كزبرة: أمنيتي تحققت بالتمثيل في "الحريفة".. وانتظروا الجزء الثاني
تاريخ النشر: 25th, February 2024 GMT
أعرب كزبرة عن سعادته بالنجاح الكبير الذي حققه فيلم “الحريفة” منذ طرحه فى السينمات، وأعلن عن انتاج الجزء الثاني من العمل.
كواليس الحريفةوكتب كزبرة عبر حسابه الشخصي بموقع إنستجرام قائلًا: "من صغري كان نفسي آخد فرصة تمثيل وكانت بتتأخر عشان ربنا شايلي الأحسن والأفضل ليا والحمد لله الفرصة جت والحمد لله بتوفيق ربنا الواحد كان قدها وأول فيلم ليا بقي من أعلى إيرادات السينما المصرية والفضل بعد ربنا يرجع للناس اللي دخلت الفيلم أنا بشكر كل واحد فيكم من كل قلبي".
وأضاف "ويارب نفضل دايما عند حسن ظنكم وثانيًا أنا بشكر أستاذ طارق الجنايني صاحب الفضل عليا بعد ربنا علي أنه شاف فيا موهبة ودعمني من كل قلبه، وتاني حاجة علي المخاطرة الكبيرة وثقته في شباب لسه طالعة واغلبيتهم كان اول مرة يمثل بجد، أنت أفضل وأشطر الناس الي شوفتها وتستاهل الخير كله وطبعًا بشكر أستاذ رؤوف السيد المخرج العبقري اللي قدر يطلع من كل واحد فينا أحسن ما عنده ومعاملته لينا وإن قدر يحتوينا ويثق في موهبتنا".
كواليس الحريفةوتابع "وطبعا بشكر أخويا وحبيبي أستاذ إياد صالح القلم الجارح علي الفيلم الحقيقي والورق الجميل الي يعيش مع الناس والرسالة الحلوة إللي وصلتها من الفيلم وطبعًا أي حد اشتغل في الفيلم أنا بشكره من كل قلبي وأخيرًا اخواتي الحريفة أنا طبعا مهما اتكلم مش هعرف أعبر عن حبي ليكم وهفضل طول عمري فخور اني اشتغلت معاكم وفخور إن النجاح ده أنا شوفته معاكم انتوا وليا الشرف أني كنت جزء بسيط من العمل ده وأخيرًا استنوا الجزء الثاني".
كواليس الحريفةوكان تصدر فيلم "الحريفة" بطولة الفنان الشاب نور النبوي قائمة الإيرادات اليومية، وحصد إجمالي إيرادات بلغت 58.3 مليون جنيهًا في دور العرض السينمائية، وذلك خلال 6 أسابيع من عرضه فى جميع دور العرض السينمائية.
وكان أبدي الفنان الشاب نور النبوي، سعادته بتصدر فيلم “الحريفة” إيرادات شباك التذاكر.
وكتب نور النبوي عبر حسابه على موقع تبادل الفيديوهات والصور «إنستجرام» قائلًا: «حب الناس نعمة كبيرة، فكرة إن الناس مبسوطالي وعيزاني أنجح شرف كبير ومسئولية أكبر أنا متشكر على كل الحب ده، السبب الأول اللي خلاني أحب هذه المهنة إني أشارك في فيلم بيدي أمل ويأثر في الأطفال وكل الناس بطريقة إيجابية زي ما كان بيحصلي وأنا صغير، إن ده حصل في أول فيلم، كرم كبير من ربنا، عشان كده لازم أشكر كل الصناع اللي سمحولي أبقى جزء من هذا العمل».
وأضاف «النبوي»: المنتج أستاذ طارق الجنايني، حضرتك فنان وصانع كبير والشغل معاك فخر وثقتك فيا كبيرة أوي عندي، المخرج أستاذ رؤوف السيد.. الرحلة معاك كانت متعة وحرفيتك وشغفك كان بيحمسني على الشغل، مدير التصوير الأستاذ محمد مختار.. ميخا أخويا الكبير من وقت راجعين يا هوى وأنا هموت وأشتغل معاك تاني.. الشغل معاك متعة كبيرة وعينيك مفيش أحلى منها، المؤلف إياد صالح بشكرك على ماجد وبشكرك على كل الأفكار والمشاعر اللي اتأثرت بيها وأنا بقرأ السيناريو».
كواليس الحريفةوتابع: المونتير كريم سعد أنا بشكرك على فنك وحرفيتك وحرفنتك، شريك أساسي في النجاح، يارا العشري، الماركتينج مانجر، بتعلم منك، سهى رجائي مديرة أعمالي، مجهودك يشرف وإنتي شريكة نجاح، طاقم الإنتاج المنتج الفني محمد سعد ومصطفى الغزولي وعلي علام، متشكر على كل حاجة».
واختتم: «أخيرًا وليس آخرًا الحريفة وكل طاقم العمل شركاء النجاح، أصحابي وإخواتي مكنتش أتمنى النجاح ده مع ناس تانية ودول بقى ليهم بوست لوحده، فيلم الحريفة في جميع سينمات الوطن العربي».
قصة فيلم الحريفة:
تدور قصة فيلم "الحريفة" حول "ماجد"، لاعب كرة القدم، الذي تدفعه الظروف العائلية إلى أن ينتقل من مدرسته الدولية إلى مدرسة حكومية، وهناك يتعرف على مجموعة من زملائه من خلفيات مختلفة، وينضم لفريقهم الذي يشارك في مباريات بالساحات الشعبية ومراكز الشباب، ومعًا يحلمون بأن يشاركوا في بطولة كبيرة.
أبطال فيلم الحريفة
فيلم الحريفة من بطولة نور النبوي، أحمد غزي، خالد الذهبي، نور إيهاب، بالإضافة إلى أحمد حسام «ميدو»، وبيومي فؤاد، وهو من تأليف إياد صالح وإخراج رؤوف السيد.
المصدر: بوابة الوفد
كلمات دلالية: الحريفة نور النبوي كزبرة رمضان موسم رمضان فیلم الحریفة نور النبوی ا بشکر
إقرأ أيضاً:
هالة فاخر: دعيت ربنا يحلها وبعد 48 ساعة جالي رزق غير متوقع
قالت الفنانة هالة فاخر أنها دائمًا تلجأ إلى الدعاء في لحظات الضيق، مؤكدة أن أكثر ما تدعو به هو “الستر والصحة”.
وروت خلال حوارها ببرنامج "كلام الناس" المذاع عبر قناة MBC مصر مع الإعلامية ياسمين عز، واقعة مرّت بها قبل سفرها إلى إمارة عجمان، حين وجدت نفسها في موقف صعب لم يتوفر معها أي مال.
وقالت هالة فاخر: “مرة فعلاً مكنش معايا خالص، وكان عندي سفرية لعجمان قعدت أكلم ربنا وأقوله: يا رب حلّها من عندك، أنا قبل ما أسافر لازم أسيب فلوس للبيت وشوية حاجات كتير”.
اتصال غير متوقعوأضافت أنها بعد 20 إلى 25 يومًا من الدعاء والقلق، جاءها اتصال غير متوقع من المخرج محمد سامي المتخصص في الإعلانات، ليسألها عن إمكانية مشاركتها في إعلان جديد.
وتابعت: “قالي إزيك يا هلولة.. عاملة إيه؟ تعملي إعلان؟ قلت له آه من غير تفكير طلبت المبلغ اللي محتاجاه علشان أسيبه لماما قبل السفر، وقالي ماشي.. يلا بينا نصور”.
وأوضحت أنها بالفعل بدأت التصوير خلال يومين فقط، واشترطت الحصول على أجرها نقدًا: “قولتله مش عايزة شيك.. عايزة الفلوس صاحية، وخدت الفلوس واديتهالها والحمد لله رب العالمين”.
رزق ربنا بييجي في وقتهوأكدت أن هذه الواقعة كانت رسالة واضحة بأن “رزق ربنا بييجي في وقته”، وأن الدعاء كان له أثر كبير في تيسير الأمر بشكل لم تكن تتوقعه.
من عالم العقارات إلى الدبلوماسية الفظة.. كيف انعكست النزعة الفوقية في هفوات خطاب توم براك؟