شيرين تهنئ عادل إمام بعيد ميلاده: «أستاذ الكوميديا اللي علم الناس الضحك»
تاريخ النشر: 17th, May 2024 GMT
هنأت النجمة شيرين الزعيم عادل إمام بعيد ميلاده الـ84، الذي يحل اليوم الموافق 17 مايو، موجهة له بعض الرسائل من خلال جريدة «الوطن».
قالت شيرين: «كل سنة وأنت طيب يا أستاذ ربنا يخليك لأسرتك ولبلدك ولوطنك العربي وللعالم كله، كل سنة وأستاذ الكوميديا في العالم كله مش في العالم العربي بس الأستاذ عادل إمام».
وتابعت: «أنا اشتغلت مع عادل إمام قبل بخيت وعديلة في فيلم الإرهابي اللي كان إخراج نادر جلال، والحقيقة تعرضنا لمواقف كتير صعبة في الفيلم، لكن مشفتش الأستاذ عادل خايف خالص، يمكن أجلنا شوية علشان نعرف نصور لكن عادل إمام دايمًا كان بيدينا القوة».
وأضافت: «وبعد كده من حسن حظي قدمت معاه الثلاثية اللي يمكن كانت أول مرة تتقدم في السينما المصرية أن يبقى فيه 3 أجزاء من فيلم وهما بخيت وعديلة 1 و2 وبعدهم هالو أمريكا، اللي مشتغلش مع عادل إمام فاته كتير أوي وفي حاجات كتير أوي مش هتتعلمها غير من عادل إمام، وفخورة إني عملت معاه بعد كده مأمون وشركاه والعراف».
وأكدت أنها تحب العمل مع عادل إمام قائلة: «السعادة التي تشعر بيها وانت بتصور مع عادل إمام لا توصف، يمكن لو فكرت شوية في الموضوع ده ترفض انك تشتغل مع حد تاني، إنسانية الأستاذ عادل إمام في التعامل مع كل الموجودين من أول الأمن لأكبر واحد، إنسان عارف كل واحد عنده إيه في حياته الشخصية وظروفه ايه؟».
واختتمت حديثها أن عادل إمام أستاذ الكوميديا اللي علم الناس كلها الضحك، حتى من غير ما يتكلم، كفاية حركة منه أو نظرة من عينه، عادل أجمل ضحكة وأجمل روح في السينما المصرية.
المصدر: الوطن
كلمات دلالية: عادل إمام شيرين بخيت وعديلة عيد ميلاد عادل إمام مع عادل إمام
إقرأ أيضاً:
لميس الحديدي تكشف إصابتها بالسرطان وسبب إخفاء مرضها
متابعة بتجــرد: كشفت الإعلامية المصرية لميس الحديدي عن سبب إخفائها إصابتها بمرض السرطان عن الجمهور لسنوات طويلة، موضحة أنها لم ترغب في أن يعلم الناس بمرضها، لأنها تعتبره “وجعًا يخصها” ولا تريد أن يظن الناس أنها تتاجر به.
وقالت الحديدي، خلال حلولها ضيفةً على بودكاست “منا وفينا” المذاع عبر قناة “المشهد”: “ليه بتجيبي السيرة دي؟! مش لازم الناس تعرف دا من 10 سنوات، ودا وجع يخصّني وحدي وأخاف الناس تقول بتاجر بحاجة”.
وأضافت: “أنا خبّيت المرض على ابني لحد ما كبر، ولما بيجيلك كانسر، بتستخبّي، وعندي زرار جوايا بدوس على أي حاجة عايزة أنساها، يعني لو حد ضايقني بعد سنة ممكن أسامحه”.
وعن تجربتها مع المرض، وصفت الحديدي الفترة التي علمت فيها بإصابتها بالسرطان بأنها كانت “كابوساً”، لكنها تمسّكت بالأمل في الشفاء، ووجدت الدعم من ابنها وأمها وزوجها الإعلامي عمرو أديب، بالإضافة إلى أصدقائها وعائلتها وبعض المقرّبين منها.
وذكرت الإعلامية المصرية أن أصدقاءها كانوا يقيمون حفلات خلال خضوعها لجلسات العلاج الكيماوي، وأنها كانت تسجّل حلقات برنامجها مع الأستاذ محمد حسنين هيكل بعد انتهاء هذه الحفلات، موضحةً: “أصحابي كانوا بييجوا خلال جلسة العلاج، يعملوا حفلة، وكنت بخلص الحفلة وأسجل حلقة الأستاذ محمد حسنين هيكل”، مؤكدة أنها لم تغِب أبداً عن جمهورها خلال فترة مرضها.
كما اعترفت بأنها تبكي عندما تشعر بالظلم، أو حين تمرض، أو تفقد شخصاً عزيزاً، مضيفةً: “أشياء كثيرة ممكن تجعل الإنسان يبكي، والحياة كلها وجّعتني، فالحياة ليست سهلة علشان أوصل أو حتى أكمل مسيرتي”.
main 2024-06-11 Bitajarod
ولي العهد يستعرض مع ولي عهد الكويت أوجه العلاقات وتطويرها