ناقد رياضي يكشف كواليس صفقة الأهلي الجديدة و موقف معلول

كشف الناقد الرياضي خالد طلعت كواليس صفقة الأهلي الجديدة عبر حسابه الشخصي بموقع التواصل الإجتماعي فيسبوك.

وكتب خالد طلعت :القصة كاملة من الأخر وبكل التفاصيل والكواليس الأهلي كان مستني يشوف هيتعاقد مع صفقة خامسة للاعب أجنبي ولا لاء وأبرز المرشحين اللي بيتفاوض معاهم ديريك كوتيسا.

وتابع :الأهلي لو اشترى لاعب أجنبي خامس يبقى خلاص علي معلول بره الأهلي ، لو منجحش في ده هيقيد معلول محليا وأفريقيا لنهاية الموسم وده كان مخطط ليه النهاردة تحديدا باعتباره كان أخر يوم في القيد الافريقي وكان الأهلي هيعلن النهاردة عن قيد معلول.

و أضاف :بعد مد فترى القيد في الاتحاد الأفريقي لحد اخر فبراير وطبعا القيد المحلي لحد 8 فبراير ممكن الأهلي يأجل قرار قيد معلول كام يوم كمان لحد لما يشوف هينجح في ضم كوتيسا أو اجنبي خامس ولا لاء ، الموضوع ممكن يتمد لحد يوم 8 فبراير ولو مضمش أجنبي ساعتها هيقيد معلول.

وتعادل النادي الأهلي مع نظيره بيراميدز بنتيجة 2-2 في المباراة التي جمعت الفريقين، على استاد القاهرة الدولي في قمة منافسات الجولة العاشرة من بطولة الدوري المصري الممتاز.

ترتيب الأهلي وبيراميدز في الدوري الممتاز

 
بهذه النتيجة يواصل بيراميدز تصدره الدوري المصري الممتاز برصيد 21 نقطة، فيما يحتل النادي الأهلي المركز الثاني  برصيد 20 نقطة.

المصدر: صدى البلد