يسرا: اتحاربت كتير.. وأول مرة اشوف أبويا كان عندي 5 سنين
تاريخ النشر: 25th, July 2024 GMT
نجحت النجمة يسرا في خطف قلوب الجماهير بأحدث ظهور لها ببرنامج بيت السعد، والذي يقدمه الشقيقان عمرو سعد وأحمد سعد من خلال قناة ام بي سي.
وكشفت يسرا عن اسمها الحقيقي وبدايتها الفنية وعلاقتها بوالدها، وغيرها من الأمور.
تصريحات يسرا عن زيجاتها
وقالت:" قسوة أبويا عليا مأثرتش على نظرتي للراجل، وعمري ما تصورت أن كل الرجالة زي أبويا، أنا اتجوزت مرتين، المرة الأولى متوفقتش لأن مكناش نعرف بعض كفاية ومكنش جواز ناجح بصراحة، والجوازة التانية خالد جوزي ربنا يديمه يارب وبحبه جدا، واحنا نعرف بعض وعمرنا 7 سنين".
وأضافت:" علاقتي بيه علاقة صحاب مش زوج وزوجة، وفي الأول مأعلناش جوازنا لأن صالح سليم كان عيان، ومش صحيح أنه مكانش موافق على جوازنا، دا هو اللي مربيني وكان صاحب خالي وأمي، والكلمة الوحيدة اللي قالها صالح سليم لابنه الست دي نجمة هتستحمل نجوميتها ومتقرفهاش خدها، مش هتستحمل سيبها في حالها".
وتابعت:" اسمي الحقيقي اللي في شهادة الميلاد يسرا واسم الدلع اللي في البيت كان سيفين وأنا عمري ما عرفت أن دا اسمي إلا وأنا عندي 19 سنة لدرجة أن أنا شهاداتي كلها سيفين، ودا اسم تركي ومعناه الوردة اللي مش بتموت".
وأشارت:" لما يوسف شاهين في يوم نقاني في حدوتة مصرية، وأنا كنت بموت فيه، وأول لما شوفته قولتله أنا بحبك أوي قالي عندك ذوق ومكنتش متصورة أن ممكن تجيلي فرصة معاه، وكان دايما يقول عني، أنا أخدتها نجمة معملتهاش نجمة".
والجدير بالذكر آخر أعمال يسرا،فيلم شقو والذي شاركت خلاله بظهور خاص مع عمرو يوسف، وحقق الفيلم نجاحًا كبيرًا في السينمات وقت عرضه ضمن موسم أفلام عيد الفطر الماضي.
شقو شارك في بطولته بجانب عمرو يوسف، محمد ممدوح، دينا الشربيني، أمينة خليل، وليد فواز، محمد جمعة، وعباس أبو الحسن، فيما ظهر أحمد فهمي ضيف شرف بالعمل، والفيلم من تأليف وسام صبري وإخراج كريم السبكي وإنتاج أحمد السبكي.
المصدر: بوابة الفجر
كلمات دلالية: آخر أعمال يسرا الفجر الفني يسرا يسرا تريند جوجل برنامج بيت السعد
إقرأ أيضاً:
أبويا عنده 65 سنة.. نجل سائق محمد صبحي يفجر مفاجأة غير متوقعة عن واقعة الانفعال
تصدر الفنان محمد صبحي محركات البحث خلال الساعات الماضية بعد انتشار فيديو يظهر فيه وهو ينفعل على سائقه عقب انتهاء تكريمه بمهرجان "آفاق" بمسرح الهناجر في دار الأوبرا، وهو ما أحدث موجة واسعة من الجدل على مواقع التواصل الاجتماعي.
وعلق نجل سائق الفنان محمد صبحي على الفيديو المتداول الذي أثار جدلًا على مواقع التواصل الاجتماعي، والذي انفعل فيه صبحي على والده بعد تكريمه على مسرح الهناجر بدار الأوبرا المصرية، فبعد مغادرة الفنان للمسرح التف الجمهور والمصورون حوله فانزعج لتأخر السائق عليه.
قال نجل السائق: "الراجل اللي بيجري وراه ده هو أبويا، واللي حصل أن أبويا راح الحمام، وللعلم هو عنده 65 سنة يعني مش صغير لما طلع هو مكلموش لأنه مش بيطلع معاه كثير أصلاً، هو سواق أخته مدام سلوى عشان كده هو كان بيكلمها لما خرج، وأبويا غلط آه معترضتش".
وأوضح أيضًا:"بس اللي حصل ده عيب جداً ولاقيت ناس عمالة تقول السواق مهمل والسواق مش عارف إيه ولازم يقف جنب العربية موقف طبيعي جداً، ووالدي طول عمره سواق وبيحصل مع كل الناس نفس الموقف ده وعادي بيعدي هو ما أجرمش".
واختتم حديثه:"أنا طالب لو هتنزلي توضيح عشان الراجل ميبقاش متهان قدام العالم كله وكمان ألاقي كلام وحش من ناس لا عارفة ولا فاهمة اللي حصل، على فكرة أنا أبويا كان شغال مع واحد ومشي بسبب إنه قاله اغسل العربيات وده مش شغله، يعني أبويا مش بيذل نفسه ولا هو اللي عمل كده في نفسه زي ما الناس بتقول".
أما بشأن أول تعليق من محمد صبحي بعد الواقعة، فقد كتب عبر صفحته على فيسبوك: "رغم كل الماء العذب الذي تصبه السماء في البحر إلا أنه يبقى مالحاً، فلا ترهق نفسك، البعض لا يتغيرون مهما حاولت!".
من عالم العقارات إلى الدبلوماسية الفظة.. كيف انعكست النزعة الفوقية في هفوات خطاب توم براك؟