إيناس الدغيدي: ابتعدت 14 سنة لأنهم مش عايزين واحدة زيي تتكلم
تاريخ النشر: 4th, April 2024 GMT
عبرت المخرجة إيناس الدغيدي عن رأيها فيما يحدث بموسم الرياض قائلة: "موسم الرياض فايدة للسينما المصرية بلا شك، وهيضيفوا للسينما بالإمكانيات دي، لكن لغاية دلوقتي مشفتش مستوى كويس، وكل الأعمال سطحية، وانا مش من انصار حرق النجوم بالشكل ده، مينفعش احط في عمل 5 او 6 نجوم مع بعض، لأن النجم لازم يفضل نجم، وهو ابهار مالوش فايدة، لازم الفنان يبقى عزيز، ولو اتعرض عليا اعمل كل ده هعمله بس بشكل كويس، طالما هيدوني إمكانيات ويحققوا طموحاتي، ليه اقدم حاجة وحشة، ليه اروح عشان الفلوس وانسى اسمي ومكانتي، بس مقابل ده ادي كواليتي ، ومفيش جوه الابهار حاجة، واخر مرة شوفت المطربين بيقروا من ورقة، ومكلفوش نفسهم يحفظوا اغانيهم".
وقالت المخرجة إيناس الدغيدي، خلال استضافتها ببرنامج "أسرار" مع الإعلامية أميرة بدر المذاع على قناة النهار: "حصل تزمت فكري في مصر وده سبب ابتعادي 14 سنة، لانهم مش عايزين واحدة زي ايناس الدغيدي تتكلم، وعندي مشاريع زي الصمت وعصر الحريم ومن 8 سنين، بيتكلم عن الجواري في مصر، وموضوعه يجنن وقد ايه المرأة المصرية من 1800 بتدافع عن حقوقها، ولما ارجع كله يترصد لي ويشوفوا هل هي لسه ايناس الدغيدي ولا خلاص راحت عليها، و ازاي اشتغل مسلسل استلم منه حلقتين وباقي ال30 حلقة استلمهم على الهوا، طيب اخرج ازاى، مش هستنى لما نجم يقول عايز ايناس الدغيدي تيجي تخرجلي، عمري ماعملته مع اكبر النجوم، و مطلبتش من نجيب ينتجلي رغم أنه صديقي، لأن الفنان لازم يبقى عنده كرامة، وانا عندي مواضيع وهما عايزين حاجات لايت انا مبشتغلهاش، واللي عايزني يكلمني".
برنامج "أسرار" تقدمه الإعلامية أميرة بدر على شاشة النهار يومياً خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
https://fb.watch/rdw8Dyut2I/
المصدر: صدى البلد
كلمات دلالية: ايناس الدغيدى المخرجة إيناس الدغيدي شهر رمضان قناة النهار نجوم الفن موسم الرياض
إقرأ أيضاً:
إكرامي الشحات :مصطفي شوبير لازم يأخد فرصة فى الأهلي
علق إكرامي الشحات، حارس مرمى الأهلي السابق علي مشاركة حارسي مرمي الفريق في الموسم المقبل .
وقال إكرامي في تصريحات تلفزيونية عبر ام بي سي مصر: الشناوي هيلعب أساسي من بداية الموسم لكن شوبير لازم ياخد فرصة ،وجمهور الأهلي مش بيحاسب بالقطعة.
وكان قد صرح مجدي طلبة، نجم النادي الأهلي السابق، أن مصطفى شوبير، حارس مرمى الفريق الأول لكرة القدم بالقلعة الحمراء، هو الأجدر بالمشاركة أساسيًا خلال الموسم الجديد، وليس محمد الشناوي.
وقال مجدي طلبة، في تصريحات لبرنامج "البريمو" مع الإعلامي محمد فاروق، عبر فضائية TeN: "محمد الشناوي قدَّم مسيرة حافلة مع الأهلي خلال السنوات الماضية، وكان من أفضل لاعبي الفريق في المباراة الأولى ببطولة كأس العالم للأندية أمام إنتر ميامي الأمريكي، لكن لا بد من منح مصطفى شوبير الفرصة في الموسم المقبل، فهو حارس مميز وأثبت جدارته حينما شارك في بعض المباريات بالموسم قبل الماضي، ويجب أن يخرج من عباءة البديل".
وأضاف: "هناك أيضًا محمد سيحا، الذي تعاقد معه الأهلي خلال فترة الانتقالات الصيفية الجارية قادمًا من المقاولون العرب، وهو مكسب كبير للفريق، وسيُصبح من أفضل الحراس في الدوري الممتاز خلال السنوات القادمة"
نشرة التوك شو| توجيه رئاسي عاجل للحكومة بشأن الطريق الإقليمي