قفزت من السيارة بعد محاولة خطفها.. والدة فتاة الشروق تكشف عن حالتها الصحية..فيديو
تاريخ النشر: 27th, February 2024 GMT
كشفت دينا إسماعيل، والدة حبيبة الشماع المعروفة إعلاميا بـ "فتاة الشروق"، صاحبة واقعة القفز من السيارة أثناء محاولة اختطافها، تفاصيل الحالة الصحية لابنتها.
قالت والدة حبيبة الشماع، إن الحالة الصحية لابنتها لا تزال غير مستقرة، مضيفة: حبيبة مازالت في نوبة من الإغماء، لأنها تعاني من نزيف وارتشاح بالمخ".
وتحدثت عن الواقعة، قائلة: "بنتي كانت نازلة من البيت في مدينتي ورايحة التجمع وركبت أوبر، وهي بتكلمني ماكنتش سامعة صوتها لأن السواق مشغل أغاني صوتها عالي جدا".
وتابعت: حبيبة طلبت من السواق التوقف لكي تستطيع التحدث معي، وحينها سمعت صوت عالي بينهما بسبب رفضه طلبها، ولما سألت حبيبة قالت لي ده بيتكلم في التليفون سيبك منه، وشوية وقفلت معاها".
وتابعت والدة حبيبة الشماع: لقيت واحدة من صحابها بتكلمني بعدها بشوية وبتقولي إن هما كانوا بيتصلوا على حبيبة عشان اتأخرت عليهم، ولما اتصلوا أكثر من مرة تفاجأوا إن راجل بيرد على التليفون بتاعها وبيقولهم صاحبة التليفون ده أنا شوفتها واقعة من عربية على الأرض وفاقدة الوعي، وأنه سيأخذها إلى المستشفى".
واسترسلت: "روحت إلى مستشفى الشروق العام لقيت الأرض كلها غرقانة دم وقاطعة النفس وبيخيطوا دماغها من غير بنج".
وأكملت: "لقيت واحد واقف قالى لقيتها بتقع من العربية في طريق السويس، ووقفت لها، وأول ما وقفت لها كل اللي قالته ليا 3 كلمات "أوبر كان هيخطفنى" وجالها تشنجات وبعدها فقدت الوعى".
المصدر: صدى البلد
كلمات دلالية: خطف حبيبة الشماع فتاة الشروق طريق السويس الاختطاف حبیبة الشماع
إقرأ أيضاً:
دنيا سامي: ماكنتش عاوزة أمثل وفجأة لقيت نفسى في أدوار كوميديا
حلت الفنانة الشابة دنيا سامي ضيفة على برنامج «صاحبة السعادة» من تقديم الفنانة إسعاد يونس، والمعروض على قناة dmc، حيث كشفت خلال الحلقة عن كيفية دخولها عالم الفن وأولى خطواتها في التمثيل.
قالت الفنانة دنيا سامي: «أنا أصلا ماكنتش عاوزة أمثل كنت بتكسف جدا وبشوف إن دمى خفيف في البيت لكن مش اضّحك الناس حتى لما روحت إلى مدرسة اللى تعلمت فيها الطبلة، ولقيت نفسى فجأة بتحط في الأدوار الكوميديا».
وأكملت « كنت بقول يا جماعة أنا مش أراجوز نفسى أعمل حاجات تانية طيب خلونى أعيط واكتشفت بعد كده انها حاجة صعبة جدا واكتشفت إنها فادتنى وجرأتنى وخليتنى أعمل أي حاجة».
حلقة دنيا سامي مع إسعاد يونسوأضافت خلال لقائها مع الفنانة إسعاد يونس في برنامج صاحبة السعادة المذاع على قناة dmc: أنا نشأت في الدرب الأحمر والناس فيه لسه محتفظين بالجدعنة ولحد دلوقتى وانا داخلة الشارع محدش يقدر يعاكسنى ولو بدور على ركنة يساعدونى ده غير إنى وأنا صغيرة كانوا بيخافوا منى، فى الشارع وشى مرعب، مع إنى كنت ممكن اتضرب بسهولة لأنى كنت رفيعة جدا ووحشة جدا لمن انا لما بكبر بحلو.
وتابعت: «اختى كانت أمورة وشعرها ناعم، وأنا سمرة وشعرى خشن وبقى كبير والوحيد اللى شايفنى وحشة لحد النهاردة مصطفى غريب بيقولى انتى أوحش بنت في حياتى، وهو متنمر وانا ما اعرفش اتنمر عليه».
دنيا ساميويذكر أن الفنانة دنيا سامي شاركت بقوة في الماراثون الرمضاني السابق، من خلال تقديم 3 أعمال مختلفين وهم «النص، 80 باكو، نص الشعب اسمه محمد» كما أنها ظهرت ضيفة شرف في مسلسل كامل العدد الجزء الثالث.
اقرأ أيضاًدنيا سامي عن شخصيتها في مسلسل «80 باكو»: «حرباية بس عسل»
مسلسل 80 باكو الحلقة 10.. دنيا سامي تشعل النار في هدى المفتي
قبل عرض «80 باكو».. روجينا لـ هدى المفتي: «هتكسري الدنيا»| صورة
اقتراح أميركي يسمح لإيران بتخصيب اليورانيوم.. ولكن!