«إحنا بتوع فلوس».. أبرز تصريحات بيومي فؤاد في برنامج «حبر سري»

حل الفنان بيومي فؤاد، ضيفا على برنامج «حبر سري» للإعلامية أسما إبراهيم، الذي يعرض على قناة القاهرة والناس.

وخلال حديثه، كشف بيومي لأول مرة كواليس أزمته الأخيرة في «موسم الرياض»، ورد على جميع الأسئلة التي دارت في أذهان الجمهور.

بيومي فؤاد مع أسما إبراهيم
إحنا بنروح السعودية علشان ناخد فلوس

وقال بيومي فؤاد خلال حواره مع أسما إبراهيم: ««إحنا بنروح السعودية علشان ناخد فلوس.

. نشتغل وناخد فلوس.. محدش عارف إحساس الكوميديان.. ربنا يكفيكم شر إنه يقول إفيه وميجبش ضحك».

وأضاف: «كم التوتر وضربات القلب السريعة وبطننا اللي بتوجعنا وبطننا اللي بتمشي ده بفلوس، اللي يشوفه بسيط يشوفه، إحنا بنروح بقى علشان نرقص ونغني وناخد قصاده فلوس فـ مفيش حد بيشتغل من غير فلوس».

الرد على كاملة أبو ذكري

كما رد بيومي فؤاد بالرد على مهاجميه منهم المخرجة كاملة أبو ذكري، وعلاقته بنجوم الوسط الفني، قائلا: «كل واحد في حاله ولم يحصل عتاب ولا كلام وفي حاجات مينفعش فيها كلام وده رأيها وهي قررت، ومكتبتليش ليه اللى عملته ولكن هي قالت رأيها».

وتابع: «كان في بينا كلام وهي مخرجة كبيرة والواحد يتمنى يشتغل معاها، وفي سجن النسا بعتتلى وعرضت عليا 3 أدوار وساعتها كان عندي مسلسلات كتير فاعتذرت لها وتقبلت العذر».

بيومي فؤاد مع أسما إبراهيم

أما عن موقفه فيما قالته في المنشور الذي هاجمته فيه قائلا: «قبل كده هي قالت إنها كانت واحدة من جمهوري ومحبيني، وبعدين قالت اللي قالته عليا، وأنا بقرأ البوست بعد الأزمة قلت حقى عند ربنا، وكل واحد هياخد حقه».

برنامج «حبر سري»

يعرض برنامج حبر سري يوميًا في رمضان في تمام الساعة 6:10 عقب آذان المغرب مباشرة، كما يعرض على قناة القاهرة والناس، من تقديم الإعلامية أسما إبراهيم، وإخراج ميلاد أبي رعد.

اقرأ أيضاًتأجيل عرض برنامج حبر سري تضامنا مع فلسطين (صورة)

«مستحيل ألحن مهرجانات».. أبرز تصريحات رامي جمال في برنامج «حبر سري»

رمضان 2023.. أبرز نجوم برنامج «حبر سري» للإعلامية أسما إبراهيم (فيديو)

المصدر: الأسبوع