شوبير يهاجم الأهلي بسبب قندوسي

انتقد الإعلامي أحمد شوبير الحرب بين الأهلى و الزمالك على بعض الصفقات لمجرد دخول أحد الناديين بها دون النظر إلى الفائدة الفنية للاعب في النادي من عدمها ضاربًا مثالًا بصفقة الجزائري أحمد قندوسي.

وقال أحمد شوبير، في تصريحات إذاعية اليوم الثلاثاء: “فيه صفقات بتروح تعملها كنادي الزمالك عشان الأهلي كان بيفكر في اللاعب ده أو الأهلي يعملها عشان الزمالك كان بيفكر في اللاعب، فأقوم أنا أجري أخطفه عشان آخد اللقطة عند الجمهور”.

وأوضح أحمد شوبير: «أوضح مثال على الصفقات من النوع ده أحمد قندوسي اللي بعتبره واحدا من أحسن اللاعبين في مصر، قندوسي كان الزمالك قريبا جدا من ضمه، لكن الأهلي راح وخلص الصفقة وضم اللاعب بشكل نظيف وقانوني».

وتابع شوبير: "بعد كده لما قندوسي جه الأهلي منورش قوي وأنا رأيي الموسم الأول لا يتم الحكم من خلاله، وكان الرأي الفني لكولر إنه مش عايز قندوسي وكان رأى الأهلي عدم التفريط في اللاعب، فقرر يخرجه إعارة، فلعب مع سيراميكا وكسر الدنيا في مصر وحاليا سيراميكا أنهى كل شيء عشان يضم قندوسي نهائياً".

وأضاف شوبير: “فالنادي الأهلي أنت جريت وخدت قندوسي لكن ما استفدتش منه”.

وختم : “كمان الزمالك جري جاب المهاجم الفلسطيني عمر فرج، وخده عشان مجرد إنه اتعرض على الأهلي، وللعلم كولر كان رفض اللاعب من البداية، فأنت جبته يا زمالك ودفعت فلوس واتعورت فيه مش كثير يعني بس برضه فلوس، وفي الآخر مشي إعارة لأحد الأندية السويدية”.

المصدر: صدى البلد