بـ موقف إنساني.. تامر حسني يطلب التبرع لمعالجة مدرس فلسفة
تاريخ النشر: 23rd, August 2023 GMT
حرص تامر حسني على تقديم الدعم لمدرس فلسفة أصيب بمرض نادر وهو التصلب الضموري، وظهر تامر حسني في موقف إنساني كعادة دائما يطالب فيه بالتبرع للمدرس لاكتمال شفاءه على خير.
ماذا طلب تامر حسني؟
وطلب تامر حسني من الجمهور التفاعل مع الموضوع والتبرع وذلك من خلال حسابه الشخصي بموقع تبادل الصور والفيديوهات إنستجرام خاصية إستوري قائلًا: "أستاذ محمود عبد الكريم مدرس فلسفة، أصاب بمرض التصلب الضموري ومحتاج مساعدة الجميع واللي يقدر يتبرع على الحساب دا ياريت ميتأخرش، يارب صوتي يوصل للمسؤلين المحترمين أصحاب القلوب الرحيمة اللي يقدره يسفروه يتعالج على نفقة الدولة لأن أي يوم تأخير المرض بياثر بالسلب".
تامر حسني يتربع على عرش يوتيوب
يواصل تامر حسني استمرار الصدارة في احتلال المركز الأول بتريند يوتيوب من خلال كليب حوا الذي حقق به نجاح كبير جدًا من وقت طرحه، واقترب كليب حوا لتامر حسني من 3 مليون مشاهدة وذلك في 5 أيام من طرحه، وتلقى تامر حسني ردود أفعال إيجابية كثيرة فور طرح الأغنية وإشادة كبيرة من النجوم أيضًا.
ما هى تفاصيل الأغنية ؟
تعد أغنية حوا هى الأغنية الثالثة من ألبوم الصيف هرمون السعادة وهى من كلمات وألحان تامر حسني وتوزيع علي فتح الله ومكساج مودي منير والكليب من إخراج تامر حسني
إشتريت كتاب إسمه
كيف تفهم حوا
قولت هعرف منه
إيه في دماغها جوا
حوا في كل الجنسيات
بجد تركيبه واحده
لو هنسمي في مسميات
أحن حنينه جاحده
حافظين مش فاهمين
نفس الكلام وبيتردد بيتردد
و إحنا عايشين مساكين
بنجيب في هدايا ونسدد
آه ونسدد
و بعد ما كان
نفسي في واحده تفهمني
من غير ما أتكلم
ما أتكلم
بقيت أدعي ألاقي واحده
تفهمني أصلًا وأنا بتكلم بتكلم
في جوا دماغ حوا كذا حد
ملاك شيطان والله تعبت
لما تعاملها كده انت وحظك
في اللي ساعتها بقى ماسك ال Shift
وديتها مره للدكتور
دكتور دقيقه ونبقى عندك
سألها مالك قالتله مالي
ما انت لو مهتم كنت عرفت لوحدك
حافظين مش فاهمين
نفس الكلام وبيتردد بيتردد
و إحنا عايشين مساكين
بنجيب في هدايا ونسدد
آه ونسدد
و بعد ما كان
نفسي في واحده تفهمني
من غير ما أتكلم ما أتكلم
بقيت أدعي ألاقي واحده
تفهمني أصلًا وأنا بتكلم بتكلم
المصدر: بوابة الفجر
كلمات دلالية: تامر حسني
إقرأ أيضاً:
عمر كمال: هذه حقيقة سرقة ألبوم فؤاد وتسريب الأغنية
قال عمر كمال، إنه لا يقلد المطرب محمد فؤاد ولكنه من مدرسته ومش بتنصل من ده وبتأثر بيه.
وأضاف عمر كمال، في لقائه على قناة "ام بي سي مصر"، أن رزقه هذا الألبوم بعد الفنان محمد فؤاد، وجالي بالصدفة ولقيت ألبوم حلو جدا وقولت ليه مغنيش.
وقال عمر كمال، إنه يحب الأغاني الشعبية جدا، وبتكسب جدا، قائلا للإعلامي عمرو أديب "بجيب عربية وبيت بعد الحلقة بتاعتك".
وتابع عمر كمال في لقائه على قناة "ام بي سي مصر": صحابي دعموني جدا بعد الألبوم الجديد، قائلا "أنا طابخ طبخة جديدة والناس مصدقاني جدا، وأنا صابر ومش هبطل شعبي، وجبت سقف المهرجانات وعايز أكبر في حتة تانية زي الرومانسي.
وأشار إلى أنه منذ الصغر كان يحب في محل براويز، وبالليل في محل جزم حريمي، وكنت شاطر من يومي.
كما أشعل مؤدي المهرجانات عمر كمال، استوديو برنامج "الحكاية" مع الإعلامي عمرو أديب، على قناة "ام بي سي مصر".
وغنى عمر كمال، أغنية "ضيعنا" والتي جعلت الإعلامي عمرو أديب، يرقص معه وينقط بالفلوس على الهواء مباشرة.
وظل الإعلامي عمرو أديب، يرقص على أغنية "ضيعنا" وغنا بنفسه مع عمر كمال في حالة هستيرية.
سماحة المفتي: إلى متى يستمر الصمت الدولي أمام معاناة أهالي غزة؟