مفاجآت بخطة دفاع المخرج عمر زهران لتبرئته من سرقة مجوهرات شاليمار الشربتلي.. صور
تاريخ النشر: 3rd, December 2024 GMT
بدأ فريق ضخم من المحامين الاستعداد للدفاع عن المخرج عمر زهران في اتهامه بسرقة مجوهرات شاليمار الشربتلي، زوجة المخرج خالد يوسف، في ثاني جلسات محاكمته والتي من المقرر الاستماع لمرافعات الدفاع بها.
وحضر إلى المحكمة كل من المحامي محمد حمودة والمحامي طارق جميل سعيد والمحامي أحمد مرتضى منصور بخلاف عدد آخر من المحامين متضامن مع المخرج عمر زهران.
وصرح محمد حمودة المحامي بأن الجلسة ستشهد عددا من المفاجآت خلال المرافعة التي ستقلب موازين القضية وتبرئ موكله.
وفي الجلسة الماضية، سرد المخرج عمر زهران تفاصيل بداية الأمر، حيث قال المخرج: “خالد يوسف قالي فيه مجوهرات كتير ضايعة من مراتي، قلتله مراتك مهملة وكلنا عارفين كده وانت بتقول إن الحاجات دي كانت في شقة الفورسيزون، دي شقة عبارة عن مخزن أكيد الحاجة دي ضايعة وسط الكركبة دور عليها كويس”.
وأضاف: "اتفاجئت إن شاليمار طلبت مني أروح أدور معاه، رفضت وخالد يوسف كرر الطلب رفضت للمرة الثانية، مكنتش فاهم إصرارهم إني أدور معاهم على حاجات ضايعة في شقتهم الخاصة، وروحت مرة دورت مع شاليمار ومعاها 2 شغالين معاها وساعتها خالد يوسف كان مصمم يعرف إحنا دورنا فين بالظبط، قلتله على كل الأماكن إلا غرفة كانت مقفولة".
وتابع: "قرر خالد يوسف إنه يدور في الغرفة دي بس أصر اني اروح ومش فاهم ليه وكلمني وانا بصلي الجمعة وبعد عدة اتصالات منه روحت وانا لابس جلابية الصلاة وبدأت أدور في الغرفة المقفولة لحد ما فتحت دولاب لقيت شنطة في وشي فتحناها كانت مليانة مجوهرات".
واستطرد: “ولما شاليمار شافت الحاجات دي طلعت غير الحاجات اللي قالت اتسرقت يعني أنا لو عايز أسرق حاجة ما الشنطة دي كانت قدامي وفيها ساعة الملكة فريدة اشترتها شاليمار من مزاد علني، وكمان شاليمار بتقول إني سرقت منها حاجات بـ250 مليون جنيه ولما معرفتش أبيعها عشان هي حاجات غالية ونادرة رجعتلها حاجات بـ200 مليون واحتفظت بمجوهرات بـ50 مليون”.
ووجه حديثه للقاضي قائلا: "معلش يا فندم هو انا حمـ.ـار عشان أعمل كده، أرجع حاجات سرقتها وأفضح نفسي، طيب ما كنت رميتها في النيل".
وقال: "كل الناس وأصحابنا عارفين إن شاليمار الشربتلي ماشية ورا المشعوذين والدجالين وهي قالتلي إن واحدة مشعوذة فتحت الكوتشينة وقالتلها إن أنا اللي سرقتها وكانت عايزاني أفتح المندل وطلبت مني أجيب واحد مبروك يساعدنا في البحث عن مجوهراتها.. هو ده كلام يتهموني على أساسه واتحبس وأنا راجل مريض قلب وسكر وعجوز كمان يعني اتحبس بسبب مشعوذة وراجل مبروك".
المصدر: صدى البلد
كلمات دلالية: عمر زهران المخرج عمر زهران سرقة مجوهرات شاليمار الشربتلي المزيد المزيد المخرج عمر زهران خالد یوسف
إقرأ أيضاً:
أبرز تصريحات ياسمين عبد العزيز: ندمت على حاجات كتير.. ولو هتجوز تاني مش هعلن| فيديو
استضافت الإعلامية منى الشاذلي، الفنانة ياسمين عبد العزيز، في حلقة مميزة من حلقات برنامج "معكم منى الشاذلي".
أنا زعلانة منكودخلت ياسمين عبد العزيز، الحلقة وظهرت عليها علامات الكسوف، وقالت لمنى الشاذلي "أنا زعلانة منك والبرنامج بتاعك ليك هيبة كده".
وتابعت: أنا زعلانة منك عشان عايزة اتكلم براحتي وبطبيعتي وانتي عارفة انتي قولتي ايه؟ وردت عليها منى الشاذلي: ساعات بتخربي الدنيا.
عايزة أبسط نفسيوقالت ياسمين عبد العزيز: حد علمني إني لا أثق في أي مخلوق غير ربنا، وداخلة سنة 2025 وأنا حابة نفسي، لأني حبيت كل اللي حواليا ما عدا ياسمين، ودلوقتي عايزة أبسط ياسمين عشان أعوض نفسي.
ووجهت حديثها لمنى الشاذلي: ايه النظرة دي؟ بتسحبيني كده وبتخليني أتأثر ومش هتأثر، وعلقت ساخرة "هو أنا لازم أطلع في برامج".
وقالت ياسمين عبد العزيز، إن كريم فهمي وزوجته دانيا، أصدقاء جدا، عشان الناس بس بتقعد تخلط حاجات كده، وفي بينا كيميا والناس حابة الكيميا دي.
وتابعت: كريم شخصية في الحقيقة راجل طيب وراقي، وزي ما بيطلع في المسلسل هو في الحقيقة كده.
ندمت على حاجات كتيروقالت ياسمين عبد العزيز، إن الجمهور كل شوية يطلعوا عليا شائعات، اتصورت مع الدكتور بتاعي قالوا إن في بينا حاجة، عايزين يشوفولي أي حد وخلاص.
وأضافت: "مكنتش بفكر في نفسه خالص، وأنا قررت أحب ياسمين، أنا قررت أحب نفسي".
وتابعت: ندمت على حاجات كتيرة، ومش عيب لما الواحد يقول إنه ندم على حاجة، ده مش ضعف ده قوة.
واستكملت: ندمت على إني مكنتش بقول لا وكنت جدعة أوي، مش أي حد لازم تبقي جدعة معاه.
وأكدت أنها تعلمت كثيرا خلال الفترة الماضية وخدت دروس في الحياة، قائلة "أنا زمان كنت بفكر بقلبي بس ودلوقتي بفكر بعقلي وقلبي، محدش يقدر يكسرني، أنا منكسرتش، عشان عندي أولاد وعندي جمهور.
لو هتجوز تاني مش هعلنوقالت ياسمين عبد العزيز، إن أي حاجة بتظهر للناس مفيهاش بركة، ولو هتجوز في يوم من الأيام مش هظهر الكلام ده، أنا عايزة أعيش حياة مستقرة بعيدة عن الأضواء.
وتابعت: مش هتجوز في السر، بس مش هنشر الصور، لأن أي حد بينزل صورة بعديها بتحصل كوارث، في ناس كتير على السوشيال بيخربوا بيوت بس.
من عالم العقارات إلى الدبلوماسية الفظة.. كيف انعكست النزعة الفوقية في هفوات خطاب توم براك؟