تعالى هنعملك مساج.. نص اعترافات متهم في واقعة خطف وسرقة بقال بدار السلام
تاريخ النشر: 18th, November 2024 GMT
حصل موقع “صدى البلد” على نص تحقيقات النيابة العامة في واقعة خطف وسرقة بقال بمنطقة دار السلام.
وجاءت أقوال أحد المتهمين كالاتي:
س: ما هي تفصيلات إقرارك؟
ج: اللى حصل إن أنا ليا أخ اسمه محمد وهو أخويا من أم ثانية، ومحمد جاري لقتيهم بيقولوا لي إن فيه مصلحه حلوه ممكن نعملها ونكسب فلوس وقالوا لي على الفكره، إن فيه ناس هتكلمنا على أساس أن احنا مركز تدليك وهنتقابل معاهم وهيبقي دور محمد بالاتفاق مع واحد اسمه يوسف إنه بيجيبلنا الناس إلى هنسرقها.
أكد المتهم في التحقيقات، أن محمد يقوم لاستقبالهم قدام سنترال دار السلام وياخدهم معاه على الموتوسيكل للبيت إلى موفره «كريم» ومجرد ما يطلع الشخص يقابلني أنا وكريم في البيت بنتكاتر عليه ونحبسه جوا الشقه ونطلع بالفلوس إلى معاه كلها وبعد كده نمشيه، والي حصل يوميها إن إحنا عرفنا الشيخ «حسن محمد بخيت»، واتفق مع يوسف على جلسه 10 بالليل وعليه رحت أنا وكريم على الشقه واستنينا هناك ومحمد راح يجيب الشيخ حسن على الشقه وبمجرد ما وصل لقانا مستنيينه جوا روحنا موقعيته على الأرض وضاربينه وواخدين منه كل اللى معاه وبعد كده نزلوا بيه گریم ومحمد وأخدوه على موقف الميكروباص وده كل إلى حصل.
س: متي وأين حدث ذلك؟
ج: الكلام ده حصل في منطقة دار السلام.
س: ما هي علاقتك بكل من كريم والمدعو محمد؟
ج: كريم يبقى جاري وصاحب محمد إلى هو يبقي اخويا من أم ثانية.
س: منذ متي وأنت على صله بالمتهم كريم؟
ج: انا أعرفه من زمان عشان هو جاري
س: هل انت بالمعتاد ارتكاب جرائم السرقة؟
ج: لا
س: ومن هو شخص المخطط لارتكاب الواقعة محل التحقيق؟
ج: هو اخويا محمد بالاشتراك مع واحد اسمه يوسف
س: هل شارككم في ارتكاب الواقعه ثمة شخص آخر؟
ج: لا انا وكريم ومحمد ويوسف بس.
المصدر: صدى البلد
كلمات دلالية: النيابة العامة جرائم السرقة تحقيقات النيابة الميكروباص ميكروباص الموتوسيكل
إقرأ أيضاً:
رايحة تعمل جلسة مساج.. التحقيق في اعتداء مصور على ابنته بالشيخ زايد
تباشر النيابة المختصة تحقيقات موسعة في اتهام مصور بضرب على ابنته بعد اكتشافه خضوعها لجلسة مساج بالشيخ زايد، ويخضع الأب المتهم للتحقيق وقررت النيابة توقيع الكشف الطبي على الفتاة لبيان ما بها من إصابات.
وتلقت الأجهزة الأمنية بالجيزة بلاغا يفيد بقيام أحد الأشخاص بالتعدي على فتاة بمنطقة الشيخ زايد، وعلى الفور انتقلت الأجهزة الأمنية إلى محل البلاغ وبالفحص تبين أن مرتكب الواقعة يعمل مصورا، وأنه اعتدى بالضرب على ابنته وذلك أثناء جلسة مساج للفتاة المجني عليها.
وألقت الأجهزة الأمنية القبض على المتهم وتم اقتياده إلى قسم الشرطة وتوالت الجهات المختصة التحقيق مع المتهم فيما هو منسوب إليه من اتهامات وتم اتخاذ الإجراءات القانونية حيال الواقعة.
كم عمر الدرع وأبناء درع السودان وهل لديهم ثقافة حرب عمرها يتجاوز العشرين عام