عارف إنك هتسمعني.. ابن أشرف مصيلحى يوجه له رسالة مؤثرة.. تفاصيل
تاريخ النشر: 20th, September 2023 GMT
نشر ابن الفنان الراحل أشرف مصيلحي تعليقا عبر حسابه على موقع التواصل الاجتماعى إنستجرام يوجه فيه رسالة مؤثرة إلى والده الراحل.
وقال ابن أشرف مصيلحي: الله يرحمك يا أطيب وأجدع وأحن أب في الدنيا و كان نفسي تكون موجود و شايف حب الناس و روحك الحلوة الموجودة في كل حد فينا وتشوف الناس كلها بتقول عليك إيه من أصغر واحد لحد أكبر واحد وأنا فعلًا مش فاكر و لو مرة واحدة انت عملت حاجة ضايقتني أو حتى شدينا مع بعض زي أي أب وابنه و ده عشان إحنا كنا صحاب وكنت بتفهمني وعارف دماغي وأنا عارف إنك دلوقتي مرتاح أكتر بكتير وأكيد مبسوط وأنت شايفنا كلنا متجمعين و حاسس أكيد بكل المحبة الكانو موجودين اليومين دول و هيفضلوا موجودين علطول و دلوقتي أنا هعرف اتكلم معاك و عارف إنك هتسمعني يمكن أكتر من آخر فترة كنت موجود وسطنا عشان كنت تعبان فمش بعرف أتكلم معاك بس أنا عايزك تعرف إني بحبك اوي وهفضل شايل اسمك وأنا فخور إنك أبويا لحد لما أجيلك ان شاءالله.
وودع الحضور الفنان أشرف مصيلحي بالدموع فى مراسم العزاء الذى اقيم امس، وسط تواجد عدد من نجوم الفن والأصدقاء، ومنهم ماجدة زكى، ونهال عنبر وحمادة هلال ولبلبة وإلهام شاهين وأحمد سعيد عبد الغني وأسامة منير.
كما تواجد الفنان يوسف الشريف وزوجته، والدكتور أشرف زكي نقيب الممثلين وماجد المصري وسلوى محمد علي وأحمد الشامي والمخرج خالد جلال.
وتوفي مساء الأحد الفنان أشرف مصيلحي، وذلك بعد صراع طويل مع مرض سرطان المخ، وذلك عن عمر يناهز الـ49 عاما.
المصدر: صدى البلد
كلمات دلالية: أشرف مصيلحي الراحل أشرف مصيلحي الفنان الراحل أشرف مصيلحي أشرف مصیلحی
إقرأ أيضاً:
متعالي ودعيت عليه وأنا بصلي.. محمود حمدان يشن هجوما على أحمد آدم
شن المؤلف محمود حمدان هجوما على الفنان أحمد ادم بالتزامن مع شكوي الأخير بقلة الأعمال الفنية التى تعرض عليه كما تداول رواد التواصل الإجتماعي ، حيث روي موقفا معه فى بدايات الفنان مؤكدا انه كان مغرور ومتعالي بشكل كبير .
وكتب محمود حمدان عبر حسابه الرسمي بموقع فيسبوك ، سنة ٢٠٠٧ اخدنا الدكتور جلال الشرقاوي علشان نمثل في مسرحيه لاحمد ادم ، كنا مجموعه من شباب اكاديميه الفنون ولسه في بداية طريقنا ، احمد ادم كان مغرور ومتعالي بشكل غريب ، كنا قبل العرض بيوم وبنعمل بروفه جنرال ، دخلت اعمل دوري ومن حظي السئ ان اللي كانوا قاعدين في الصاله ضحكوا ، احمد ادم وقف البروفه وقدام كل الناس سمعني أسوأ كلام يقوله فنان محترف لشاب لسه بيشق طريقه ( انت هتاخد فرصتك بس مش معايا مع حد تاني ، تقف مكانك متتكلمش ) ولم يكتفي بذلك .
محمود حمدان: دعيت على أحمد ادم وانا بصلي ومنهار من البكاءواستكمل محمود حمدان : "قالي مش هتشتغل يلا امشي ، خرجت من المسرح والدموع مكتومه جوايا ، واصحابي بيحاولوا يواسوني ( مصطفي ابو سريع وحسني شتا وابراهيم السمان ومحمد العمروسي ) ، روحت صليت ودعيت علي احمد ادم وانا منهار من البكاء ،
انا لما قريت الخبر ده افتكرت اللي عمله معايا سبحانك يارب ".
واختتم محمود حمدان، معلقا: "من ٥ سنين كلمني منتج صديقي علشان اكتب فيلم لادم وقولتله لو هتديني ١٠٠ مليون مش هكتبله
الان بدعيله ربنا يفك كربه ويسامحه ويكرمه ، وانا مسامح".
وكانت آخر أعمال الفنان أحمد ادم هو مشاركته بفيلم تاني تاني مع الفنانة غادة عبد الرازق الذى طرح العام الماضي.
وتدور أحداث فيلم "تاني تاني" حول 5 شخصيات رئيسية، حيث تظهر غادة عبد الرازق بشخصية "هدي" التي تعمل موظفة في بنك وهى أرملة ولها إبنة، أما أحمد آدم فيجسد دور زكى (زيكو) وهو أرمل ويعمل في البورصة، فيما يلعب بيومى فؤاد شخصية لبيب (بيبو) الذى يعمل رجل أعمال ويعود إلى مصر بعد إنفصاله عن زوجته الأمريكية.
مسلسل فهد البطل
وكان اخر مشاركة للمؤلف محمود حمدان هو مشاركته فى ماراثون رمضان بمسلسل فهد البطل، وهو من تأليف محمود حمدان، وإخراج محمد عبد السلام.
ودارت أحداث فهد البطل، في إطار شعبي مع خط درامي صعيدي، ويشارك في بطولته أحمد عبدالعزيز، ميرنا نور الدين، لوسي، عصام السقا، محمود البزاوي، يارا السكري، وصفاء الطوخي، صفوة، عزت زين، عايدة رياض، حجاج عبدالعظيم، أحمد عبدالله محمود و مجموعة كبيرة من النجوم.
لمحبي الألعاب.. تعرف على أفضل جهاز لوحي للألعاب في الأسواق