عروسان المنوفية ترند سيشن وسط البلد.. العروسة: «كنت منفصلة والعريس أعزب»

قرر العروسان مصطفى وياسمين من محافظة المنوفية، الاحتفال بزفافهما بطريقة مختلفة تمامًا في لفتة غير مألوفة ومليئة بالبهجة، بدلاً من إقامة حفل زفاف تقليدي، اكتفوا بتصوير جلسة خاصة في شوارع وميادين وسط البلد بالقاهرة، لتوثيق بداية حياتهما الزوجية بأسلوب بسيط وجميل.

العروسان مصطفى وياسمين العروسان مصطفى وياسمين 

 

وكشفت العروس ياسمين عن كواليس اختيارها لهذا الاحتفال البسيط، حيث قالت: «أنا كنت متزوجة من قبل ولدي 3 أطفال، لكن مصطفى أول مرة، فقررنا نعمل عمرة بتكاليف الفرح عشان تكون بداية حياة جديدة مليانة بالبركة»، وأكدت أن جلسة التصوير كانت فقط من أجل ذكرى جميلة، دون نية مسبقة لأن يصبحا حديث الجميع.

 

العروسان مصطفى وياسمين 

وأوضحت ياسمين يحيى، العروسة صاحبة فيديو السيشن في شوارع وسط البلد بالقاهرة، تفاصيل فكرة السيشن قائله: «عملنا عمرة بدل الفرح، وكنا زي أي عريس وعروسة عايزين نفرح بزواجنا، ويكون لينا ذكرى بالفستان والبدلة، وقبل ما نروح وسط البلد كنت بفكر نروح جزيرة المعادي، لأني كنت بشوف فيها عرسان كتير بيعملوا السيشن هناك وسط الناس وبيكون شكلهم حلو».

 

العروسان مصطفى وياسمين العروسان مصطفى وياسمين 

وأثار فيديو زفاف عروسين وسط شوارع القاهرة، تفاعلًا كبيرًا وفرحة عبر منصات التواصل الاجتماعي، حيث ظهرت العروسة ممسكة بيد عريسها وبملابس الزفاف الرسمية، وبدون معازيم في مشهد غير مألوف، ووسط احتفالات المارة بهم، ليصبحوا حديث السوشيال ميديا خلال الساعات القليلة الماضية.

 

وتابعت ياسمين يحيى: «قولت لعريسي على الفكرة واخترت الفستان وروحت للميكب أرتيست في نفس اليوم، وعملنا السيشن بعد زواجنا بشهر، وبالفعل نفذنا الفكرة وسافرنا من المنوفية لـ القاهرة عشان نتصور السيسن دا، لإن احنا اتجوزنا بدون فرح وطلعنا العمرة، ولما رجعنا قررنا نعمل السيشن دا» .

 

العروسان مصطفى وياسمين العروسان مصطفى وياسمين 

واستكملت ياسمين يحيى، العروسة صاحبة السيشن في شوارع وسط البلد: «مكنتش متوقعة رد فعل الناس بالشكل دا، وسعيدة بروح وطيبة الشعب المصري، سواء الناس اللي كانوا بيزفونا في الشارع وبيباركوا لينا، أو رجال الأمن اللي وافقوا إننا نصور السيشن في وسط البلد وعلى كوبري قصر النيل، وخاصة إن اليوم دا كان ليلة رأس السنة والشوارع زحمة وممنوع التصوير في المناطق دي».

 

وأضافت ياسمين يحيى: «أنا منفصلة وعندي 3 أولاد والعريس لم يسبق له الزواج، وكل اللي حواليا كانوا رافضين إني أعمل فرح، لكن من حقي أفرح وألبس فستان أبيض تاني، وخصوصًا إن العريس لم يسبق له الزواج من قبل وهواللي متمسك بيا بزيادة، حبيت يكون لينا ذكري بالفستان والبدلة مع بعض، وحجزنا وطلعنا عمرة 4 أيام، وبعد ما رجعنا مكنش معانا فلوس نعمل فرح، ولما ظروفنا المادية تحسنت عملنا السيشن والحمد لله فرحنا وسط الشعب المصري كله».

المصدر: بوابة الوفد