مخرج الأكشن يكشف عن أخطر مشاهد العوضي في «فهد البطل»

خطفت مشاهد الأكشن التي قدمها أحمد العوضي في مسلسل فهد البطل الأنظار، وأصبحت حديث السوشيال ميديا خلال الأيام الماضية، وبدأ الجمهور يتسائل، هل تم تنفيذ هذه المشاهد بالاستعانة بدوبلير أم لا؟.

وكشف مخرج الأكشن محمود طاحون أثناء لقاء حصري مع منصة one take، عن كواليس تنفيذ هذه المشاهد والصعوبات التى واجهتهم أثناء التنفيذ.

وقال طاحون:" النجاح الحمدلله كان متوقع لأن أحسن أكشن قدمه العوضي في حياته كان في فهد البطل، وساعدنا في ده أن العوضي بيتمرن كويس وجسمه مساعده، وأنا المدرب بتاعه من قبل ما أكون مخرج أكشن وعارف بيدرب ازاى".

وأضاف:" الناس بتستغرب من طريقة الأكشن في الأعمال الفنية وأن ازاى بعد الضرب ده كله الممثل بيفضل عايش بس ده دراما يعني لو أنا قدمت المشهد الأكشن أو الخناقة العادية اللى بتحصل في الشارع الناس هتزهق".

وتابع:" الشعب المصري بطبعه بيحب الأكشن والإثارة وبيحب يتفرج عليها فلما أقدم له حاجه بتحصل في الشارع مش هينجذب ليها أو هيبقي عنده الحماس يشوفها".

وأضاف " لما أحضرت لـ أحمد العوضي. دوبلير قال لي "خليه يمشي"

وتحدث طاحون خلال اللقاء عن تصوير أحد مشاهد الأكشن وعن خطورته وقال:" المشهد كان جري ونط بين العمارات والمكان مكنش فيه الأمان الكافيي، ولما أحضرت دوبلير العوضي أول ما شافه قال لي خليه يمشي وأنا اللى هعمل المشاهد، وعايز أقول حاجة، أن العوضي الممثل الوحيد اللي مالوش دوبلير".

وتابع:" الناس لازم تعرف أن مخرج الأكشن أداة من أدوات المخرج واحنا بنطبق اللى مكتوب في السيناريو، يعني لو المشهد مكتوب أن العوضي هيضرب خمسين واحد هنفذ المشهد على كده".

تفاصيل مسلسل "فهد البطل"

يذكر أن مسلسل فهد البطل بطولة أحمد العوضي، ميرنا نور الدين، أحمد عبد العزيز، كارولين عزمي، يارا السكري، لوسي، صفوة، محمود البزاوي، حجاج عبد العظيم، أحمد ماجد، عصام السقا، صفاء الطوخي، ومن تأليف محمود حمدان وإخراج محمد عبد السلام، وتدور الأحداث في إطار اجتماعي شعبي.

اقرأ أيضاًمسلسل فهد البطل الحلقة 6.. مواعيد العرض والقنوات الناقلة

مسلسل فهد البطل الحلقة 5.. أحمد العوضي يصل إلى عمه غلاب

المصدر: الأسبوع