ميدو: واثق في موسم قوي للزمالك.. العدالة تُطبق والمدرب «جعان نجاح»

أعرب أحمد حسام "ميدو"، نجم نادي الزمالك السابق، عن تفاؤله الكبير بالموسم الجديد لفريق الكرة الأول، مؤكدًا أن هناك العديد من المؤشرات الإيجابية داخل النادي حاليًا تُبشر بموسم ناجح.

وكتب ميدو عبر حسابه الرسمي على منصة "إكس": "عندي ثقة كبيرة إن شاء الله إن #الزمالك هيعمل موسم كويس.. عالجنا كثير من مشاكلنا، اللاعيبة بتاخد فلوسها في ميعادها، مفيش لاعيبة جديدة بتمضي وهي واخدة 50%، ولا لعيبة ما أخدتش مستحقاتها من الموسم اللي فات".

وأضاف: "في لائحة بتُطبق على الجميع، في عدل.. عندنا مدرب كويس، صغير في السن، عنده شغف، وجعان نجاح.. ومدير كرة صاحب شخصية متزنة وعنده خبرة كبيرة.. مفيش دوشة حوالين الفريق، والفريق مقفول عليه كويس".

واختتم ميدو رسالته بدعوة جماهير الزمالك للوقوف خلف الفريق قائلًا: "باقي دور جمهورنا العظيم اللي عمره ما خذل النادي، وطول عمره واقف ورا فريقه".

المصدر: الأسبوع