الرئيس السيسي: مش بس بنحارب إرهاب عندنا أبواق كذب وافتراء وشائعات

تحدث الرئيس عبد الفتاح السيسي، عن ازدواج قناة السويس، قائلًا: «الكلام ده كان بيتعمل وأنت مش بس بتحارب إرهاب.. أنت عندك أبواق كذب وافتراء وشائعات شغالة تقدح فى كل إجراء ومسار تعمله.. أنت كمان مش محل تقدير من ناسك اللى بتعمل لأجل خاطر ربنا وخاطرهم.. لا ده كمان بيتم الإساءة لك والإساءة إلى مسؤوليك وأسرهم».

وتابع الرئيس السيسي، خلال كملته في مؤتمر حكاية وطن: «ما فيش حاجة بتروح عند ربنا.. كل كلمة كدب وإساءة ليها أجر.. بنؤمن بالله هنقف ونتحاسب، واللي هيحاسب ربنا اللى لا بيغفل ولا بينام.. وكل تفاصيل المكر والإفك على مصر خلال الـ 10 سنوات اللى فاتت امتداد لبناء حالة من عدم الثقة للإنسان المصري تبقا جزء من الشخصية المصرية.. تبقا متشككة غير واثقة في نفسها وبلدها.. بناء فكر وجداني اتعمل خلال 40 و 50 سنة ويعتقدون انهم يقدروا يبنوا أمة ولا تبنى إلا على الصدق.. لا الخراب ولا الإساءة ولا بالتشكيك ولا الظلم.. لما أقول عمل عمله مسؤول أنه منقوص أو فاسد بظلمه وبظلم جهده وعمله وبحط على العمل بتاعه تراب».

مؤتمر حكاية وطن

وانطلق مؤتمر «حكاية وطن»، اليوم السبت حتى الاثنين المقبل، في قاعة الماسة بالعاصمة الإدارية الجديدة، بحضور الرئيس عبد الفتاح السيسي، وعدد من الوزراء، والسياسيين، والشباب والإعلامين وممثلين من جميع فئات المجتمع، وذلك لعرض إنجازات الدولة المصرية في مختلف المجالات.

المصدر: الأسبوع