خاص| محمود حافظ: "جيت من بلدي عشان أحقق حلمي.. وقبلت أدوار منحوتة عشان عندي مسؤوليات"
تاريخ النشر: 3rd, September 2024 GMT
>>أدواري في "عمر أفندي" و"بالطو" و"الممر" فرقت معايا نفسيًا>>الجمهور عايز الممثل يبقى من أولياء الله الصالحين>> معنديش مشكلة مع النقد البنّاء.. ومتنتقدنيش وأنت قاعد في التكييف>> مؤمن بمقولة "العند يورث الكفر".. وماشي بمبدأ "الكلاب تعوى والقافلة تسير">>نفسي أشوف بلدي أحسن بلد ولما بسافر برا مصر بسمع كلمة أنتو شحاتين على النت>> الناس بقت مؤمنة فقط بالتيك توكر مروان مشاكل وشاكر
رد الفنان محمود حافظ على الاتهامات التي طالته مؤخرًا، بشأن تكرار نفس الأداء التمثيلي والصوت العالي في أدواره وقال: "كل ممثل فينا بيبقى نفسه يقدم أفضل ما عنده، ورغم كدا بنلاقي الناس بتنتقدنا، مضيفًا:" أنا معنديش أي مشكلة في النقد البنّاء على عيني وعلى راسي، بس متنتقدنيش وأنت قاعد في التكييف وتقول كلام ملوش لازمة".
محمود حافظ: "أدواري في "عمر أفندي" و"بالطو" و"الممر" فرقت معايا نفسيًا
وأضاف في تصريحات خاصة لـ "الفجر الفني": "الواحد طول الوقت بيتعلم، وأنا راضي جدًا عن دور أباظة ومبسوط بيه، ودايما فيه أعمال بتفرق معايا نفسيًا زي دوري في مسلسل "عمر أفندي" و"بالطو" وفيلم "الممر"، وفيه أدوار بالنسبة لي منحوتة وقبلتها عشان عندي مسؤوليات ومش شرط أبرر للناس حياتي".
محمود حافظ: “مفيش فنان كل أعماله ناجحة”
ووجه رسالة لمنتقديه قائلًا: "مفيش فنان كل اختياراته صح أو كل أعماله ناجحة، والجمهور عايز الممثل يبقى من أولياء الله الصالحين وكل حاجة يعملها تبقي مظبوطة 24 قيراط".
محمود حافظ: "ماشي بمبدأ "الكلاب تعوى والقافلة تسير"
وتابع:" أنا ماشي بمبدأ "الكلاب تعوى والقافلة تسير"، وشوف نفسك الأول هل أنت راضي عن نفسك وعن شغلك"، متسائلًا: "هل الناس كلها أجمعت على ربنا أو على سيدنا محمد ؟ الإجابة لأ، يبقي عادي لو اتنين تلاته انتقدوني في وسط 120 مليون شخص".
محمود حافظ: “بشوف رد الفعل الحقيقي عن أعمالي وأنا ماشي في الشارع”
واستكمل:" أنا عنيد جدًا ومؤمن بمقولة "العند يورث الكفر"، فاشتم براحتك ومش هعبرك؛ لأن أنا بشوف رد الفعل الحقيقي عن أعمالي وأنا ماشي في الشارع وكلها الحمد لله بتكون إيجابية، ورسالتي دايمًا للناس إنهم يتذكروا الآية القرآنية اللي بتقول: "ولا تبخسوا الناس أشياءهم"، لأن أنا دارس وخريج أكاديمية الفنون والمعهد العالي للفنون المسرحية، وجيت من بلدي متغرّب عشان احقق حلمي".
محمود حافظ: "مصر كلها بقت شحاتين على النت"
وتابع: "نحن أصبحنا في زمن الرويبضة، والناس بقت مؤمنة فقط بالتيك توكر مروان مشاكل وشاكر، مضيفًا: "مصر كلها بقت شحاتين على النت وللأسف ملهاش غير هذا المسمى".
ووجه سؤال للبلوجرز والتيك توكرز قائلًا: "أنت قابل على نفسك تصرف على بيتك من الشحاتة إزاي؟ طب هل عارف القرش ده حلال أم حرام؟، مضيفًا:" اللي بيحصل أنهم بيطلعوا يقولوا كبّس كبّس، وابعتولنا أسود وثعالب وللأسف ده شي محزن جدا".
محمود حافظ: "النت اخترق بيوتنا ومفيش نخوه عند بعض الرجال"
واختتم حديثه قائلًا: "أنا نفسي أشوف بلدي أحسن بلد في الدنيا هي وشعبها، ولما بسافر برا مصر بسمع كلمة أنتو شحاتين على النت ودي كلمة تضايق جدا، وللأسف النت اخترق بيوتنا ومبقاش فيه نخوة عند بعض الرجال اللي بيطلعوا أهل بيتهم على النت عشان الفلوس، طب أعراضك ولحمك!، ملعون أبو الفلوس بس خلي عندك نخوة.
أبطال مسلسل عمر أفندي
الجدير بالذكر أنه يعرض للفنان محمود حافظ حاليًا مسلسل عمر أفندي، بطولة الفنان أحمد حاتم، رانيا يوسف، آية سماحة، محمد رضوان، محمود حافظ، مصطفى أبو سريع، ميران عبد الوارث، وغيرهم، والعمل من إخراج عبد الرحمن أبو غزالة، وتأليف مصطفى حمدي.
تفاصيل مسلسل عمر أفندي
ويتكون مسلسل "عمر أفندي" من 15 حلقة، وتدور أحداثه حول حول رجل ثلاثيني أحمد حاتم، يعثر على سرداب سري يعود به إلى العام 1943 ويكشف له ماض يجهله، ويقع في حب آية سماحة ويعيشان قصة حب رومانسية في الأربعينات، رغم أنه متزوج ولديه بنت في الحاضر.
المصدر: بوابة الفجر
كلمات دلالية: محمود حافظ عمر افندي أبطال مسلسل عمر أفندي التيك توك البلوجرز مروان مشاكل بالطو الممر محمود حافظ عمر أفندی
إقرأ أيضاً:
أحمد سوكارنو: عندي 3 أبناء واخترت تاريخ الفرح مع ميلاد أول حفيدة لي
قالت المخرجة إيناس الدغيدي أن كلاً منهمها هي وزوجها رجل الأعمال أحمد منهما قرر الزواج من الآخر بعد التأكد من مشاعره.
تابعت خلال لقاء خلال برنامج «الصورة» مع الإعلامية لميس الحديدي، على شاشة النهار : «أحمد قال عني إني كوين مصر، وصديقي أرسل لي الفيديو حينما كانا في سيدني، فجبْت رقمه وبعتّ له وشكرته، وطلب مني أكلمه 3 دقايق، وتحدثنا هاتفيا شهر ولقيته شخص تقيل مش خفيف وأنا بحب الراجل التقيل، وجه وقعدت معاه».
وأضافت: «جه بعد شهر يتجوزني، قولت له ندّي نفسنا فرصة، المسافة البعيدة اللي بينا دي هتخلينا مش مع بعض، وبعدها قولت له خلاص نجرب كنت خايفة، وبقالي 18 سنة عايشة لوحدي، أكيد خفت أكرر التجربة».
وتحدث أحمد سوكارنو عن إيناس الدغيدي قائلًا: «أنا بحب جرأتها وآرائها المختلفة، وهي عكس ما يظهر، طيبة جدًا، وبتقول الأفكار اللي مؤمنة بيها».
وذكر أن أنه تزوج قبل ذلك ولديه ثلاث ابناء أكبرهم إبنته الكبرى إيناس طبيبة نفسيه وأن أول حفيده له عمرها عام وأنه إختار تاريخ الزواج 10 من أكتوبر لانه يوم مولد حفيدته سمر ولديه إبن إسمه كريم وجاسمين قائلاً: "أول حفيده لي".
وعن هدفه من الزواج قال: "عشت 18 سنة أعزب منهمك في الشغل بس وأنا بحب البيزنس وقلت أن الاوان للزواج".
وروى واقعة منذ ثمانية سنوات تعكس إعجابه بإيناس الدغيدي قائلاً: “كان فيه زميلة لي في الشغل قلتلي يأاستاذ أحمد أنت لوحدك ولازم تتجوز فقلي لو فيه حد هتجوزه نفسي تبقى إيناس الدغيدي”.
مصرع شاب صعقا بالكهرباء فى حوش عيسى بالبحيرة