إحنا صعايدة.. القصة الكاملة لواقعة إنهاء شخص حياة زوجته في القاهرة الجديدة

5 شهور مرت على واقعة قيام شخص بإنهاء حياة زوجته في منطقة بدر بالقاهرة الجديدة بسبب خلافات بينهما، نرصد في السطور التالية، تفاصيل تلك الواقعة بعد ما قررت النيابة العامة إحالة الواقعة إلى محكمة الجنايات في منطقة بدر.

تفاصيل تلك الواقعة كشفتها أوراق القضية، عقب اجراء المعاينة والمناظرة على جثمان المتوفية نيرة ياسر، تبين بقيام احد الأشخاص بخنق زوجته حتى الموت، دائرة القسم وبالانتقال لمحل البلاغ تبين ان الشقة محل البلاغ بالطابق الخامس على يسار الصاعد ومكونة من غرفتين نوم وصالة وحمام كما تم العثور على جثمان المتوفية وتبين انها مسجاه على ظهرها ملفوف بملاية بيضاء باحدى غرف النوم مرتدية ملابسها بالكامل عبارة عن سترة سوداء وبنطال بيجامة برتقالي اللون وملابس داخلية كاملة، ويوجد ملاية أخرى معقودة حول العنق ويوجد بالجثمان اثر خنق بالرقبة وتبين ان زوجها يدعى رمضان عبدالله 30 سنه عامل.

باستكمال الفحص بمعرفة وحدة مباحث القسم ، حضر المتهم من تلقاء نفسه لديوان القسم حيث أقر برغبته في تسليم نفسه للعرض على النيابة في واقعة مقتل زوجته.

وجاءت نص اعترافات المتهم كالأتي:

س: ما تفاصيل الواقعة؟

ج : اللي حصل ان انا متجوز من نيرة بقالى حوالى 5 سنين وربنا كرمنا بولد وبنت يونس واحسان وانا اتجوزت مراتي وكنا عايشين في المنيا وبعد كده حصل مشاكل في بيت العيله عندنا فأبويا قالي خد مراتك واطلع على القاهرة فأنا جيت على التجمع الأول وأجرت شقة جمب أهل مراتى لانهم ساكنين هناك واشتغلت اى حاجة تجيب فلوس حلال عشان خاطر أكفى بيتي وبرضه مكنش عاجب مراتي وأهلها وكانوا دائماً بيستهزأوا بيا وبيعيروني عشان خاطر هما معاهم فلوس كثير وبعد كده طلبت منى ان انا اجيبلها شقة ثانية وانا كنت شغال وقتها غفير في مدينة بدر وكنت شغال برضه سواق على ميكروباص عشان خاطر احسن دخلي وفعلا رحت دفعت عربون ايجار شقة في الكيلو 4 ونص مدينة نصر.

وتابع، تاني يوم وانا في الشغل لقيت واحد صاحب حمايا بيكلمني وبيقولى ان بنتی احسان ماتت فأنا جريت بسرعة ولما سالتهم هي ماتت ازاى معرفتش اخد منهم حق ولا باطل وبعدين وانا رايح ادفنها عندنا في المنيا ببص على بنتى لأول مرة لقيت في خرابيش في وشها ولما سألت اهل مراتى لقيتهم مسكوا فيا ورفعوا عليا عصايا فأنا من ساعتها قررت أني أنتقم من مراتي واقتلها زى ما قتلت بنتي.

واستطرد، قولت انا لازم اجيب حق بنتي وانتقم ده كان من حوالي ٥ او ٦ شهور لما بنتي احسان ماتت ومن ساعتها وانا يفكر ازاى انتقم لبنتي واقتل مراتى وحاولت اعمل الموضوع ده أكتر من مره بس فشلت من ضمنهم مرة بعد ما بنتي ماتت علطول كنت سايق الميكروباص بتاعي وكنت رايح على السلام بالليل ركب معايا شاب معرفوش وقابلنا كمين ولقيته بيقولى انه معاه خنجر قولتله هاته متخفش ولما عدينا من الكمين خدته منه واديته 500 جنيه وفضلت شايل الخنجر معايا عشان خاطر اخد حق بنتي وبعدها بكام يوم ومراتي كانت عند أهلها لفيت من وراها عشان خاطر اقتلها بس مقدرتش وبعد كده خدتها وجيت عشت انا وهى وابني في بدر في العمارة اللي انا غفير عليها وبعد كده أجرت الشقة اللى انا عايش فيها دلوقتي من ٣ شهور وقولت ان دى الشقة اللي انا هخلص عليها فيها وفعلا حاولت حوالى ٥ او ٦ مرات قبل كده وفشلت.

احنا عالم صعايدة

وأردف، كل مرة كانت تعدى منها لحد مجيت يوم الواقعة الساعه 7:00 بالليل تقريبا كنت راجع من الشغل ودخلت البيت وهي كانت قاعدة في اوضة النوم جمب المرتبة ولقيت ابني يونس كان بيعيط فأنا افتكرت بنتى احسان واللى حصلها قولتلها انتى بتضربي الواد وعاوزه تموتيه هو كمان فردت عليا وعلت صوتها واحنا عالم صعايدة فأنا رحت ضربها كام قلم وقولت انا هقتلها وانتقم منها واخد حق بنتي وهي كانت قاعدة على يميني رحت جي خانقها من وراها ورحت جای حاطط دراعی على رقبتها وايدى على بقها رحت جي حاططها بين رجليا لحد ما اتاكدت ان النفس راح خالص ورحت جای شديدها على المرتبة وحطيت ايدى على رقبتها وموتها.

وكانت قررت النيابة العامة، بإحالة سائق المتهم في قتل زوجته إلى محكمة الجنايات وجهت له تهمة قتل عمدًا مع سبق الإصرار والترصد.

واسندت النيابة العامة للمتهم تهمة القتل العمد مع سبق الاصرار.

وكانت الأجهزة الأمنية بمديرية أمن القاهرة تمكنت من ضبط شخص متهم بقتل زوجته في مدينة بدر، بإجراء التحريات تبين أن خلافات نشبت بين المجني عليها وزوجها.

وكشفت التحريات أن المتهم قام بطعن زوجته طعنة نافذة في البطن مما أسفر عن وفاتها، تحرر محضر بالواقعة واخطرت النيابة العامة التي تولت التحقيق واصدرت قرارها السابق.

المصدر: صدى البلد