صناع «السلم والثعبان» يكشفون سبب تسمية الفيلم.. حب ونجاح

كشف صناع فيلم السلم والثعبان لأول مرة، كواليس اختيار الاسم، والعلاقة بينهم التي تطورت فيما بعد لصداقة قوية، وذلك خلال الندوة التي أقيمت على هامش فعاليات مهرجان الجونة.

لقاء محمد حفظي وطارق العريان 

وقال المنتج محمد حفظي: «في مرة قابلت طارق العريان على طيارة وقولتله أنا بحب السينما أوي، وعايز أشتغل في السينما، ولقيته قاعد يسألني عن أفلام قديمة كانه بيختبرني، وقولتله دا سيناريو كنت كاتبه ممكن تقرأه، واللي الناس متعرفوش أن طارق العريان شاطر جدا، وببعيش الحالة بتاعت الفيلم، وبيركز على كل تفصيلة، وحسيت أني شخصية هاني سلامة شبهي أوي، رغم أنه كان مطلق وعنده بنت، ولكن هو كان عنده صراع كبير جواه، زي كل الشباب وهو أنه عايز يحب وينجح ويشتغل، والفيلم أكبر رسالته هو أنك ازاي تفهم الدنيا، وتعرف هي ماشية ازاي، عشان كدا سميناه السلم والثعبان، ودائما بقول إن طارق العريان مدين له بالفضل لأنه أول ما اداني الفرصة».

وتابع: «اداني السيناريو، وكنت بختبره عشان أعرف بيفهم السينما ولا لا، ولما وصلت مصر الاسكربت ضاع وقابلته بعدها كذا مرة، وكنت خايف يسألني قريت السيناريو، لحد ما كنت بعزل من البيت، ولقيته بالصدفة، وقريته وكلمته قولتله أنا قريت السيناريو، وعايزك تكتب معايا فيلم جديد، الصدفة برده كانت سبب معرفتي بهشام نزيه، كنت حاضر في ايفنت وقعدنا جمب بعض واتكلمنا في السينما».

صداقة هشام نزيه وطارق العريان

وقال الموسيقار هشام نزيه: «طارق العريان ظهر في حياتنا كان نجم، مش لسه واحد عامل مشروع أو حاجة، لا دا واحد كان مكسر الدنيا، وكان معروف للناس كلها، وأول مرة اتقابلنا قالي تعالي نرجع القاهرة ونتقابل نظبط حاجات شغل، وابتدينا في الإعلانات».

المصدر: الوطن