتيرة اوي بمجرد اني شلت شعري، قلبي كان بيدق جداً و بعديها حسيت اني مليانا ادرينالين.. خطوة جريئة و مرعبه بس حسه اني طالعة منها بدرس عارفة ان في ناس كتير هتهاجمني بس انا فرق معايا إحساسي بالراحة اللي انا حسها دلوقتي…عادي هبطول تاني بس الاحساس ده مش هحسه غير مرة.. بكره هتشوفوا النتيجة الأخيرة.
أحدث أعمال شريف منير
وكانت أحدث أعمال الفنان شريف منير الفنية، هو مسلسله إجازة مفتوحة، الذي تم عرضه في أواخر 2021.
ويجسد شريف منير خلال الأحداث دور أب، متزوج من الفنانة لقاء الخميسي، وتجسد الفنانة سميحة أيوب دور والدته، كما تظهر ملك قورة ودنيا ماهر بدور شقيقتيه، ويجسد كريم أبو زيد دور شقيق الفنانة لقاء الخميسي.
المصدر: صدى البلد
كلمات دلالية: شريف منير أسما شريف منير أسما شريف الفنان شريف منير أسما شریف منیر
إقرأ أيضاً:
«عايزة أتجوز وأتستر».. أول تعليق لـ أسما شريف منير بعد احتفالها بزواجها
تصدرت الإعلامية أسما شريف منير، مؤشرات البحث عبر تريند «جوجل» ومنصات التواصل الاجتماعي خلال الساعات القليلة الماضية، وذلك بعدما لفتت الأنظار إليها أمس الجمعة باحتفالها بزفافها من مدرب الرقص الشهير أحمد الشامي.
وفي هذا السياق، كشفت أسما شريف منير، عبر حسابها الرسمي بموقع تداول الصور والفيديوهات «إنستجرام» لقطات من احتفالها بزفافها في أجواء عائلية، والتي ظهرت خلالها بإطلالة بسيطة ومميزة، حيث اختارت فستان من الستان الفاخر دون إضافات، مع تسريحة شعر مسترسل.
وعلقت أسما شريف منير، على احتفالها بزفافها، قائلة: «أنا الحمد لله اتجوزت، وده قرار جه بعد فترة طويلة من رحلة عشتها مع نفسي، من حاجات كتير قوي اتعلمتها، تجارب دخلت فيها، اختيارات وصلت لها».
عرض هذا المنشور على Instagramتمت مشاركة منشور بواسطة ???????????????? c???????????????????? ???????????????????????? - اسما شريف منير (@asma.sherif.moneer)
كما أضافت أسما: «حاجات بقيت بحبها، وحاجات ما بقيتش بحبها. فهمت نفسي أكتر، اتعرفت على نفسي أكتر، فهمت أنا محتاجة إيه من الجواز، إيه المهم وإيه اللي مش مهم، إيه اللي محتاج مجهود وإيه اللي مش محتاج مجهود».
وتابعت أسما: «قعدت فترة كبيرة جداً بدعي ربنا بإنه يعوضني خير ويعوضني خير صبري، لأني كنت في الفترة دي بحاول أقصى حاجة في الدنيا إني أحافظ على نفسي وما أغضبش ربنا».
وأضافت: «حاولت إني أدعي ربنا كتير قوي إنه يقف جنبي ويختار لي، وكنت دايماً بقول: يا رب اختار لي ولا تخيرني. وكنت مركزة جداً في موضوع إني أتعامل بالتوكل، وتوكلت على ربنا تماماً تماماً في القرار ده».
وتابعت ابنة شريف منير: «تعاملت على إنه هو اللي هيجوزني وهو اللي هيقول لي أعمل إيه. قلت له: سهل لي الطرق المعينة اللي أنت عايزني أعملها. أنا نيتي خير ومش عايزة أعمل حاجة غلط وعايزة أتجوز وأتستر وأعيش حياة كريمة فيها احترام وفيها تقدير وفيها عوض».
وأردفت: «كلمت مع ربنا كتير لحد ما جه وقت صدقت جداً وكان عندي يقين غير عادي إن ربنا هيحقق لي الحاجة دي، لأني كنت عديت بفترة تعب كبيرة قوي نفسي علشان أقدر أتخطى ده. كان بفكرة إنه صحيت نفسي في الشغل وتوكلت على ربنا ومقررة إنه هو هيختار لي الأصلح».
وأشارت أسما: «ده اللي حصل، عمري ما كنت أتخيل إني هتعرف على أحمد إزاي ولا إن إحنا لما تعرفنا على بعض إن إحنا كنا هنتجوز أصلاً أو أي حاجة، وحتى أنا بيني وبين نفسي، عشان كان عندي يقين، كنت عارفة إني هتجوز».
وتابعت: «كنت قايلة إن أنا هتجوز في تاريخ معين يوم 25-5-5، كنت خلاص بقول للناس كلها إن ده يوم فرحي وإن أنا هتجوز اليوم ده، وأصلاً مكانش فيه حد في حياتي خالص، من كتر يقيني إن ربنا هيبعت لي حد وإنه هيرزقني بالزواج الصالح اللي يريح قلبي ويعوضني ويحسسني بالأمان وبالاحترام وبالاحتواء».
واختتمت: «اللي شدني في أحمد إنه قريب من ربنا و بيغيرش الحقايق، وعارف مسؤولياته تجاه ربنا و عيلته، وعارف معاملاته تجاه ربنا عاملة إزاي، فلقيت الشخص اللي ممكن يبقى بيعامل الناس وجواه سالك، جواه إيمان، ده حد تقدر تثق فيه وتحس إنه تقدر تبني معاه حياة وإنت متطمن، أكيد بنتضايق ونزعل من بعض، احنا الاتنين فينا عيوب وكل حاجة زي كل البشر، بس فكرة إن الاختيار نفسه ربنا وفقني فيه و سهلها من عنده، يا رب يبقي خير، لحد ما أموت يبقى هو في حياتي».
اقرأ أيضا:
أسما شريف منير تحذف جميع صورها على مواقع التواصل الاجتماعي.. ما السبب؟
«موهبة بشكل فريد ».. أسما شريف منير توجه رسالة لـ شيرين عبد الوهاب
أسما شريف منير تكشف عن 38 شيئا تعلمته من تجارب الحياة
القيادة تهنئ ملك المملكة الأردنية الهاشمية بذكرى يوم الجلوس