الدردير: الأهلي خلص في زيزو والدور على مصطفى محمد وإحنا واقفين نتفرج
تاريخ النشر: 8th, April 2025 GMT
علق الإعلامي عمرو الدردير على أنباء انتقال زيزو للأهلي ورفضه لأي جلسات مع مسؤلي الزمالك بعد مغادرة الاعب لمقر نادي الزمالك .
وكتب الدردير: بعد ما الأهلي خلص في زيزو حاليا الدور على مصطفى محمد!!، وإحنا واقفين نتفرج !!!!.
أكد أحمد مصطفى "زيزو" نجم الزمالك إنه لم يوقع لأى نادى مؤكداً أنه يحترم القلعة البيضاء .
وكتب زيزو عبر "أستورى إنستجرام" عبر حسابه الرسمى :"الحمد لله أنا راجل بحترم كل الناس لكن للأسف عدم ردي علي المعلومات المغلوطة والتزامي الصمت زاد عن حده وكل ساعة خبر عن توقيع أو تجديد عقد زيزو وكل واحد بيغازل الشريحة اللي عايزها من الجمهور".
وتابع: "بكل وضوح أنا لم أوقع لأي نادي سواء داخل أو خارج مصر اللي حصل على توقيعي يتفضل يعلن إذا كان كلامه صحيح ، كمان اللي عنده دليل على توقيعي لأي نادي برضو يتفضل يطلعه على الملأ الناس لازم تعرف كويس".
وواصل: " أنا بقدر جدا الكيان الكبير اللي بلعب فيه ولا يمكن أنكر فضله عليا لكن فيه حاجة أنا مكنتش حابب أتكلم فيها خالص لأنه للأسف الأمور في الإعلام كلها في إتجاه واحد ليه محدش اتكلم عن حقوقي المشروعة زي أي لاعب في الدنيا ".
واكمل:"ليه محدش اتكلم إن الناس سابتني بقالها شهور طويلة ومش عايزين يجددوا عقدي ليه محدش اتكلم عن المستحقات المتأخرة اللي ليا بقالها كثير ومش لاقي حد".
واختتم:"محدش كمان اتكلم إن ربنا سبحانه وتعالى أنعم عليا بعروض مقابلها المالي 10 أضعاف العرض اللي موجود ورغم كل ده قلت وهفضل أقول أنا منتظر كلمة النادي. ورد لإعتبارات كتير مش لتجميل الصورة.
المصدر: صدى البلد
كلمات دلالية: مصطفي محمد زيزو انتقال زيزو للاهلي الدردير المزيد
إقرأ أيضاً:
ده طبيعي.. الغندور يرد على سخرية الجماهير من حذف صورة زيزو من صفحة الزمالك
علق الإعلامي خالد الغندور على تعليقات الناس الساخرة على قيام الصفحة الرسمية لنادي الزمالك بحذف صورة زيزو منها.
وكتب الغندور عبر حسابه الشخصي بموقع فيسبوك: "فيه ناس بتتريق عشان الصفحة الرسمية شالت زيزو من الصورة و شايفين ده شئ غريب لاعب راح النادي المنافس والأغرب ان رمضان لما راح بيراميدز كل صوره اتشالت من علي استاد السلام وكان عامل اعلان اتلغي و رجع فلوسه وطبعا ده الطبيعي".
ووجه والد أحمد مصطفى زيزو، جناح الفريق الأول لكرة القدم بالنادي الأهلي، رسائل نارية لمسؤولي نادي الزمالك.
وقال والد زيزو، في تصريحات لبرنامج “رقم 10” المذاع عبر القناة الأولى: "ابني له 82 مليون جنيه عند نادي الزمالك مستحقات متأخرة ومش هنفرط فيهم مهما كلفنا الأمر وسنتخذ كافة الاجراءات القضائية".
وأضاف: “زيزو، مبخلش بأي جهد لحد آخر يوم ليه داخل نادي الزمالك والفلوس دي من حقه، ولن نتنازل عن حقوقنا”.
وأوضح: “هذه المستحقات عن المواسم السابقة وليس عن الموسم الأخير، وفيما يخص التغيب عن المران عندنا دفوعنا وأسانيدنا نقول فيها ليه مكنش زيزو بيروح المران، خاصة أنه كان يتعرض لتهديدات”.