عاجل.. كهربا يعتذر لجماهير الأهلي «في ناس عايزة تدمر مستقبلي»
تاريخ النشر: 28th, December 2024 GMT
اعتذر محمود عبد المنعم كهربا لاعب الفريق الأول لكرة القدم بالنادي الأهلي لجماهير القلعة الحمراء، اليوم السبت، عما بدر منه عقب مباراة المارد الأحمر أمام شباب بلوزداد في دوري أبطال إفريقيا.
وكتب كهربا عبر حسابه بموقع التواصل الاجتماعي "إنستجرام": "الجمهور هو متعه الكرة و اهم عناصرها و جمهور الاهلي اكبر داعم ليا و علاقتي بجمهور الاهلي كبيره و ليهم رصيد يكفي و يوفي وانا تعرضت لحملات ممنهجه والسباب لي ولأهلي بألفاظ محدش يقبلها علي نفسه أو على أهله في رسائل بعد تسريب رقمي من ناس عايزه تدمر مستقبلي الكروي".
وأتم: ومفيش لاعب كرة عايز يخسر فريقه او يكون وحش.. جمهور الاهلي طول عمره هو اللاعب رقم واحد وصاحب فضل عليا بعد ربنا.. ربنا يجعلكم دايما سند و ضهر ليا و بعتذر عن اي سوء تفاهم او سوء تعبير".
المصدر: الأسبوع
كلمات دلالية: الأهلي جماهير الأهلي كهربا الاهلي شباب بلوزداد
إقرأ أيضاً:
مجدي عبد الغني: كهربا كان بيقولي انت أبويا.. وربنا مش هيكرمه عشان «كوبري» الأهلي
كشف مجدى عبد الغنى نجم الأهلي الأسبق كواليس أزمته مع محمود عبد المنعم كهربا نجم الاتحاد الليبي الحالي.
وقال مجدى عبد الغنى خلال تواجده ضيفًا مع عمر ربيع ياسين ببرنامجه «مان تو مان» عبر صفحته الرسمية: «ماليش علاقة بأزمة كهربا مع الزمالك وهو غير صادق، ويقول زي ماهو عايز يقول في أدلة بتثبت أنى صادق، وعشان كدا ربنا مش هيكرمه أن شاء الله».
وأضاف مجدى عبد الغنى: «كان بيقولي انت ابويا ورفع سماعة التليفون وقالي عايز أروح الأهلي قولتله بلاش تعادي مجلس الزمالك وكان وقتها مرتضي منصور رئيس النادي، لقيته ماضي وواخد فلوس، قولتله كمل عقدك وبعدين شوف هتعمل ايه».
وأكمل مجدى عبد الغنى:«انا مش خبير خطوط، والاتحاد الدولي الفيفا أكد على كلامي ووقع عقوبة عليه ودفع الفلوس، إذن كلامي صح، كهربا وقع علي بياض وطلع قال مرتضي منصور ابويا وبعدين في اخر سنة عمل كوبري الأهلي».
وأتم مجدى عبد الغنى حديثه: «لازم يكون لاعب الكرة متعلم ومثقف عشان يقدر يكمل لان التعليم بيفرق وبيودي اللاعب في حتة تانية، اللاعب الجاهل حتى لو حريف كورة مش هيكمل في الملاعب ».