نيللي كريم تخطف الأنظار بالأبيض فى أسبوع الموضة بباريس
تاريخ النشر: 26th, June 2024 GMT
حرصت النجمة نيللي كريم، على مشاركة متابعيها وجمهورها بمجموعة صورة من مشاركتها في أسبوع الموضة المقام بباريس.
ونشرت عبر حسابها الشخصي بموقع انستجرام الصور التي تألقت فيها وارتدت تصاميم باللون الأبيض والكثير من الإكسسوارت التي لفتت الانتباه لمتابعيها وجمهورها.
وكان حرص الفنان هشام عاشور على كشف السبب الحقيقي وراء انفصاله عن النجمة نيللي كريم، الذي حدث خلال الأسابيع الماضية، وذلك بعد تداول أنباء تفيد أن أبناء نيللي سبب الطلاق.
وقال هشام عاشور: «أنا مش حاسس إنها طليقتي وليها كل الاحترام والتقدير وهتفضل حبيبتي وهنفضل أصدقاء وده كلام مفروغ منه، ومش كل الناس اللي بتتطلق الحب بيختفي، لكن بيحصل تقصير في بعض الأمور وكان واضح إننا هنوصل لطريق الانفصال».
وأضاف هشام عاشور: «كلام غير حقيقي، الولدين أصدقائي والبنات أيضًا، شائعات كثيرة مش هقول من صحفي، لأنه بيبقى عنده أمانة مهنة، لكن دول ممكن يبقوا من الشباب اللي بتروح الجنازات، ويصوروا ويقولوا أي كلام عشان يعملوا مشاهدات».
وتابع: «قبل زواجي من نيللي كريم وجدت بها طيبة مختلفة».
وأشار: «عندما عرضت عليها الزواج وافقت، وبعدها اتقال إني محطوط في خانة إني زوج نيللي كريم».
ولفت هشام عاشور إلى أن «نيللي كريم حقانية ومش مجاملة وقالت إن زواجها منِّي ضرني أكثر من إفادته».. مؤكدًا أن «نيللي كريم عمرها ما رشحتني في أي عمل فني ليها».
هشام عاشور يرد على لقب «جوز نيللي كريم»
وعلق هشام عاشور على لقب «جوز نيللي كريم»، قائلًا: «أنا معروف في العالم بتاعي لكن مرة واحدة طلعت لعالم كبير جدًا».
وأضاف: «وده لأن العالم بتاعها أكبر مني بكتير جدًا، والناس عارفة أني أحرف واحد في الاسكواش وأنا اخترعت ضربة جديدة في الاسكواش من كتر ما أنا بحب اللعبة، وكنت بلعب ماتشات استعراضية أكتر من الماتشات العادية في كل مكان في العالم وخاصًة الدوري الألماني».
وتابع: «معرفتش أطلع منها ازاي فجأة بقيت زوج نيللي كريم والخبرات دي أنا اتعلمت منها، أنا بضيف للي معايا واللي معايا بيضيف لي، وفي الوقت ده أنا زودتها في حاجات وهي زودتني حاجات، ومقدرش أزعل وأقول الوقت ده كان وحش لأنه كان وقت حلو».
وأوضح هشام عاشور: كلمة طليقتي نيللي كريم أنا مش حاسسها، احنا بعدنا عن بعض، هي لها كل الاحترام والتقدير وهتفضل حبيبتي طول عمرها، والعشرة اللي بينا دي كلها، احنا محصلش بينا كارثة".
وتابع هشام عاشور: قررنا ناخد طريقين مختلفين، لكنها هتفضل حبيبتي وصاحبتي، ودا كلام مفروغ منه، مش لازم كل اللي بيتطلق الحب ينتهي بينهما، في حاجات معينة بتكون مش موجودة أو اختفت، فالناس بيبقى ليها معزة كبيرة عند بعض، بس مش عايزة تبقى هنا، لكن مش لازم أن الناس لما تطلق يبقى خلاص كرهوا بعض ومش عايزين يشوفوا بعض".
واستطرد: كان بقالنا فترة واضح إننا هنروح للحتة دي، ولا صحة للشائعات حول انفصالنا بسبب أودلادها، الولدين أصدقائي، ومافيش الكلام دا.
واستكمل هشام عاشور: لما اتجوزنا في 3 شهور منذ تعرفنا، اتخذنا القرار لوحدنا وبسرعة، وفي نفس الوقت طلاقنا كان لوحدنا وبسرعة، ومحدش اتدخل.
وكانت انفصلت نيللي كريم عن زوجها هشام عاشور، الجمعة 31 مايو، بعد زواج استمر لعامين ونصف العام، وكانا تزوجا في أغسطس من عام 2021، وأقيم حفل زفافهما في الساحل الشمالي.
وهشام عاشور لاعب إسكواش سابق، اتجه إلى التمثيل مؤخرا وشارك في عدد من الأعمال مع زوجته نيللي كريم منها مسلسل "عملة نادرة" ومسلسل "روز وليلى".
المصدر: بوابة الوفد
كلمات دلالية: نيللي كريم هشام عاشور مسلسل نيللي كريم انفصال نيللي كريم نيللي كريم وهشام عاشور طلاق نيللي كريم مسلسلات نيللي كريم هشام عاشور ونيللي كريم نيللي نيللي كريم مسلسل النجمة نيللي كريم كريم زواج نيللي كريم وهشام عاشور أسبوع الموضة باريس نیللی کریم وهشام عاشور هشام عاشور
إقرأ أيضاً:
إطلالة لافتة .. رانيا أبو النصر تخطف الأنظار بظهورها
نشرت رانيا أبو النصر زوجة الفنان ماجد المصري، صور جديدة لها عبر حسابها الشخصي على موقع تبادل الصور والفيديوهات انستجرام بإطلالة لافته وجذابة.
وتألقت رانيا أبو النصر، مرتديه جيب أنيقه باللون النبيتي، ونسقت معه توب نفس اللون ليكشف عن جمالها ورشاقتها.
ومن الناحية الجمالية تعتمد رانيا أبو النصر، في المكياج على الألوان الناعمة التي تبرز جمال عيونها مع اختيار احمر الشفاه باللون الاحمر اللامع الذي يبرز جمال أنوثتها.
كما اختارت رانيا أبو النصر، أن تترك شعرها البني الطويل منسدلا بين كتفيها بطريقة ناعمة وجذابة تتناسب مع إطلالتها المميزة.
ونعرض لكم صور رانيا منصور
من يمنح الإرهابيين تأشيرة عبور؟