لو حابب ترجع فكر وأنا معاك.. تامر حسني يدعم المطرب هيثم سعيد
تاريخ النشر: 12th, November 2024 GMT
قام الفنان تامر حسني بتقديم الدعم الكامل للمطرب هيثم سعيد.
وجاء هذا بعد قيام هيثم سعيد بنشر فيديو له على صفحته الشخصية بموقع التواصل الإجتماعي إنستجرام عبر خاصية “ستوري”، يخبر جمهوره باعتزاله وهجرته إلى أستراليا وفقدانه للشغف .
وقام تامر حسني بدعمه وذلك بتوجيه رسالة له على صفحته الشخصية بموقع التواصل الإجتماعي إنستجرام عبر خاصير “ستوري” قائلًا له: "حبيبي هيثم أنا أكيد أزعل لما أشوف فنان جميل زيك يصيبه اليأس بالشكل ده أنا فاهمك وحاسس بيك كويس، طبعا محدش عارف داخليات الناس وأنا ممكن أبقى مش عارف إيه اللي خلاك وصلت لكده رغم إن في ناس من جيلنا كملوا وصبروا وكان عندهم شغف وإصرار على النجاح كبير
أنت عارف أنا شوفت إيه من حروب بس كملت واتحديت الظروف مش عارف أقولك ليه مصممتش ولا أقولك متزعلش على اللي أنا معرفش عنه حاجة ربنا بس العالم بيك وعالم أنت شوفت إيه وحسيت بإيه بس خليني أقولك حاجة أجمل من ده كله اتأكد من حاجه زي ما أنت متأكد إن اسمك هيثم وأكتر كمان ربنا لما بيقفل باب بيبقى عايزك تفهم إنه قفله عشان يوجهك تروح باب تاني أفضل مش عشان يزعلك، ما دام أنت اخترت تسافر تجرب مش عيب جرب جايز تلاقي نجاح عالمي حصلك أكبر من اللي كنت بتحلم بيه ونصيحة ليك برضه أدرس التوزيع الموسيقي عشان تعمل مزيكتك بنفسك وجايز تبقى مؤسسة كبيرة في يوم من الأيام بتصنع مزيكا ليك ولغيرك وتقدم ناس مع شطارتك كمطرب
ولو حسيت بأي صعوبة أرجع وكلنا حواليك إن شاء الله وأنا جنبك وجنبك من دلوقتي لو حابب ترجع ونحط خطط جديدة للشغل وتقف تاني من جديد أنت فنان جميل وشکل جمیل ومحترم وتستحق كل خير.
المصدر: صدى البلد
كلمات دلالية: مؤسسة تامر حسني الموسيقى رسالة اعتزال المطرب
إقرأ أيضاً:
مدين يشارك تامر حسني كواليس حفل العلمين
شارك الملحن مدين، جمهوره، صورة جديدة جمعته بالنجم تامر حسني، من كواليس حفله الضخم ضمن فعاليات مهرجان العلمين، حيث ظهر الثنائي بإطلالة بيضاء متناسقة عكست روح الصداقة القوية بينهما.
وعلّق مدين على الصورة: "أخويا وحبيبي الغالي تامر حسني من حفله مهرجان العلمين، شكراً على الدعوة الغالية، دايماً مكسّر الدنيا يا رب"، في إشارة لدعمه وتقديره لتامر حسني.
ويأتي هذا اللقاء بعد النجاح الكبير لأغنيتهما "حفلة تخرج من حياتي"، التي انضمت لألبوم تامر حسني الجديد "لينا ميعاد" في اللحظات الأخيرة قبل إغلاق الألبوم.
وكشف مدين، مؤخرًا في تصريحات خاصة عن القصة الكاملة وراء الأغنية قائلاً: "كنت بهنّي تامر على الألبوم برسالة واتساب، وقلت له مبروك يا حبيبي، كنت أتمنى أكون موجود، لكن فجأة رد عليّا وقال: لو عندك حاجة ابعتها، إحنا شغالين لآخر لحظة، وبالفعل بعت له الأغنية بعد نص الليل، وهو سجّلها على طول، وخلال 24 ساعة خلصنا كل التفاصيل."
وأضاف: “تامر عنده طاقة وشغف نادرين، وبيشتغل لآخر لحظة بنفس الحماس، وعنده قدرة على توصيل الإحساس من أول مرة، وده اللي بيخلي التعاون معاه ممتع ومُلهم”.
أغنية "حفلة تخرج من حياتي" من كلمات ملاك عادل، ألحان مدين، توزيع وميكس وماستر توما، وتتميّز برسالة قوية عن التحرّر من العلاقات المؤذية بطريقة إيجابية واحتفالية، وهو ما جعلها تلمس قلوب الجمهور منذ صدورها.
يُذكر أن هذا التعاون بين تامر حسني، ومدين، ليس الأول، حيث سبق وقدّما معًا عدداً من أنجح الأغاني التي تركت بصمة قوية لدى الجمهور، منها: "بين يوم وليلة"، "نفس النهاية"، و"موضوع رجوعنا".
مباريات سيراميكا كليوباترا فى الدور الأول 2025-2026