أزمة تطبيق بنكك الخاص ببنك الخرطوم أكبر بنك في السودان
تاريخ النشر: 3rd, February 2024 GMT
السادة بنك الخرطوم… واضح جداً أنكم لما كتبتوا الإسلوغن بتاع تطبيق بنكك :(مافى حدود مافى مستحيل) ماكنتوا عاملين حساب الظروف الحالية دى!!
وواضح كمان إنكم ماقادرين تسيطروا على السماسرة وتجار الأزمات البيستغلوا حوجة الناس ويرجعوا خدمة بنكك الفقدوها كتااار بى مبالغ فلكية أقلاها ٢٠٠ ألف جنيه من زول منكوب أصلاً!!
نحن مقدرين جداً صمودكم ووقفتكم القوية وحقيقة سترتونا فى كتير من المواقف وإجتهدتوا فى المحافظة على إنسيابية الخدمة… لكن للأسف ماقدرتوا تعالجوا مشكلة إستعادة الحسابات الضاعت بسبب نهب التلفونات وتغييرها والنزوح واللجوء وغيرها من أسباب قسرية إتفرضت على الناس.
رجااااءاً راعوا للعملاء الفى ذمتكم ديل…فى كتااار حياتهم واقفة ومصالحهم معطلة.. والإستغلال الحاصل ده بيعرض معلومات الحساب للخطر وبيدخل الناس المضطرة دى فى حتة ضيقة جداً ولايخفى عليكم الحوجة الكبيرة لخدمتكم الجليلة.
نقول هذا وكلنا أمل وثقة فى حرصكم وتقديركم وإهتمامكم.
ودمتم
داليا الياس
داليا الياس
المصدر: موقع النيلين
إقرأ أيضاً:
لجنة شؤون أمن ولاية الخرطوم تصدر تنويهًا مهمًا
تاق برس – أصدرت لجنة تنسيق شئون أمن ولاية الخرطوم قرارًا قضى السماح بالتجوال وفتح المحال التجارية بعد ساعات الحظر اليوم السبت.
وقالت اللجنة بحسب وكالة السودان الرسمية، الخميس، إنّ فترة السماح ستنتهي صبيحة يوم الأحد على أنّ يعود سريان حظر التجوال وإغلاق المحال التجارية حسب الزمن المحدد في امر الطوارئ اعتبارا غدٍ.
طقس الأحد: استمرار الأجواء الحارة بمختلف مناطق المملكة.. ورياح مثيرة للأتربة على بعضها