تامر حسني ورامي صبري يطرحان دويتو فعلاً مبيتنسيش الاثنين المقبل
تاريخ النشر: 2nd, January 2025 GMT
أعلن النجمان تامر حسني ورامي صبري عن إطلاق عمل غنائي جديد يجمعهما بعنوان "فعلاً مبيتنسيش".
من المقرر أن يتم طرح الأغنية يوم الاثنين الموافق 6 يناير 2025، في تمام الساعة السادسة مساءً، عبر قناة يوتيوب الرسمية لكلا الفنانين وجميع منصات الاستماع الرقمية.
وكان قد رد الفنان تامر حسني علي منشور الفنان رامي صبري عبر صفحته على موقع التواصل الاجتماعي فيسبوك.
وكتب تامر حسني:"حبيبي يا رامي إنت قبل ما تكون نجم كبير و مُهم إنت صاحبي من أيام الطفوله و دي حاجات الناس متعرفهاش و يمكن مكنش في فُرصه نحكي ده قبل كده .. إنت يا رامي صاحب عُمر و مشوار مشيناه من الطفوله و أنا في الصوره ماسك المايك لأخويا و لصوت مصري عظيم يستحق …. شُكراً يا حبيبي على كلامك الغالي اللي من القلب أنا فعلاً إشتغلت معاك من كل قلبي و بكُل حرص علينا إحنا الاتنين بكُل التفاصيل بدافع الحُب و الصداقه و إن ربنا يكرمنا مع بعض … أعتقد إن التعاون ده هيحمس كُل جيلنا إنه يعمل أفكار مشاركه كده وأنا بنادي بيها من زمان من أيام تامر و شيرين و بعدها تامر و بهاء في أغنية قوم اقف وأنا وإنت بعدها إتكلمنا من سنين عشان نجمع البعض من جيلنا و عملنا المستحيل و للأسف معرفناش فقولنا نبدأ بنفسنا عشان نحمس الكُل … حقيقي جمهورنا يستاهل مننا كُل الجديد و كل المُفاجآت اللي تفرحه و المطربين اللي هييجوا بعدنا يستحقوا إنهم يتعلموا ده مننا عشان يكملوه للي بعدهم إنتظروا كليب فعلاً مبيتنسيش بيني و بين أخويا النجم الكبير رامي صبري باشا".
وكان قد علق الفنان رامي صبري علي صورة له رفقة الفنان تامر حسني عبر صفحته على موقع التواصل الاجتماعي فيسبوك.
وكتب رامي صبري :"أنا بشوف الصورة دي بشكل تاني خالص ..أولاً تامر فنان أخ وغالي ومحترم ( وواثق في نفسه ) ودي للاسف مش موجودة كتير في مغنيين كتير ناجحين ولكن عندهم مشاكل كبيرة".
وأكمل :" ومايعرفوش يبقوا زي الراجل المحترم اللي ماسك المايك ده تامر حسني فنان كبير جداً جداً ولما اشتغلت أنا وهو في الديو اللي هاينزل الفترة اللي جاية فهمت هو ليه محبوب جداً .. أولاً علشان عنده صفاء نفسي مش موجود عندي أنا شخصيا".
وأضاف رامي صبري :"اه والله أنا دايماً ليا رد فعل انما هو بيسيب الحاجات زي ماهي وما بيحبش يرد ودي حاجة صعبة جداً جداً .. عاوز أقول مش كل فنان أو نجم يستحق .. لان دايما الأخلاق واحترام زمايلك هو الموضوع مش بس الفن ".
واختتم :"شكراً تامر حسني على ذوقك واحترامك ليا دايما في التصوير ودايما كنت تقولي انت مبسوط ايه رايك محتاج حاجه ؟ كل ده ماينفعش يطلع غير من فنان حقيقي عنده احساس بالناس والأهم واثق من نفسه قريباً جداً هتشوفوا وهاتسمعوا أغنية ( فعلاً مبيتنسيش) على جميع منصات الموسيقى في العالم".
المصدر: صدى البلد
كلمات دلالية: تامر حسني رامي صبري اغنية جديدة المزيد تامر حسنی رامی صبری
إقرأ أيضاً:
كمال أبو رية: اشتغلت على شخصية أحمد رامي بدقة في مسلسل «أم كلثوم».. وإنعام محمد علي دعمتنا بالوثائق
تحدث الفنان كمال أبو رية عن تجربته في تجسيد شخصية الشاعر أحمد رامي في مسلسل «أم كلثوم»، مؤكدًا أن الدور كان محطة مهمة في مسيرته الفنية ونقله نقلة كبيرة على مستوى الشهرة والثقة.
وقال، «تجسيد شخصية أحمد رامي عرف الناس بيا بشكل أقوى، واداني ثقة في نفسي، وكمان إدّى الجمهور ثقة إني أقدر أقدم دور صعب بالشكل المطلوب».
وأوضح كمال أبو رية خلال لقائه ببرنامج «الحكاية من البداية» تقديم الدكتورة أميرة مجدي، أن الدور كان يحتاج مجهودًا كبيرًا في التحضير، مشيرًا إلى أن المخرجة إنعام محمد علي لعبت دورًا كبيرًا في مساعدتهم: كانت بتدينا وثائق ومراجع وتبعتها للفنانين يدرسوها علشان نقدر نقدم الشخصيات بأكبر قدر من الدقة.
وأكد «أبو رية» أنه حصل على جائزة أفضل ممثل عن هذا الدور، معتبرًا أن نجاحه في أم كلثوم أحد أهم محطات حياته الفنية.
يذكر أن الفنان كمال أبو رية يستعد لتصوير مشاهده فى المسلسل الدرامي الجديد «أنا وهو وهم»، مع الفنانة نسرين طافش والفنان أحمد صلاح حسني ومن إخراج المخرج السوري زهير قنوع، والمقرر عرضه بموسم دراما رمضان 2026.
اقرأ أيضاًبطولة أحمد السعدني ودينا الشربيني.. مواعيد وقنوات عرض مسلسل «لا ترد ولا تستبدل»
نقابة المهن التمثيلية تواجه أشباح الذكاء الاصطناعي.. المستشار القانوني للنقابة يكشف التفاصيل
بكري: «الفيتو الرئاسي» أنقذ نزاهة الانتخابات.. ونتائج الإعادة نقطة تحول سياسية
من عالم العقارات إلى الدبلوماسية الفظة.. كيف انعكست النزعة الفوقية في هفوات خطاب توم براك؟