«مش هطبل لبلدي».. بدرية طلبة ترد على منتقديها بعد رفضها حفل تل أبيب | فيديو
تاريخ النشر: 24th, October 2023 GMT
تصدرت الفنانة بدرية طلبة المشهد عبر منصات التواصل الاجتماعي بعد إعلانها عن استلامها رسالة من إحدى المنظمات الإسرائيلية تطلب منها حضور حفل في تل أبيب خلال الساعات القليلة الماضية، الأمر الذي تفاعل معه عدد كبير من المستخدمين.
وردت بدرية طلبة على الانتقادات التي تعرضت لها عبر حسابها الرسمي بموقع تداول الصور والفيديوهات «إنستجرام»، قائلة: «السلام عليكم أزيكم أنا بس عايزة أقول كلمتين عشان لا هطلع في مداخلة مع حد ولا هجاوب على أسئلة حد، ده بالنسبة للسادة اللي بيتصلوا بيا عشان الاستفسار، بالنسبة للمشككين أنا قاعدة في أمان الله لاقيت على الواتساب الرقم أنا مش واخدة بالي مين اللي بيكلمني».
A post shared by Badria Tolba بدرية طلبة (@badriatolbaofficial)
وأضافت: ولا في إيه، ومعرفتش الرقم ده منين إلا بعدها بيوم أو يومين، لاقيت واحدة زي ما أنتوا شايفين في الشات بتقولي أنهم عايزيني في حفلة رديت وقولت أشوف للآخر يمكن حد عامل مقلب زي ما بيقولوا.
وواصلت: بس أيًا كان أنا رديت باللي يمليه علي ضميري من ناحية الناس دول ومن ناحية بلدي، يعني أنا ست وطنية ومحدش يشكك في ده نهائي يعني الحمد لله مش محتاجة أني أطبل لبلدي لأن دي بلدي اللي عايشه فيها واللي محمية فيها وبمثل اسمها في أي دولة بروح فيها برا.
وأردفت: «على فكرة اللي أنا عملته ده غلط عليا أني أنزل شات لأن أنا بسافر دول ببقى ماشية ممكن جنبي حد إسرائيلي، بس أنا محتفظة به من شهر 3، وكاتبة لي الحفلة 25 إبريل 2023، أنا منزلة الشات لسبب بعد 7 شهور لما لاقيتهم».
وواصلت: «بيتطاولوا على الأستاذة الفنانة الميجا ستار صوت مصر أنغام، وأنتوا بتتطاولوا عليها وبتهددوها وبتقولوا إحنا هنبيدكم زي ما أبادنا الفلسطينيين، ده أنتوا أهو جيتوا لي عايزني أروح حفلة وأنا ظبطتكم وده الهدف من أني أحط الشات اللي عندي موجود عندي من 7 شهور».
وتابعت: «واللي بيشكك عشان مكتوب اليوم لأن أنا عملت أسكرين في نفس اليوم اللي رديت فيه يا أبو المفهومية يا أبو العُريف فكر وبعدين أتكلم، والرقم عند حضراتكم موجود، لكن أنا اكتشفت أن فعلًا من نفس المكان طيب أنتوا بتشتغلوني ليه وكمان برقمكم».
وأضافت: «أنتوا عيب عليكم أنكم تدخلوا برقمكم تكلموا فنانة مصرية وتديكم على دماغكم وهو ده المقصود، وأنتوا عارفيني ماشية بمبدأ أنا وأخويا على ابن عمي وأنا وابن عمي إلى الغريب لكن واضح أن اللي مش عاجبك الموضوع وواخده على صدره أوي أنت واطي دي بتاعتك أنت مش حابب أن يكون المصرية زيها زيك دمها دمك وتكون جدع فـ دي بتاعتك، أنا معروف عني».
اقرأ أيضاًطموحى إظهار موهبتى فى الغناء.. أحمد سعداوى الشهير بـ «مفتش كرومبوو» يعيد اكتشاف نفسه فى التمثيل وتأليف الأغاني
بـإطلالة جريئة.. نادية الجندي تحتفل بالكريسماس والجمهور: «ربنا يديكي الصحة يا حاجة»
3 نوفمبر.. تامر عاشور في حفل غنائي جديد بالإمارات
المصدر: الأسبوع
كلمات دلالية: الفنانة بدرية طلبة بدرية بدرية طلبة بدرية طلبة نفسنة بدرية طلبة وانتصار نفسنة بدرية بدریة طلبة
إقرأ أيضاً:
مش دي اللي كنت أعرفها.. أحمد السقا: عمري ما مديت إيدي على مها الصغير
قالت الإعلامية بسمة وهبة، إنّها تشعر بالحزن من الحملة التي وُجهت ضد الفنان أحمد السقا على مواقع التواصل الاجتماعي، عقب أنباء انفصاله عن زوجته مها الصغير.
وأضافت "وهبة" مقدمة برنامج "90 دقيقة"، عبر قناة "المحور"، أنها ليست طرفًا منحازًا، لكنها قررت الدفاع عن السقا بعد أن سمعت منه بشكل مباشر، مؤكدة: "أنا بقول لمها الصغير، إنتِ مش عدوة ليا، إنتِ بنت الغالي محمد الصغير، لكن كمان ماينفعش الناس تصدّق إن أحمد بيضربك أو مش بيصرف على أولاده وبيته".
وكشفت وهبة أن السقا تحدث معها بصراحة، وأقسم لها بالله أنه لم يمد يده على مها يومًا، ولا أهانها بكلمة جارحة، بل على العكس، أكد أن مها قد تغيّرت تمامًا في الفترة الأخيرة وتحولت لشخص مختلف تمامًا عن المرأة التي تزوجها وعرفها: "قالي مها مبقتش مها.. مش دي اللي كنت أعرفها"، في إشارة إلى التغيّرات التي طرأت على العلاقة.
اللواء شقير: ستعود المناطق المحتلة في الجنوب الى الدولة وأهلها