لاعب الزمالك السابق : حصلي إصابة واحتجت أقعد في البيت

قال يوسف حسن لاعب الزمالك السابق انا حصلي اصابة وكنت محتاج اعمل عملية قعدت في البيت 3 شهور اكلم الناس في النادي.

 واضاف في لقاء على اون تايم سبورت ظللت اتصل بكابتن هشام نصر محدش بيرد عليا، لما نزلت بوست قلت فيه الكلام ده كلموني ورحت  للكابتن حسين لبيب قالي شوف هتتعالج فين واحنا هندفع، روحت للدكتور خالد الشناوي اتعالجت معاه شهرين مدفعوش الفلوس ليه فانا اتكسفت اروح تاني لان الراجل كان بيطالب بفلوسه وقعدت في البيت شهرين كمان، كلمت دكتور احمد اسامة طبيب الزمالك قالي تعالي اعمل تأهيل في النادي روحت هناك لقيت عبدالواحد السيد بيقولي جوميز بيقولك مش عايزك تجري حوالين الملعب قلتله هو لو لاعب كبير اتصاب هتقولوله كده؟ وجوميز يعرفني منين عشان يقول كده ده لسة جاي؟ الموضوع ده اثر في نفسيتي جدا ونزلت بوست تالت وقتها وقلت ان مفيش اهتمام فرجعوني وقتها اتعالج واتمرن هناك وفي الاخر بدون مقدمات لقتهم بعتوا قايمة الفريق وانا مش موجود فيها بدون ما يبلغوني.

المصدر: صدى البلد