عاجل|سقط من البلكونة.. وفاة مفجعة لـ"محمد طارق" زوج الميكب آرتست نورا بلال (تفاصيل)
تاريخ النشر: 1st, February 2025 GMT
توفى منذ قليل محمد طارق زوج الميكب ارتست المشهورة نورا بلال، إثر سقوطه من بلكونة المنزل بالطابق السادس، على طريق نادي الشرطة بالمحلة الكبرى.
وتواصل أسرة المتوفي حاليًا إنهاء إجراءات دفن الجثمان في مستشفى المحلة العام حاليًا
انتشر خبر وفاة زوج نورا بلال على نطاق واسع عبر صفحات السوشيال ميديا لتتحول على الفور إلى سرادق عزاء ينعي المتوفي، داعيين الله عز وجل أن يرحمه ويغفر له ويبعد عننا موت الفجأة ويكفينا شر فواجع الأقدار.
كما حرص عدد كبير على مواساة الميكب آرتست نورا بلال في مصابها الأليم، وكانت أبرز التعليقات: "حببتي يا نورا ربنا يصبر قلبك يا حببتي البقاء لله ربنا يرحمه ويغفرله ويسكنه الفردوس الاعلى يارب ويعوض شبابه الجنه ... الخبر بجد صعب".
وعلق آخرون: "اللهم اكفنا شر فواجع الاقدار ياارب ربنا يرحمه ويصبر ااهله زوج نورا بلال اتوفي ربنا يصبر قلبك ياحبيبتي ... زوج نورا بلال توفي ادعوله بالرحمه والمغفرهلا حول ولا قوة الا بالله وفاة زوج نورا بلال ميكاب ارتيست اثر سقوطه من شرفة المنزل الله يرحمه".
كما نشر البعض مقطع مصور من آخر ظهور له قبل وفاته من واقعة "عروسة المحلة" الشهيرة التي تصدرت الترند خلال الأشهر الماضية وحظي هو وزوجته بسببها بشهرة واسعة.
المصدر: بوابة الوفد
كلمات دلالية: محمد طارق عاجل اخبار حوادث منوعات عروس المحلة
إقرأ أيضاً:
بلال قنديل يكتب: أنت حر ما لم تضر
الحرية قيمة عظيمة يسعى اليها كل انسان، وهي حق اصيل من حقوق البشر، لكن السؤال المهم هنا هو: هل من حقي افعل ما اشاء وقت ما اشاء بدون حدود؟ الحقيقة ان الاجابة ببساطة لأ، لان حريتك الشخصية لا تعني انك تعيش في جزيرة لوحدك. انت جزء من مجتمع، والمجتمع ده له قواعد وحدود علشان الناس تقدر تعيش مع بعض في سلام واحترام متبادل.
من اكتر الحاجات اللي بنشوف فيها جدل حوالين الحرية، هي المعتقدات الدينية والعادات والتقاليد، وكمان اللبس وطريقة الكلام. في ناس مثلا شايفة ان من حقها تلبس اللي هي عايزاه، وده فعلا حقها، لكن لما اللبس يتحول لطريقة استفزاز للناس او يخدش حياء العامة، يبقى هنا بنعدي على حرية غيرنا. نفس الكلام ينطبق على طريقة الكلام، ممكن حد يشوف ان الشتيمة او الكلام الخارج حرية تعبير، لكن غيره ممكن يتأذى من الكلام ده ويحس بالاهانة.
اللي لازم نفهمه كويس ان المجتمع مش هيقدر يعيش في توازن الا لو كل واحد عرف ان حريته ليها سقف، والسقف ده هو حرية الاخرين. لو انا بركب موتوسيكل وبحب السرعة، انا حر، لكن لما اسرع في شارع ضيق وسط الناس وابهدل اللي حوالي، ساعتها بكون مؤذي ومش حر.
خلينا ناخد مثال بسيط، تخيل جارك بيحب يسمع موسيقى بصوت عالي بالليل، وهو شايف ان ده حرية شخصية، لكن انت مش عارف تنام، وولادك مش عارفين يذاكروا. هنا الحرية اتحولت لاذى، لانها تجاهلت حقوق الناس اللي حواليه.
في النهاية، الحرية مش انك تعمل اللي يعجبك وبس، لكن انك تعرف فين تقف علشان ما تضرش غيرك. المجتمع مش ضد الحرية، بالعكس، هو بيحميها، بس الحرية اللي ما بتأذيش حد. خليك حر، لكن عاقل. عيش بطريقتك، بس افتكر دايما ان فيه ناس حواليك من حقهم يعيشوا بطريقتهم هم كمان.
محافظ القليوبية ورئيس جامعة بنها يشاركان مرضى المستشفيات فرحة عيد الأضحى