شيرين عبدالوهاب تخرج عن صمتها: أتعرض لمؤامرة ومش هسكت تاني (فيديو)
تاريخ النشر: 24th, August 2024 GMT
علقت الفنانة شيرين عبدالوهاب على الأزمات التي تعاني منها وغيابها عن الوسط الفني، قائلة: “هناك مؤامرة معمولة عليا علشان أقعد فى البيت"
وأضافت الفنانة شيرين عبد الوهاب، خلال مداخلة هاتفية ببرنامج “الحكاية” المذاع عبر فضائية “إم بي سي مصر”، تقديم الإعلامي عمرو أديب: “ وأنا مكنتش بتكلم وكنت قاعدة زى ست خيبتها والأن صوتي مش هيتقطع وهفضل أغني وراكبة القطر بتاعي ومحدش هيعرف يوقفه، خلاص أنا سكت كتير”.
وتابعت شيرين عبدالوهاب: "أنا بناشد القضاء المصري زي ما اتحكم لروتانا بالغلط انهم ياخدوا مني 8 مليون بالسرعة دي، أنا كمان القضايا اللي رفعاها يتحكم ليا بسرعة لأني ليا حق”.
محدش يجيب سيرتي.. أنا فنانة كبيرةوتابعت الفنانة شيرينعبد الوهاب: “صحتي زي الفل وأنا فلة شمعة منورة وبحب جمهوري جدا وكتر خيركم وعلي دماغي اللي بتعملوا علشاني، وأنا ماضية دلوقتي مع شركة ربنا، وهو اللي ممشيني ومنجحني وواقف معي وأنا لا أحتاج شركات، ومبسوطة كدا، والكل يلزم حده ومحدش يجيب سيرتي أنا فنانة كبيرة".
وأطلقت النجمة شيرين عبدالوهاب، أجدد أعمالها الغنائية بعنوان ومازال ع البال، عبر موقع الفيديوهات الأشهر عالميًا يوتيوب.
صناع أغنية شرين عبدالوهاب الجديدة “ومازال ع البال”
أغنية ومازال ع البال، كلمات- تامر حسين ، الحان- مدين، توزيع- توما، ميكس وماستر- توما، وتريات- سعيد كمال، جيتار- مصطفي نصر.
آخر أغنيات شيرين عبدالوهاب
كانت شيرين عبدالوهاب طرحت آخيرًا أغنية "هنحتفل"، من كلمات تامر حسين، ألحان عزيز الشافعي، توريع توما، وتقول جزء من كلماتها:"أنا عاوزة أقولك لو كنت معايا تركيزي كله ودنيتي ليك، لأ عادي جدًا هلغي اللي ورايا وأدلع فيك، تلفوني هيتقفل وأنا وأنت هنحتفل هنحتفل باللحظة الحلوة دي والنوم حرام لو الواحد غفل عاوزة أستغلك ومأسبش دقيقة جمب القمر دا وأبص لمين، أبص لمين وأنا لما أقابلك عندي كلام تاني من اللي هتسرح فيه ".
حذف أغاني شيرين عبدالوهاب بعد ساعات من طرحهم على يوتيوب
وتعد هذه المرة الثالثة التي تقوم شركة روتانا بحذف أجدد أغاني شيرين عبدالوهاب، بعدما حذفت أغنيتي "بتمنى أنساك"، "اللي يقابل حبيبي"، بسب خلافات حول التعاقد بين الطرفين.
تفاصيل أجدد أغاني شيرين عبدالوهاب
أغنية بتمنى أنساك من كلمات وألحان عزيز الشافعي، توزيع توما، وتقول جزء من كلماتها: “هو أنا حبيتك ليه؟ صدقت كلام أوهام، وصحيت على نار وآلام كان قلبي وحيد مرتاح وأنت اللي مليته جراح خليتني أحبك ليه.. لما أنت محبتنيش؟ وازاي أنا بموت وتعيش وعينك بتنام، بتمنى تزول ملامحك من بالي تزول”.
أغنية «اللى يقابل حبيبى» كلمات تامر حسين وألحان عزيز الشافعى وتوزيع امين نبيل، وتقول كلماتها
اللي يقابل حبيبي سلامي أمانة ليه
لو بيني وبينه إيه
ده مهما كان حبيبي
والبعد الله يجازيه
اللي يقابل حبيبي ياخد صورة معاه
يبعتها من وراه
أسرح في عيون حبيبي
وأحكيله عن الحياة
غريبة الدنيا ديا
تقرب الحبايب
وتلاقي الفرحة جاية
تغرب الحبايب ".
المصدر: بوابة الوفد
كلمات دلالية: شيرين عبدالوهاب شيرين روتانا شیرین عبدالوهاب من کلمات
إقرأ أيضاً:
مقدم البلاغ في بنت مبارك المزيفة: للأسف الناس هي اللي شهرتها |فيديو
كشف هيثم بسام محامي مقدم البلاغ ضد بنت مبارك المزيفة تفاصيل جديدة عن بنت مبارك المزيفة، والتي ظهرت في مقاطع فيديو تتحدث عن بعض الشخصيات زاعمة أنها ابنة الرئيس حسني مبارك.
وقال المحامي في لقاء مع موقع صدى البلد، مروة يسري أو الشهيرة بنت مبارك الزيفة، مكنتش متابع فيديوهاتها لكن لقيت بنت متهمة بالإتجار في الأعضاء وقولت لها ابعتيلي اللينك بتاع مروة، ولقيت فعلا البنت بتتكلم بثقة غير عادية بس طريقة كلامها مفيش عقل يتقبله.
وتابع المحامي، لقيت فيديوهات سابقة وقديمة منها فيديوهات بتغلط في شخصيات ومكنتش منتشرة وعرفت أن البنت بتعمل فيديوهات لـ حب الشهرة، والناس ربطت الشبه بس وقالت أنه صح، والتعليقات كانت غريبة وناس متعلمة صدقت وقالت الشبه هو أكبر دليل.
وأضاف المحامي، السبب في انتشار مروة بنت مبارك المزيفة التعليقات وأنا قدمت بلاغات ضدها لما شوفت الفيديوهات ولقيتها ملهاش أساس من الصحة لأنها بتتهم ناس وفنانين وبلوجرات وقالت معايا مستندات طيب اللي معاها مستندات تروح النيابة مش تطلع تيك توك.
واستطرد تقدمت ببلاغ رسمي ضد مروة بالفيديوهات وطلعت قولت أن البنت بتقول لو اتقدم بلاغ هقدم الدلائل، لكنها طلعت هاجمتني وبتشتمني وتسيء لمؤسسات الدولة وكمان النيابة العامة، ومطلعتش رديت عليها وقدمت البلاغ والنيابة هتحقق وتكشف اللي حصل، ووزارة الداخلية نجحت في خلال 24 ساعة كانت مقبوض عليها.
وأكد المحامي أن الفتاة انتحلت صفة ابنة رئيس أسبق لمصر وقامت بالتزوير ايضا وتكدير الأمن والسلم والإساءة لمؤسسات الدولة، وعقوبات كل تهمة تصل لـ 5 سنوات حبس ومن غير المعقول أن يتم تصديق أقوال هذه الفتاة فلا دلائل على كلماتها التي كانت تدعيها في الفيديوهات.
حسام موافي: شرب الحشيش لا يحتاج لمصحة.. والترامادول يستوجب الدخول الفوري