الزمالك يسابق الزمن لتسوية مستحقات الأجانب قبل مهلة 15 أكتوبر

كشف الإعلامي أحمد شوبير، عبر برنامجه على إذاعة "أون سبورت إف إم"، أن إدارة نادي الزمالك تتحرك بشكل عاجل خلال الساعات المقبلة لتوفير جزء من مستحقات اللاعبين الأجانب بالفريق، لتفادي تصعيد شكواهم ضد النادي.

وقال شوبير: "الزمالك بيسابق الزمن خلال 48 ساعة عشان يسدد مستحقات الأجانب. الإدارة وجون إدوارد بيحاولوا بكل الطرق يوفروا جزء من المستحقات، خاصة إن الأجندة الدولية خلصت، واللاعبين بنتايك وبيزيرا مش عاوزين يصعدوا شكواهم لو حصل تأخير".

وأضاف: "اللاعبون أخطروا إدارة الزمالك بإنذار رسمي بمهلة تنتهي يوم 15 أكتوبر للحصول على مستحقاتهم، والزمالك بيحاول يعمل كل اللي يقدر عليه عشان يتجنب الكارثة، لأن لو اللاعبين دول طلبوا فسخ عقدهم، العقود فعلاً هتتفسخ، ودي أزمة كبيرة".

وأوضح شوبير أن موقف اللاعبين الأجانب منطقي من الناحية الاحترافية، قائلاً: "مفيش لاعب أجنبي جاي عشان سواد عيون النادي. هو محترف، بياخد فلوس في المغرب أو التشيك، ولما يتفق معاك على رقم لازم ياخده. لما ميقبضش، طبيعي يطالب بحقه".

وتابع: "اللاعب مش من مواليد الجزيرة ولا ميت عقبة، هو محترف عمره في الكرة محدود، لازم يأمن نفسه. الزمالك محتاج يشوف حل سريع وجذري للموضوع ده، لأن التأخير ممكن يكلفه كتير".

واختتم شوبير تصريحاته مؤكدًا أن إدارة الزمالك أمام سباق مع الزمن لإنهاء الأزمة خلال اليومين المقبلين، حفاظًا على استقرار الفريق وتجنب أي عقوبات أو فسخ تعاقدات محتملة.

المصدر: الأسبوع