شهادتى مجروحة.. تامر حبيب يشيد بمسلسل كامل العدد + 1
تاريخ النشر: 26th, March 2024 GMT
نشر الفنان تامر حبيب تعليقا عبر حسابه على موقع التواصل الاجتماعى إنستجرام يشيد فيه بصناع مسلسل "كامل العدد + 1".
وقال تامر حبيب : شهادتي مجروحة علشان كتاب هذا المسلسل هما بناتي وصاحباتي وزميلاتي وفلذات أكبادي، رنا أبو الريش ويسر طاهر، أنا شديد الفخر وشديد السعادة، أنتوا اختارتم من الجزء الأول ومع سبق الإصرار أنكم تعملوا الموضوع ده، واختياركم كان ينم على منتهي الذكاء علشان اختارتم موضوع شبهكم، شخصيات من عوالمكم، وعلاقات عارفينها كويس وقادرين تتكلموا عنها بتفاصيلها و مواقفها وصراعاتها، وعملتوا كده وكتبتوا مسلسل ممتع وشيق وحقيقي وطيب، و طيب دي نحط تحتها ميت سطر.
تمت مشاركة منشور بواسطة Tamer Habib (@tamerhabibofficial)
وأضاف تامر حبيب: طيب وسط غابة من مسلسلات الدم والمغامرات والعلاقات المشوهة بين الحبايب وبين الأخوات والأهل و بين الصحاب والقرب والغرب، مسلسل طيب في دنيا كلنا واخدين على خاطرنا منها ومش مآمنين لها، ونجحتوا في ده جدا السنة اللي فاتت، ويمكن ماكنتوش ناويين تعملوا جزء تاني أو يمكن كنتوا ناويين، بصراحة مش عارف و مش هأفتي، أضف إلى ذلك أن الغالبية العظمى من الأعمال التي يتعمل منها جزء تاني، بيكون جزئها الأول أقوى وأحلى، و هنا حدث الاستثناء.
وأستطرد تامر حبيب : ذكائكم وصدقكم وموهبتكم في اللي انتوا كاتبينه السنة دي ربطتنا كمشاهدين وحببتنا في الشبكة الطيبة المبهجة الممتعة دي أكثر وأكثر، أنا شخصيا و من أول حلقة ماتش الكورة لقيت روحي عايز الحق اخطفني كرسي وسط العيلة الحلوة دي واتفرج معاهم على الماتش، ودموعي فاجئتني وفرحت كأني بجد واحد منهم، كل واحد في الناس دول بقي يخصني، وكل شاب وشابة وطفل وطفلة بقوا ولادي، بقيت عايز أساعد في حل مشاكلهم، وخايف على الولاد زي ليلي وأحمد بالظبط وشايل همهم، عيلة كامل العدد بقت عيلتي بجد علشان العيلة دي هي فعلا هي عائلاتنا كلنا أيام ما معني العيلة كان موجود ومهم.
وأشار تامر حبيب : يا رب كل اللي اتفرج يبقي افتكر وفهم وقدر المعني ده، فرحت قوي وأنا بأتلخبط وأنا بأتفرج ومش فاكر مين ولاد مين و لا مين أخوات مين، يا رنا ويا يسر ويا خالد يا خلفاوي يا إنسان، ماظنش أن أي حد فينا ماكانش جعان ونس ودفا و طيبة لقيناهم عنكم، وعمرنا ما هانشبع منهم أبدا، وأكيد كل فرد من أفراد العيلة دي هما وقرايبهم وصحابهم وحبايبهم وحبايب صحابهم ليه دور عظيم ما يقلش عن دور الثاني في إحساسنا بالونس ده.
وانهى تامر حبيب حديثه : أنا لسة ماشوفتش آخر حلقة، قاصد أأجل آخر قعدة معاكم اللي بعدها علطول هأفضل مستنيكم لغاية ما ترجعولي السيزون الجاي.
المصدر: صدى البلد
كلمات دلالية: رنا ابو الريش مسلسل كامل العدد مسلسل كامل العدد 1 تامر حبيب دينا الشربيني تامر حبیب
إقرأ أيضاً:
أسامة نبيه: راجعت نفسي وممكن أعتذر عن عدم التوفيق مش علشان أنا فشلت
تحدّث أسامة نبيه عن بعض القرارات التي اتخذها خلال فترة تولّيه المهمة، مؤكدًا أنه قام بمراجعة نفسه بعد المباراة الثانية مباشرة.
وأوضح أنه قدّم اعتذاره في ذلك التوقيت ليس بسبب ضغوط خارجية، وإنما تقديرًا للموقف العام وحرصًا على التصرف بمسؤولية.
وأضاف نبيه خلال تصريحاته مع إبراهيم فايق :أن الاعتذار لا يعني الإقرار بالفشل أو الاعتراف بالتقصير المهني، بل هو تعبير عن احترام الجماهير واللاعبين والمهمة التي كان يتحمل مسؤوليتها.
وشدّد على أنه يمكن للمدرب أن يعتذر عن عدم التوفيق أو عن بعض القرارات التي لم تصب في صالح الفريق، دون أن يُفهم من ذلك أنه أخفق أو فقد كفاءته.
وأشار إلى أن المراجعة الذاتية جزء من تطور أي مدرب محترف، وأن الخطأ وارد لكن الأهم هو القدرة على تصحيحه والاعتراف به في التوقيت المناسب. كما أوضح أنه فضّل عدم التمسك بقرارات يرى أنها قد تُفهم بشكل سلبي، واختار أن يوضّح موقفه بعد تقييم شامل للأحداث.
قرار عدم ضم يوسف سيد عبد الحفيظ
أوضح أسامة نبيه أن استبعاد اللاعب يوسف سيد عبد الحفيظ من القائمة لم يكن لأسباب شخصية، بل يعود إلى عدم مشاركته أساسيًا مع ناديه في الفترة التي سبقت البطولة. وأكد أن معيار الاختيار كان يعتمد على الجاهزية الفنية والبدنية ومعدل المشاركة في المباريات، وهو ما لم يكن متحققًا بالنسبة للاعب حينها.
وبيّن نبيه أنه يتابع حالة اللاعبين بشكل مستمر، وأن تواجده في بطولة أمم أفريقيا لم يمنعه من الاطمئنان على حالة يوسف بعد إصابته. وأشار إلى أنه تواصل بشأن علاجه خلال فترة وجود المنتخب في البطولة، احترامًا للعلاقة المهنية والإنسانية التي تجمعه باللاعب.
وأكد أن باب المنتخب كان وسيظل مفتوحًا أمام أي لاعب يثبت جاهزيته ويظهر قدرته على المشاركة بانتظام في المباريات الرسمية، موضحًا أن القرارات الفنية تُبنى على معايير واضحة لا تخضع للتأويل أو المحاباة
مصرع شاب صعقا بالكهرباء فى حوش عيسى بالبحيرة