فعلا مبيتنسيش.. دويتو تامر حسني ورامي صبري يكسر حاجز نصف مليون مشاهدة
تاريخ النشر: 7th, January 2025 GMT
تصدرت أغنية “فعلا ميتنسيش” للنجوم تامر حسني ورامي صبري تريند موقع الأغاني الشهير يوتيوب ، حيث كسرت حاجز النصف مليون مشاهدة فى أقل من ٢٤ ساعة من طرحها.
والأغنية من كلمات الشاعر عمرو تيام وهى من ألحان شادي حسن وتوزيع وميكس وماستر طارق توكل وآخرجها تامر حسني.
أول تعاون بين تامر حسني ورامي صبريويعتبر دويتو فعلا ميتنسيش هو التعاون الأول بين تامر حسني ورامي صبري ولكن تجمعهما صداقة قوية منذ سنوات وهو من ضمن الأسباب التى ساهمت فى نجاح العمل بهذا الشكل.
وكان قد رد الفنان تامر حسني علي منشور الفنان رامي صبري عبر صفحته على موقع التواصل الاجتماعي فيسبوك.
وكتب تامر حسني:"حبيبي يا رامي إنت قبل ما تكون نجم كبير و مُهم إنت صاحبي من أيام الطفوله و دي حاجات الناس متعرفهاش و يمكن مكنش في فُرصه نحكي ده قبل كده .. إنت يا رامي صاحب عُمر و مشوار مشيناه من الطفوله و أنا في الصوره ماسك المايك لأخويا و لصوت مصري عظيم يستحق …. شُكراً يا حبيبي على كلامك الغالي اللي من القلب أنا فعلاً إشتغلت معاك من كل قلبي و بكُل حرص علينا إحنا الاتنين بكُل التفاصيل بدافع الحُب و الصداقه و إن ربنا يكرمنا مع بعض … أعتقد إن التعاون ده هيحمس كُل جيلنا إنه يعمل أفكار مشاركه كده وأنا بنادي بيها من زمان من أيام تامر و شيرين و بعدها تامر و بهاء في أغنية قوم اقف وأنا وإنت بعدها إتكلمنا من سنين عشان نجمع البعض من جيلنا و عملنا المستحيل و للأسف معرفناش فقولنا نبدأ بنفسنا عشان نحمس الكُل … حقيقي جمهورنا يستاهل مننا كُل الجديد و كل المُفاجآت اللي تفرحه و المطربين اللي هييجوا بعدنا يستحقوا إنهم يتعلموا ده مننا عشان يكملوه للي بعدهم إنتظروا كليب فعلاً مبيتنسيش بيني و بين أخويا النجم الكبير رامي صبري باشا".
وكان قد علق الفنان رامي صبري علي صورة له رفقة الفنان تامر حسني عبر صفحته على موقع التواصل الاجتماعي فيسبوك.
وكتب رامي صبري :"أنا بشوف الصورة دي بشكل تاني خالص ..أولاً تامر فنان أخ وغالي ومحترم ( وواثق في نفسه ) ودي للاسف مش موجودة كتير في مغنيين كتير ناجحين ولكن عندهم مشاكل كبيرة".
وأكمل :" ومايعرفوش يبقوا زي الراجل المحترم اللي ماسك المايك ده تامر حسني فنان كبير جداً جداً ولما اشتغلت أنا وهو في الديو اللي هاينزل الفترة اللي جاية فهمت هو ليه محبوب جداً .. أولاً علشان عنده صفاء نفسي مش موجود عندي أنا شخصيا".
وأضاف رامي صبري :"اه والله أنا دايماً ليا رد فعل انما هو بيسيب الحاجات زي ماهي وما بيحبش يرد ودي حاجة صعبة جداً جداً .. عاوز أقول مش كل فنان أو نجم يستحق .. لان دايما الأخلاق واحترام زمايلك هو الموضوع مش بس الفن ".
واختتم :"شكراً تامر حسني على ذوقك واحترامك ليا دايما في التصوير ودايما كنت تقولي انت مبسوط ايه رايك محتاج حاجه ؟ كل ده ماينفعش يطلع غير من فنان حقيقي عنده احساس بالناس والأهم واثق من نفسه قريباً جداً هتشوفوا وهاتسمعوا أغنية ( فعلاً مبيتنسيش) على جميع منصات الموسيقى في العالم"
المصدر: صدى البلد
كلمات دلالية: تامر حسني رامي صبري المزيد تامر حسنی ورامی صبری رامی صبری
إقرأ أيضاً:
صبري عبد المنعم يطمئن جمهوره ويعلن موعد خروجه من المستشفى|خاص
طمأن الفنان القدير صبري عبد المنعم جمهوره على حالته الصحية، بعد نقله إلى المستشفى لإجراء بعض الفحوصات الطبية.
وقال صبري عبد المنعم في تصريحات خاصة لموقع صدى البلد : "أنا الحمد لله بخير، في المستشفى لإجراء تحاليل الإشعاعات، لكن حالتي مستقرة.
وأضاف "أحب أطمن الجمهور، وأشكر كل من سأل عني وإن شاء الله بكرة الصبح هخرج من المستشفى بإذن الله، وشكرا لكل الجمهور، تلقيت طاقة حب كبيرة".
يُذكر أن مهرجان نقابة المهن التمثيلية للمسرح المصري في دورته الثامنة كرّم الفنان صبري عبد المنعم تقديرًا لمسيرته الفنية الكبيرة، حيث تسلّم تكريمه وهو جالس على كرسي متحرك بعد تحسن حالته الصحية.
وقال الفنان، متأثرًا بالدموع: "شكرًا إنكم كرّمتوني قبل ما أروح".
وأضاف أن ابنته مريم عشقت الفن من خلاله، ويتمنى أن يكون لها مستقبل كبير في حياتها المهنية.
وتصدّر الفنان القدير تريند مواقع التواصل الاجتماعي بعد تصريحاته الأخيرة لموقع صدى البلد، والتي طمأن خلالها جمهوره على صحته بعد الوعكة الصحية التي تعرض لها.
وقال في تصريحاته: "لم أعتزل الفن، وسأعود قريبًا بإذن الله. أنا أعشق الفن."
وتابع: “الحمد لله أنا الآن في حالة صحية جيدة. أجريت بعض الفحوصات بالمستشفى، وعدت إلى المنزل بعد تحسن واضح، وسأعود للفن بعد انتهاء فصل الصيف بإذن الله، فأنا حاليًا في فترة راحة فقط.”
وآخر أعمال الفنان صبري عبد المنعم في السينما كان فيلم «في عز الظهر»، والذي يُعرض حاليًا في دور العرض السينمائي.
نجمة سلة سبورتنج تنضم الى معسكر الاتحاد الدولي