فتحي عبد الوهاب: كنا بنشتغل 12 ساعة تصوير فى الحشاشين
تاريخ النشر: 17th, March 2024 GMT
كشف الفنان فتحى عبد الوهاب عن كواليس وتفاصيل مسلسل الحشاشين والذى يعرض حاليا ويشارك فى بطولته مع كريم عبد العزيز.
وقال عبد الوهاب، في تصريحات إذاعية: مسلسل الحشاشين مكنش فيه كواليس كتير، وفي كل الأعمال بناخد وقت في التجهيزات ولكن الفكرة في وقت الشغل، لأننا بنشتغل 12 ساعة متواصلة ومفيش وقت للهزار، أنا كنت بقابل كريم عبد العزيز في طرقة اللوكيشن مش الكرفان.
ونشر الفنان فتحى عبد الوهاب تعليقا عبر صفحته على موقع التواصل الاجتماعى فيسبوك يدعم فيه الفلسطينيين المتواجدين بمصر حاليا بعد الأحداث المؤسفة التى لحقت بهم على يد العدوان الإسرائيلي الغاشم.
وقال عبد الوهاب: البوست ده هيبقي لأي حد من إخواتنا أصحاب الأرض اللي موجودين هنا في مصر وبيدوروا علي شغل يبعتولي في المسدچات وهحط لينكات أكونتاتهم والوظيفة بتاعتهم وياريت اي حد قدامه وظيفة ليهم يتواصل معاهم ورمضان كريم وكل سنة وانتوا طيبين.
من ناحية أخرى أعرب الفنان فتحي عبد الوهاب عن سعادته بالمشاركة بمسلسل المداح٤ الذى يشارك فى الماراثون الرمضاني.
وقال فتحي عبد الوهاب فى تصريحات إذاعية: إنه سعيد بالتعاون مع جميع النجوم المشاركين بالعمل ، وأنه تعرف على جميع القائمين على العمل وكانت روح التعاون مسيطرة فى الكواليس.
وأضاف أنه حرص على أن يكون دوره مؤثرا وناجحا فى مسلسل المداح٤، لانه شهد نجاحا جماهيريا ضخما على مدار الـ٣ أجزاء الذى قدمه فى السنوات الماضية.
ويعرض مسلسل "المداح اسطورة العودة" الساعة 8 على قناة MBC مصر ومنصة شاهد.
وتدور أحداث المسلسل حول عالم الإنس والجن ومدى الإيذاء التي يتعرض له البشر من الجن، حيث يتابع الشيخ صابر المداح معركة الخير والشر التي يخوضها.
مسلسل "المداح أسطورة العودة"، يشارك حمادة هلال في بطولة هذا الجزء فتحي عبد الوهاب بالإضافة لنجوم المواسم السابقة هبه مجدي ودنيا عبد العزيز وخالد سرحان ومحمد عز وحنان سليمان وتامر شلتوت وصبحي خليل وظهور خاص لبعض النجوم مثل سهر الصايغ ومي سليم ودياب وحمزة العيلي ومن تأليف أمين جمال، وليد أبو المجد، شريف يسري وإخراج أحمد سمير فرج.
المصدر: صدى البلد
كلمات دلالية: المداح أسطورة العودة فتحي عبد الوهاب مسلسل الحشاشين فتحی عبد الوهاب
إقرأ أيضاً:
في عيد ميلاده.. كريم محمود عبدالعزيز يتحدث عن فترة الاكتئاب ولقاء أحمد زكي
يحتفل اليوم الفنان كريم محمود عبد العزيز بعيد ميلاده، بعدما أصبح واحدا من نجوم السينما والدراما المصرية، ويعد تميمة حظ وسر نجاح العديد من الأعمال مؤخرا.
استطاع كريم محمود عبد العزيز أن يشق طريقه فى عالم الفن فى مرحلة الطفولة وقدم عدد من الأعمال الفنية المميزة.
وبرغم ذلك كان والده رافضا لدخوله الفن وهو ما اعترف به فى أحد اللقاءات التلفزيونية قائلا : "والدى الفنان محمود عبد العزيز كان يرفض دخولى عالم الفن، وكنت أذهب مع أبي التصوير في الأعمال الفنية وفي المسرح، وكنت أشعر أن هناك شيئا بداخلي".
وأضاف كريم محمود عبد العزيز : “عرض على عمل مع الفنانة دلال عبد العزيز، وكنت في غاية التوتر والخوف، وبعد هذه التجربة شعرت أنني ممثل فاشل ورفضت الموضوع".
طفولة كريم محمود عبد العزيزكما كشف كريم محمود عبد العزيز، تفاصيل جديدة عن حياته الشخصية في الصغر، مؤكدا أنه كان طالبا مجتهدا في التعليم في الصغر.
وأوضح كريم محمود عبد العزيز: "كنت طالبا مجتهدا حتى الصف الخامس الابتدائي، بعد كده باظت مني، بس أنا كويس".
وما لا يعلمه الكثيرون أن الفنان كريم محمود عبد العزيز دخل مجال الفن مبكرا، وشارك في عدد من الأعمال وهو طفل صغير، بدأت بنسخة الدوبلاج للفيلم الأجنبي الشهير Toy Story، ثم البحر بيضحك ليه، النمس، الناظر.
انطلق كريم محمود عبد العزيز في مرحله شبابه للمشاركة في أعمال درامية تلفزيونية، منها رجل في زمن العولمة، محمود المصري، أحزان مريم، الجماعة، وغيرها من العلامات المهمة.
تحدث الفنان كريم محمود عبدالعزيز عن تفاصيل إصابته بالاكتئاب، وذكريات عمله مع والده الراحل محمود عبدالعزيز والراحل أحمد زكي يكشفها لأول مرة.
قال كريم محمود عبدالعزيز عبر تصريحات إعلامية: «وقت عرض مسلسل هوجان نجح جدًا، بس أنا دخلت في حالة محستش بنجاحه وداخل في ضلمة، صحيت لقيت رقم غريب مكلمني وعرفت إنه وحيد حامد، قلت أكيد وحيد حامد متلخبط ويقصد يكلّم كريم عبدالعزيز».
وتابع: «وقاللي عايز أعملّك فيلم، بعدها فوقت وحسّيت بنجاح المسلسل وهو لحّقني من الاكتئاب، بس للأسف ملحقناش ننفذ الفيلم اللي كلمني عليه عشان كان بدأ يتعب».
وقال كريم محمود عبدالعزيز عن المرة الوحيدة التي جلس فيها مع النجوم الكبار: «كان يوم محفور بالنسبة لي لما قعدت مع محمود عبدالعزيز وأحمد زكي، وكنت أعرف شخصية والدي الطفولية، ولكني اندهشت من شخصية أحمد زكي البعيدة كل البعد عن كل أدواره التمثيلية.. قضيت يوم مع محمود عبدالعزيز وأحمد زكي، ورأيت كم المزاح والتهريج غير العادي والطبيعي منهما، أبي فعلاً كان طفل في حياته باستثناء بعض لحظات العصبية أو الانفعال، أما أحمد زكي فلقيته شخص طيب، وإحنا قاعدين قال لي الإمبراطور والنبي يا كريم خد مفتاح العربية وعايزك تجيب لي حاجة منها فبقيت مصدوم وفرحان جدًا وقلت في نفسي للدرجة دي إحنا بقينا أصحاب».
ذكريات كريم محمود عبدالعزيز مع والده وأحمد زكيواستكمل: «اليوم ده سألت أحمد زكي عايز أعرف أنت بتمثل إزاي؟ واليوم ده نمت وحلمت إني بصوّر معاه في لوكيشن، وللأسف مقعدتش تاني معاه بس كنت فرحان بشخصيته اللي تتسم بالطيبة وروح الفكاهة والبساطة، وأول مرة مثلت مع أبويا محمود عبدالعزيز كان في فيلم البحر بيضحك ليه؟، وكان عمري وقتها 7 سنين، وكانوا بيعملوا بروفات في البيت، وكل شوية كان حد يطلّع شاي فأنا كنت عايز أطلّع الشاي علشان أقعد أسمع بيقولوا إيه».
وأضاف كريم محمود عبدالعزيز: «كنت بطلّع الشاي وأعطي لكل واحد كوبايته، فسمعت إن فيه طفل في الفيلم فقالولي أنت اللي هتعمله بس لو معرفتش تعمله هيبقى فيه ولد تاني برة، أي حاجة هتلخبط فيها هندخّله، فوافقت وروحت معاهم الإسكندرية، وكان المشهد الختامي في آخر الفيلم قاعدين على البحر وبييجي ولد اللي هو أنا وبينده على الفنان نجاح الموجي، وأنا كنت مبسوط جدًا وداخل أمثّل ومتزن وفجأة لقيت أبويا بيعدّي ورايح يقعد في حتة بعيدة فأنا اختلّيت واتوترت وقلت في سرّي أنت بعتني وتركتني ولقيت ركبي بترتعش وكإني فقدت الأمان، بس في النهاية عملت المشهد، ولما مثّلت مع والدي محمود عبدالعزيز مسلسل محمود المصري».
واختتم: «كنت بحفظ المشهد من وأنا في البيت، علشان محدّش يقول أنا متجامل وبتدلّع علشان أبويا، وجاء مشهد إن محمود المصري خسر فلوسه كلها فبيودع ابنه وأنا المفروض بدخل وأعطيه الفلوس اللي هو كان بيديهالي كمرتب كحتة جدعنة، ودخلت وبقوله الفلوس دي كنت بتديهالي وأنا دلوقتي مش محتاجها. المهم دخلت وحصل غلط من الكاميرا وهنعيد تاني فتكرر الغلط، وهما بيعيدوا قلت لنفسي الولد ده يتيم وحسّه مرهف ومحمود المصري وقف جنبه ليه متخشّش وعينك لامعة؟ وفعلاً عملت كده، بعدها لقيت بابا بيقوللي بتمثّل بقى إنت؟ فأنا مردّتش، وكررها، وداخل مرغرغ وبتاع وكلت محمود عبدالعزيز بقى، فقلت له لأ بحاول أعمل مشهد حلو معاك مش أكتر».
الدوري العراقي.. الموصل يتراجع والغراف يستعيد الصدارة بعد الفوز على عفك