نزار العقيلي: (هدهد السودان)
تاريخ النشر: 18th, October 2024 GMT
خلال اسبوع واحد بس اطاحت تشاد و جنوب السودان و مصر برؤساء اجهزتها الأمنية ، و هنا مااااافي اي مجال للصدفة ، و قبل ما نحلل الحدث ده لازم نجهز كباية قهوة نص كباية خالي سكر و دواء .
في البداية خلونا نعرف انو التغيير الحصل في اجهزة الامن بجنوب السودان و تشاد بيختلف عن التغيير الحصل في مصر لكن كلهم مرتبطين بطريقة او أخرى بالحصل عندنا في السودان ، فتغيير تشاد و جنوب السودان استهدف الاجهزة المسؤلة من الامن الداخلي اما تغيير مصر فاستهدف الجهاز المسؤل من الامن الخارجي للدولة .
و ده بيعني إنو تشاد و جنوب السودان عندهم مخاوف من مشاكل داخلية ، اما مصر فمخاوفهم من الخارج اكتر من الداخل ، فالسيسي شال عباس كامل من رئاسة الجهاز و كلفه بمهام التنسيق بين الاجهزة مع وظيفة استشارية و ده ذي العملو البشير مع صلاح قوش لامن شالو من الجهاز و عمل ليهو حاجة اسمها الاستشارية و دي عبارة عن ( تقريشة ) محترمة ، و التقريشات دي دائماً بتكون متعلقة بتوافر معلومات عن اختراقات من اجهزة خارجية تم كشفها او جاري التحقيق فيها ،
اما التغييرات الحصلت في تشاد و في جنوب السودان دي كانت عبارة عن تأمين لمخاطر محتملة قد تضر بانظمتهم من الداخل و دائما الحاجة دي بتكون مرتبطة بفشل عمليات خارجية ، فاي دولة بتعمل مؤامرة خارجية و المؤامرة دي تفشل بتقوم تعمل حسابها من الهجمات المرتدة و تقفل ثغراتها الداخلية ، و من بداية حرب المليشيا في السودان كانت اصابع اجهزة تشاد و جنوب السودان ظاهرة جداً و بعد فشل المليشيا الكبير بدت تشاد و جنوب السودان في اتخاذ الاجراءات و التدابير البتمنع الهجمات المرتدة .
في اخر زيارة للبرهان لجنوب السودان كان معاهو وفد امني و عسكري عالي و انا علقت على الخبر بانو الزيارة دي ح يكون لها ما بعدها ، و قد كان ، فبعد مرات في اجهزة دول بتعمل تحركات بي علم او بدون علم القيادة العليا ، ذي ما حصل زمان في محاولة اغتيال حسني مبارك ، و انا برشح انو اجهزة الجنوب اتصرفت تصرفات بعيدة عن علم القيادة خاصة و انو القائد اكول كور كانت بتربطه علاقات قوية جدا بزعيم المليشيا ،
اما الحصل في تشاد بتغيير محمد مورقو هي محاولة لتقديم كبش فداء و التملص من اي عمليات قذرة استهدفت السودان و وصلت تشاد من الذعر و الخوف انو تقيل مدير الشرطة ليلحق بوزير الامن السابق .
التغيير الأمني الكبير في محيطنا الإقليمي يعتبر مؤشر وااااضح لفشل المؤامرة الكبيرة على السودان و كذلك يعتبر بداية لمرحلة جديدة ح نشهد فيها تبدل كبير للمواقف ، و ارجو من القراء مراجعة مقال كتبته بعنوان ( الحرب ح تستمر لمتين ؟ )
اي زول بيتخيل إنو التغييرات الامنية في المنطقة الحصلت خلال اسبوع واحد مجرد صدفة او انو جهازنا بعيد منها ح يكون زول ما بيعرف (هدهدنا ) بيشتغل كيف .
كلها اسبوع اسبوعين و تبداء تتشكل ملامح المرحلة الجديدة في افريقيا و الشرق الاوسط .
من غيرنا يااااخ
هدد خبرنا يقين ، سطع مكان الغارة
قبل يرد طرفك انحنا إستخبارة
نزار العقيلي
إنضم لقناة النيلين على واتسابالمصدر: موقع النيلين
إقرأ أيضاً:
لجنة ضبط الوجود الأجنبي بجنوب كردفان تعقد اجتماعا بسلاطين جنوب السودان
عقدت لجنة ضبط الوجود الأجنبي ومراجعة الهوية بجنوب كردفان اجتماعا مشتركا بمقار امانة الحكومة بكادقلي برئاسة الاستاذ ابراهيم حمدين كوكو امين عام الحكومة .وذلك بهدف حصر وتحديد مواقع الوجود الأجنبي بمحافظة كادقلي الكبرى والريف الشرقي.واكد الاستاذ ابراهيم حمدين في تصريح صحفي عقب الاجتماع، بان الاجتماع امن على كل الإجراءات والخطة الموضوعة التي رسمتها اللجنة.وقال ان قادة وسلاطين وشيوخ دولة جنوب السودان التزموا باحضار منسوبيهم بالموقع الذي حددته اللجنة داخل مدينة كادقلي لإكمال اجراءات الحصر والتسجيل مبديا اعجابه بتفهم الأشقاء من دولة جنوب السودان على تقبلهم للاجراءات السلسلة التي اتبعتها حكومة الولاية.من جانبه أوضح العميد شرطة سيف الإسلام فضل علي مدير دائرة الجنايات و الشؤون العامة مقرر اللجنة بانهم اجتمعوا بقادة وشيوخ وسلاطين دولة جنوب السودان بكادقلي والبالغ عددهم (3600) لاجئي مؤكدا بان اجراءات التسجيل والحصر تبدأ فى الخامس من شهر أغسطس وتستمر لمدة ثلاثة أيام بمركز الشباب كادقلي ومنها تنتقل اللجنة الى محافظة الريف الشرقي.وقال ان الغرض من الاجتماع حصر وتسجيل الوجود الأجنبي بكادقلي حسب مواقعهم ومعرفة اماكنهم.واعرب السلطان بيتر كول عن عمق شكره وتقديره لحكومة وشعب الولاية وتذليل كل الإجراءات الادارية والفنية حول كيفية حصر وتسجيل اللاجئين. وقال نرحب بتلك الضوابط والإجراءات لضمان الحقوق والواجبات.سونا إنضم لقناة النيلين على واتساب
كم عمر الدرع وأبناء درع السودان وهل لديهم ثقافة حرب عمرها يتجاوز العشرين عام