ماجد الكدواني: مروان حامد قالي أنت مغيب بعد "تراب الماس".. وأولادي طلبوا مني أتعالج
تاريخ النشر: 6th, September 2023 GMT
كشف الفنان ماجد الكدواني تفاصيل مشاركته في فيلم "تراب الماس"، وذلك خلال استضافتة في برنامج “صاحبة السعادة” الذي تقدمة الإعلامية إسعاد يونس عبر شاشة DMC.
وقال ماجد الكدواني: "مروان حامد خطفني وسافر بي لعالم خفي، أصبحت أسيرا لملحوظات مروان حامد، أصور الشوت وأبص له، وقالي فيما بعد إني مختلف، قالي أنت مغيب".
وأضاف: "مروان حامد لما يقولي كلمة زي دي مش قليلة، وده إداني حافز كبير أني أحافظ على المستوى، لما مخرج كبير زي ده يشيد بيك ويقولك أنك محقق حاجة، دي حاجة كبيرة"
واستكمل حديثة قائلا: "أنا أولادي طلبوا مني أني أتعالج، وفوجئت إن مروان حامد بيطلب مني أن أروح لدكتور نفسي، وقالي مش عيب لما تقعد مع طبيب نفسي، وكان الفيلم عدى عليه سنة كاملة، واكتشفنا أنا وكريم عبد العزيز إن فينا حاجة مختلفة مش عارفين هي إيه".
وأكمل الكدوانى: "وصلت لمرحلة إني بفزع الناس بعد فيلم تراب الماس، وروحت لطبيب نفسي، وسمعت كلام مروان، وحصل إنه فعلا مش لما نعترف أن في حاجات بتتفتح في دماغنا ومبتتقفلش، ومروان سمى الشخصية دي بـ (المتعة المحرمة).
آخر أعمال ماجد الكدواني
وشارك الفنان ماجد الكدواني في بطولة مسلسل «موضوع عائلي، وحصد العمل إشادت ونجاحات كبيرة وقت عرضه، كما حققت الكوميديا المتناغمة بين أبطال المسلسل نجاحًا مبهر بل أصبح له جمهور خاص فى مصر والوطن العربي، الذين يترقبون عرض حلقات وأجزاء العمل من موسم لآخر.
أحداث مسلسل موضوع عائلي
موضوع عائلي هو مسلسل كوميدي تدور أحداثه حول رجل يدعي إبراهيم يهوي الطبخ ويعمل كطباخ في إحدي المطاعم الشهيرة، ويتغير مسار حياته مُنذ معرفته بأنه مُصاب بمرض نادر في المخ فيؤثر علي ذاكرته ويفقد جزء من تفاصيل حياته، ويحاول إبراهيم خلال أحداث الجزء الثاني من المسلسل في أجواء كوميدية طريفة إخفاء حقيقة مرضه عن أفراد عائلته، فيقف أمام معادلة صعبة بين شخصيته الماضية التي تخشي المفاجآت وتأقلمه على تفاصيل حياته الجديدة.
المصدر: بوابة الفجر
كلمات دلالية: الفنان ماجد الكدواني الفجر الفني ماجد الکدوانی
إقرأ أيضاً:
داليا مصطفى: «بأقدم شخصيات جديدة ومبكررش نفسي».. فيديو
كشفت الفنانة داليا مصطفى عن رؤيتها الفنية في اختيار أدوارها، مؤكدة أنها تسعى دائمًا إلى تقديم شخصيات جديدة ومختلفة، وتتجنب التكرار مهما كانت الظروف، مشددة على أهمية النص الدرامي وعمق الشخصية التي تقدمها.
وأوضحت داليا مصطفى، في لقاء خاص مع الإعلامية شيرين سليمان، ببرنامج سبوت لايت، المذاع على قناة صدى البلد، قائلة: "بحاول دائمًا أختار حاجات مختلفة، ما بحاولش أكرر الشخصيات، على قد ما أقدر بعمل شخصيات جديدة، ودي مهمتي يعني، طول عمري ما بحبش أعمل شخصية متكررة أبدًا، وبحب أعيشها قوي، وشخصيات كتير قوي بتبقى قريبة جدًا من قلبي".
وتحدثت داليا مصطفى، عن رأيها في السينما خلال الفترة الحالية، قائلة: "أنا بحب أعمل سينما حلوة، مش بحب أعمل أي حاجة، دلوقتي في أفلام كتيرة قوي مش قوية، فأنا مش عايزة أدخل في المنطقة دي، بما إني شغالة كويس قوي في الدراما التلفزيونية، فمش حابه أعمل في السينما حاجة تقللني".
وفيما يتعلق بظاهرة "النمبر وان"، أكدت داليا أنها لا تعارض الفكرة، قائلة: "مش ضد أبدًا النمبر 1 نمبر 2، ده شيء طبيعي من قديم الأزل يعني، على فكرة في النجم الأول عادي، ده طبيعي، وحاجة ما تضايقش، بس الفكرة إنه مافيش حاجة بتتعرض ذات قيمة أقدر أنزل أعملها، بس هو ده السبب، لكن نجم أول ما عنديش أزمة معاها".
وعن الأعمال الدرامية التي شاهدتها مؤخرًا، قالت داليا مصطفى: "اتفرجت بس مش كل المسلسلات، للأمانه اللي عجبني قوي (ولاد شمس) من الحاجات اللي اتفرجت عليها".
وأكدت داليا مصطفى على أن الورق هو أساس الدراما التلفزيونية، قائلة: "الورق الورق الورق، دي أهم حاجة بالنسبة لي، لأن الدراما التلفزيونية قائمة على الورق، السينما مخرج الأول، لكن التلفزيون أساسي لازم يبقى الورق كويس، المخرج بعد كده، الدور نفسه يكون بيقول حاجة، لازم أقدم للناس حاجة جديدة على داليا، هي دي المعايير اللي بحاول أوصل لها".
وتحدثت داليا مصطفى أيضًا عن وعيها الذاتي ومراحل تطورها الشخصي، موضحة: "أنا مقتنعة إن كل مرحلة وليها حلاوتها وجمالها، حتى وإن كان فيها بعض المشاكل. بس مؤخرا بقيت مستوعبة وفاهمة كويس قوي إن أي مشكلة بتحصل لي هي درس، مطالبة إن أنا أفهم منه المشكله دي حصلت لي ليه؟، وده يمكن الفترة الأخيره بقى عندي وعي شوية، أو فهم إنه لما بتحصل لي مشكله، أبقى قادره ما أقعدش وأتضايق، لازم أفهم هي المشكلة دي حصلت لي أنا ليه؟ إيه السبب؟".
وتابعت داليا مصطفى قائلة: "أنا مقتنعة جدًا إن ربنا عمل ده علشان أطلع فايزة في الآخر، مش مجرد إنه هو بيعذبني أو بيضايقني أو بيتعبني، لا، هو عايز يخليني أوصل مرحلة تانية خالص من الفهم والوعي، فأنا شايفة إن أنا بعيش دلوقتي أفضل أيام حياتي، والحمد لله".
وختمت داليا مصطفى حديثها برسالة عن أهمية الصحة النفسية وضرورة التحدث مع متخصصين أو أصدقاء، قائلة: "شايفه إنه أي حد في الدنيا لازم يروح كل فترة على الأقل لدكتور نفسي، يقعد يتكلم معاه، يقول له مشاكله، يساعده لأن الموضوع مش سهل إنك تمشي في الحياة لوحدك، ما تبقاش فاهم أنت ماشي في أي اتجاه، يعني أبعت مسج لحد: أنا عايزه أتكلم، بس عايزه أتكلم دي ممكن لو اتكلمت مع حد صاحبك، 8 دقائق بس مش أكتر من كده، هتريح أعصابك جدًا، تقول له على المشكلة بتاعتك".
وأضافت داليا مصطفى قائلة: "الستات تحديدًا، الستات غير الرجالة، الرجالة بتبقى محتاجة إجابة واضحة وصريحة: أعمل إيه في واحد، اتنين، تلاتة، الستات لا.. الستات محتاجة تفضفض بس".
https://www.youtube.com/watch?v=-8PU7YESrNc
تنافس مثير على مقاعد البطولات الأوروبية في الجولة الختامية من الدوري الإنكليزي