ثروت سويلم: الرابطة لم تخصم 3 نقاط من الأهلي حفاظًا على استقرار المسابقة

تحدث ثروت سويلم، عضو مجلس رابطة الأندية، عن موقف الرابطة من تأجيل مباراة بيراميدز أمام سيراميكا كليوباترا، فضلًا عن الأزمة التي نُشبت بعد عدم خصم 3 نقاط من النادي الأهلي بعد انسحابه من مباراة القمة الأخيرة.

وقال ثروت سويلم في تصريحات عبر برنامج «الكلام المظبوط»: «بخصوص الجدل حول إمكانية عدم خوض بيراميدز لمباراة سيراميكا كليوباترا يوم 28 مايو، فإذا انسحب بالفعل، سيتم تطبيق اللائحة ويتم خصم 6 نقاط منه، لكن ده سيناريو مستبعد ومش هيحصل».

وعن تدخل الرابطة في قرارات لجنة المسابقات علق قائلًا:«الرابطة ما بتتدخلش في قرارات لجنة المسابقات، لكن في حالة انسحاب الأهلي، تدخل مجلس الإدارة لأول مرة علشان ياخد قرار بعدم خصم النقاط، حفاظًا على استقرار المسابقة».

وأضاف:«موقف الأهلي مختلف عن الزمالك الموسم اللي فات، الأهلي اتفاجئ بموعد القمة وطلب حكام أجانب وده حقه، ولما مطلبوش انسحب، وده قرار مش موفق، أما الزمالك فرفض اللعب رغم تدخل كل الجهات، وحتى وزير الرياضة تواصل بسبب تصريح إن الزمالك خارج المنافسة، وقلت له لو المشكلة في كلامي أنا مستعد أعتذر».

وأتم:«هل شايف إن ده مبرر؟ دي واحدة من المبررات إن القرار لازم يكون مختلف، زي ما يكون في واحد متهم بقتل مع سبق الإصرار، وواحد تاني قتل خطأ، فالموضوع مختلف، والموضوع دلوقتي منظور قدام المحكمة الرياضية، بس أنا بوضح إن الرابطة خدت قرارها بعدم خصم 3 نقاط في نهاية الموسم علشان تحافظ على المسابقة».

المصدر: الأسبوع