هبة مجدي: زوجي الضهر والسند ومسلسل قصة الأمس كان الأطول في تصويره
تاريخ النشر: 11th, March 2025 GMT
تابع أحدث الأخبار عبر تطبيق
حلت الفنانة هبة مجدي ضيفة برنامج أرقام مع إيناس سلامة الشواف على راديو إنرجي وكشفت عن كواليس حياتها وأعمالها الفنية.
وأكدت مجدي أن العمر مهم جدا مينفعش يبقى مجرد رقم لأن كل فترة لها طبيعتها.
وقالت مجدي: "عن نفسي رقم العمر بربطه بالزواج والإنجاب وبفضله في أواخر العشرينات لأن صعب مجهود الحمل والولادة في عمر متأخر أو بدري و النضج مرتبط بالسن والخبرات مش عامل واحد انت الشغل الناجح مالهومش سن هما مرتبطين بالاجتهاد والحظ والمكتوب ياما ناس بتلمع وهي كبيرة
وتابعت: جملة كامل العدد في القاعة ده نجاح ومسؤولية كبيرة لأنه إقبال على شغلك وده حاجة تبسط جدا و رقم الترند مش بيهمني لأنه بالنسبة لي بيطلع عادة للأسوأ و المهم في الإيرادات وأرقام المشاهدة تبقى حقيقية
وأضافت: "معرفش أجور زملائي إيه ولو ركزت على النقطة دي وقتها القيمة هتقل والأجر العالي هيتحققلك لو اشتغلت كويس وبقيت مطلوب.
اما ترتيب الأفيش بيضايق فبرضه مبقيتش أركز فيه لأن كتير اتفاقات مش بتتم اللي يهمني هو الدور وتأثيره على الجمهور.
وعن ارقام المتابعين سارت قائلة:"مكانتش مهمة في بدايات ظهور السوشيال ميديا.. بعد فترة بقت مهمة ولقيت ناس كتير بتعلق على الأرقام اللي عندي و عن نفسي حلو إحساس إن فيه متابعين حقيقيين و ده بيبان في تفاصيل كثير وفي الشارع.
وأضافت: "بحب توقيت نزول العمل في رمضان ميتنسيش وبيهون تعب شهور التصوير اللي قبلها.
وأكدت :"جوزي بعتبره الضهر والسند وأمي وحماتي الواحدة منهم بعشرة.
وتابعت قائلة: أول عمل ليا في التمثيل كان مسلسل في صوت القاهرة كان عندي ٨ سنين و كنا أطفال بنشتغل بدون أجر و خدت سنين كتير عشان أوصل لأول خطوة ترضيني ويعني من عمر ٨ سنين لحد ما قدمت "قصة الأمس" سنة ٢٠٠٨، ومركزتش كام عمل ليا بعتبره علامات مهمة ليا و مسلسل "موسى" كان صعيدي وظروف تصويره في أماكن صعبة والمشاهد كان أغلبها ماستر سين فأوقات تصويره كانت بتوصل لـ ٦ ساعات في المشهد الواحد و أطول عمل صورته كان "قصة الأمس" مع أستاذة إنعام.. استمر لمدة سنتين وأقصر عمل ليا وبعتبره من أهم ما قدمت حلقات مسلسل "عيشها بفرحة" من قصص مسلسل "٥٥ مشكلة حب" وصورناه في ١٦ يوم وهو كان ١٠ حلقات وكنا بنصور قبل الإذاعة بيوم.
المصدر: البوابة نيوز
كلمات دلالية: الفنانة هبة مجدي
إقرأ أيضاً:
الناجية الوحيدة من جريمة نبروه: كنت أعيش في صراع دائم مع زوجي وقررت الابتعاد
كشفت نجوى الزيادي، الناجية الوحيدة من جريمة نبروه في أول ظهور إعلامي لها بعد الحادث المأساوي، عن تفاصيل جديدة حول حياتها الزوجية والعلاقة التي كانت تربطها بزوجها قبل وقوع الجريمة.
وخلال لقائها مع الإعلامية نهال طايل في برنامج «تفاصيل» على قناة صدى البلد 2، قالت نجوى إنها كانت تعيش في صراع دائم مع زوجها، موضحة أنه كان يضغط عليها باستمرار سواء في شؤون الحياة الزوجية أو في تربية الأبناء. وأضافت: «كنت خلاص زهقت من حياته، كل يوم نفس المشهد، وكل شوية يزعق ويضغط عليا».
وأشارت إلى أنها كانت تحاول تهدئة الأجواء في كل مرة، لكن الأمور كانت تتكرر بشكل مرهق، حتى قررت في أحد الأيام الابتعاد لالتقاط أنفاسها، قائلة: «دخلت الأوضة وقفلت الباب بالترباس عشان أهدى، لكنه كسر الباب ودخل بالعافية».
وتابعت نجوى أنها وصلت إلى مرحلة الإرهاق النفسي الكامل بسبب تصرفاته، وأخبرته بوضوح أن العلاقة بينهما انتهت، قائلة: «قلت له خلاص، ماعادش في حاجة، أنت فشلت كزوج، بس ممكن تبقى أب كويس لولادك».
وأضافت أنها قررت إنهاء العلاقة نهائيًا بعد تلك المشادة، موضحة أنه رغم محاولاته للاعتذار وإصلاح الأمور، لم تعد تملك القدرة على التحمل، وقالت: «أنا خلاص، ماعادش عندي طاقة أستحملك، خلينا نحب بعض من بعيد، مش لازم نعيش مع بعض، كل واحد يروح لحاله».
واختتمت حديثها متأثرة، مؤكدة أنها كانت تبحث فقط عن الهدوء والأمان، بعد سنوات من الضغوط والتعب النفسي الذي أنهكها تمامًا.
مصرع شاب صعقا بالكهرباء فى حوش عيسى بالبحيرة