عائشة الماجدي: يا (عمر النعمان) لا أحتمل أن أرثيك أو أقرأ عنك رثاء ولكن
تاريخ النشر: 7th, September 2024 GMT
قالها (عمر النعمان ) هكذا بدون ألقاب قالها ورفاقه الشهداء الأبرار( حالفين بربنا يا وطن أعداك نفني مقاصدا…يلقونا نيران في البدن لحماك وأكتر من كدا )….
-ويستشهد واحد من أبناء ( الخنادق والبنادق والفكرة ) خنادق الوطن وبنادق الكرامة وفكرة أن لا يظل في هذا الوطن متمرد أو خائن أو عميل..
-بالأمس يلتحق (عمر النعمان ) بركب شهداء الوطن ومعركة الكرامة (عبد الرحمن الطيب ، وعثمان مكاوي ، ومحمد صديق ، ومحمد المعتز ) ورفاقهم الشهداء ونلتحق نحن بقافلة ( الحزن النبيل ) لا قافلة ( البكاء والعويل ) فالبكاء والعويل على ( الفوارس ) عيب.
-رحلوا رجال (حمرت دمائهم خضار الكاكي ،رحلوا لا زفه، لا حنوط لا بواكي ) لا بواكي على الفرسان بل حزن نبيل وصبراً جميل لا بواكي على الرجال فيكفيهم ان أرض السودان تشرّبت من دمائهم الطاهرة وشرِّب غيرهم من (سفهاء تقزم ) ومرتادي ديار دقلو من خمر العمالة والإرتزاق ويشرب ( اولاد جمعة دقلو ) من كأس المذلة والإهانة والخيانة للشعب والوطن …
-( عمر النعمان ) وأخوانه الأبطال شهداء لم نرتوي من سنين أيامهم بيننا كانوا كالنسمة كانوا يشبهوا إشراقات الفجر ولون البشارات الصادقة جاءوا لهذه الدنيا ليكونوا عناوين لصفحات ورايات ترفرف في سوح الرجالة والبسالة وضعوا بذرة دمائهم في أرض السودان المباركة لينبتوا بعدهم شباب كله عز ومفخرة وجعلوا في رحم الأرض وأحشائها أجنة الضكرنة وحب الوطن ليسقوا البقية بحبل سري طاهر ونضيف ..
-التراب الذي يتساقط من بوت عمر النعمان وصحبه أشرف من هامات كل ملايش الدعم السريع ومن يساعدهم من أهل المعايش والزمان مسغبة وبائعي الوطن والشعب والضمير الميت …
-يقيني أن أرض إرتوت بدماء ( عمر النعمان ) الذكية لن تُخذل أبدًا وبمشيئة الرحمن يتحقق فيها النصر وإن طال الليل ..
أمشوا ودعناكم الله
عائشة الماجدي
إنضم لقناة النيلين على واتسابالمصدر: موقع النيلين
إقرأ أيضاً:
الفنان علي كايرو يكتب رسالة مؤثرة من سرير المرض: (اتعلمت الدرس وراجعت نفسي وقررت أكون سبب في الخير مش في الأذى وشكراً الشعب السوداني العظيم) والجمهور: (إنك لا تهدي من أحببت ولكن الله يهدي من يشاء)
أثار الفنان السوداني, علي كايرو, تعاطف على الآلاف على مواقع التواصل الاجتماعي بعد رسالة مؤثرة قام بكتابتها من سرير المرض.
الفنان المثير للجدل يرقد طريح الفراش بإحدى مستشفيات أوغندا, منذ فترة ليست بالقصيرة بعد تعرضه لوعكة صحية قرر على إثرها الإطباء إجراء عملية جراحية له.
وبحسب رصد ومتابعة محرر موقع النيلين, فقد كتب كايرو, عبر حسابها على موقع التواصل الاجتماعي فيبسوك, رسالته المؤثرة والتي قال فيها: (أنا علي عباس علي الطاهر المعروف بين الناس بـ علي كايرو, الزمن الفات كان مليان تجارب فيها الغلط وفيها الصح، فيها وجع وفيها دروس ما بتتنسى).
وتابع: (لكن الحصل لي مؤخرًا خلاني أقيف مع نفسي وقفة حقيقية، وأراجع كل خطوة مشيت فيهاالوقفة العظيمة والنبيلة الوقفها معاي الشعب السوداني كانت أكبر رسالة ممكن توصلني — رسالة محبة ورسالة غفران ورسالة إنو مهما حصل الشعب السوداني قلبو كبير وما بينسى أولادو الموقف دا هزّني من جوّا وخلاني أحس إنو في مسؤولية كبيرة فوق كتفي الناس دي حبتني رغم كل العثرات رغم كل الكلام ورغم الظروف ودي محبة ما بتتقدر بثمنعشان كده قررت أغير قررت أكون إنسان جديد بمعنى الكلمة أترك وراي أي تصرف أو سلوك ممكن يسيء لي أو لشعبي أو لبلدي).وأضاف بحسب ما نقل عنه محرر موقع النيلين: (من الليلة دي علي كايرو القديم انتهى والناس حتشوف علي جديد — علي بيفكر قبل ما يتكلم بيسمع قبل ما يحكم وبيحترم قبل ما يطلب الاحترام أنا راجع للناس البحبوني بصورة تليق بيهم وباسم السودان الجميل البستاهل كل احترام وتقدير رافع راسي بشكر كل زول وقف معاي وكل زول دعا لي وكل زول صدق إنو التغيير ممكن).وختم علي كايرو, رسالته المؤثرة قائلاً: (محبتكم وصلتني وده الدافع البخليني أبدأ من جديد بقلب نضيف ونية صافية وبإيمان إنو ربنا دايمًا فاتح باب التوبة والتغيير, من اليوم رسالتي بسيطة: أنا واحد منكم اتعلمت الدرس وراجعت نفسي وقررت أكون سبب في الخير مش في الأذى وشكرًا لكل الشعب السوداني العظيم — أنتو البركة وأنتو السبب وأنتو الأمل).ووفقاً لمتابعات محرر موقع النيلين, فقد وجدت رسالة الفنان تعاطفاً كبيراً من الجمهور الذي تمنى له عاجل الشفاء مع تعليق مكرر من عدد كبير من المتابعين نقلوا فيه الأية الكريمة من سورة القصص والتي تقول: “إنك لا تهدي من أحببت ولكن الله يهدي من يشاء وهو أعلم بالمهتدين”.محمد عثمان _ الخرطومالنيلين إنضم لقناة النيلين على واتساب
نجمة سلة سبورتنج تنضم الى معسكر الاتحاد الدولي