حكاية طريفة عن عملية احتيال عبر تطبيق التحويلات الشهير بنكك
تاريخ النشر: 16th, August 2023 GMT
قصة حصلت لي أمس ????
كنت قاعد أشرب في شاي الصباح ومستكين
جاتني مكالمة من رقم غريب ..
رديت ..
هو : السلام عليكم
انا : عليكم السلام
هو : كيف حالك
انا : تمام الحمدلله
هو : شكلك ما عرفتني؟
انا : ما عرفتك والله
هو: معاك محمد صالح ياخ ، معقولة ما عرفتني ؟
انا : اووووووو حبيبنا ، أحوالك ياخ ..” طبعآ ما عرفتو منو أصلا ”
هو : اموركم والأهل كيف
انا : تمام الحمد لله، طولنا منكم ????
هو : ياخ داير لي 250 ألف بنكك بديك ليها كاش “.
انا : حسابي مافيهو غير 200 ألف
هو : حولها ما مشكلة
انا: اها كيف الاولاد، انا شاء الله الحرب دي ما ضرتكم وكيف ياسر أخوك و و و المهم جريت بيو هوا ، شغال فيو طلس بس ، لمن زهج مني ..
هو : اي اي والله ، أسرع حول ال 200 لانه انا مستعجل وتلفوني ح يقفل
انا : رسل رقم الحساب
هو : 3274813 بإسم : تيسير النور حامد
انا : تمام .. دقائق بس
هو : أسرع أسرع
قمت انا حولت ٢ جنيه
وشلت الاشعار دخلتو فوتوشوب وعملتها 200 ألف
ورسلت ليو الاشعار ????
فتح الإشعار وحظرني????
مشى لقى القروش ما نزلت عند زولتو دي وعملوا معاو مشكلة وجاطوها وجووووووطة ومشاكل ???? وبعدها رجع لي من رقم تاني
وقال لي الاشعار دا ما حقيقي ، انت غشيتني ????????????????????
المهم الزول دا زعلان شديد ، شكله دقوه ????
المهم صرفت ليو من العيار التقيل وقفلت ????????????????
مبارك المدني
المصدر: موقع النيلين
إقرأ أيضاً:
أهازيج الفرح
تعلمنا بأن أهازيج الفرح في الشارع السوداني تكون مربوطة بمواسم معينة مثل: الحصاد والأعياد… إلخ. ولكن أن تكون ما بين ساحات الوغى وقعقعة السلاح فهذا لعمري لم نسمع به في آبائنا الأولين.. اللهم إلا عند أهلي (الحمر). قبل فترة وهم يدافعون عن الدين والأرض والعرض تقول أهزوجتهم: (كان داير البل تعال لدار حمر). صحيح فقدت حمر النهود في عز النهار بخيانة من بعض ضعاف النفوس.. وقد أثبتت الأيام بأنهم أسرع القبائل إفاقة من صدمة. في بحر هذا الأسبوع كانت الخوي عروس (البل). تكبدت مرتزقة عربان الشتات خسائر، تمثلت في (٨٠٠) فطيس، وعدد (١٢٣) عربة قتالية ما بين استلام وتدمير. معركة الخوي تعتبر نقطة فارقة في سير متحركات الصياد في كردفان ودارفور، وهي آخر حشد كبير للمرتزقة في تقديرنا. إذن نحن الآن أمام واقع جديد فرض نفسه بقوة. وأكاد أجزم ما بعد الخوي، بأنّ تسابق المدن للدخول في ضل الوطن أسرع من تساقط أوراق الخريف في عز الشتاء. وخلاصة الأمر نؤكد بأن الجيش قد أقسم بتطهير البلاد من المرتزقة، وعمّا قريب سوف يبر بقسمه. لتعانق أم دافوق بورسودان. لتكسو علامات الحزن وقتها سفلة المجتمع (حمدكة ودقيركو… إلخ).
د. أحمد عيسى محمود
عيساوي
الخميس ٢٠٢٥/٥/١٥
ضبط متهمين للتحقيق معهما فى حادث انفجار خط غاز طريق الواحات