هخلص سهرتي وراجع.. ميدو يكشف كواليس مغادرة ثلاثي الزمالك معسكر مباراة زد
تاريخ النشر: 6th, November 2023 GMT
وصف أحمد حسام ميدو، ما فعله ثلاثي الفريق الأول لكرة القدم بنادي الزمالك أحمد فتوح ومحمد صبحي ومصطفى الزناري، بمغادرة معسكر الفريق قبل مباراة زد بـ الجريمة الكروية.
وقال ميدو في تصريحاته عبر برنامج الريمونتادا على قناة المحور: "عمر جابر ودونجا كانا في عيادة معسكر مباراة الزمالك وزد، شاف الثلاثي لابسين لبس خروج وماشيين، عمر نادى شيكابالا، شيكا قالهم إنتوا رايحين فين، التلاتة قالوا هنجيب حاجة وراجعين، شيكابالا كقائد مكانش عايز الموضوع يكبر لكن كان هيتجنن".
وأضاف: "فات نص ساعة، شيكابالا كلم صبحي والزناري قالهم ارجعوا الكلام ده ميصحش، شيكا كان بيلم الدنيا وده دور القائد قبل ما الموضوع يكبر، وبعد شوية صبحي والزناري رجعوا، وشيكابالا كان بلغ أعضاء الجهاز الفني".
واختتم: "تخيل الزمالك عنده ماتش تاني يوم واللاعيبة كلها صاحية الساعة 4 الفجر، وفي أزمة في المعسكر بسبب خروج الثلاثي، شيكابالا قال فتوح ارجع عندنا ماتش بكرة، فتوح قاله انتوا عايزين مني ايه، قاله انا بقولك انا مش هرجع غير لما اخلص سهرتي، وهرجع الفجر، هنا عبد الواحد السيد بلغ شيكابالا قاله قول فتوح ميرجعش".
المصدر: صدى البلد
كلمات دلالية: احمد حسام ميدو أحمد فتوح الفريق الأول لكرة القدم بنادي الزمالك الزمالك الزناري برنامج الريمونتادا محمد صبحي مباراة الزمالك ومصطفى الزناري نادي الزمالك
إقرأ أيضاً:
شوبير يهاجم أحمد فتوح: الزمالك عملك نجم.. ماذا تريد أكثر؟
شنّ الإعلامي أحمد شوبير، حارس مرمى الأهلي ومنتخب مصر السابق، هجومًا لاذعًا على أحمد فتوح، لاعب نادي الزمالك، في ظل الجدل المتواصل حوله بعد تداول صورة جديدة له من العين السخنة، وذلك بعد أزمة ظهوره في حفل المطرب راغب علامة بالساحل الشمالي، التي أعقبها قرار من إدارة الزمالك بإيقافه وتحويله للتحقيق.
وقال شوبير، خلال برنامجه الإذاعي، إن موقف اللاعب لا يزال غامضًا، موضحًا:«فتوح لحد دلوقتي مش معروف هيرجع يتمرن مع الزمالك ولا لأ. هو عنده تحقيق مفتوح من وقت ما قال إنه رايح يزور عمه المريض، وطلع بعدها في حفلة راغب علامة، دلوقتي هيتم إخطاره بموعد التحقيق خلال ساعات، وبعد كده الشؤون القانونية هتحقق معاه، وإدارة الكرة هتقرر إذا كان هيرجع أو يتعاقب تاني».
وتابع شوبير: «دلوقتي فيه صورة جديدة لفتوح في العين السخنة والجمهور غضبان، والزمالك قال إنه متعاقب وخارج المعسكر، وبعدين قالوا الصورة دي قديمة ومن مناسبة خاصة لجواز أخته».
ووجّه شوبير رسالة مباشرة للاعب قائلاً:«يا أحمد، الزمالك عملك نجم، رجعك للملاعب بعد أزمة الحادث، ووقف جنبك جماهيريًا وإداريًا، شهرك ووصلك لمنتخب مصر. مش دوره يتحمل غراماتك، لكن دوره إنه وقف جنبك لما الناس كلها هجمت عليك».
وأضاف شوبير برسالة تحذيرية:«العمر في الملاعب قصير، ومفيش لاعب بيُفتكر بعد الاعتزال غير بأخلاقه وسيرته. عمرك ما وصلت لمستوى إبراهيم سعيد أو عمرو زكي، ومع ذلك هما نفسهم بيقولوا "ياريتنا سمعنا النصيحة"».
واختتم قائلاً:«لو كنت قعدت في البيت وسمعت راغب علامة في التليفزيون كانت هتفرق إيه؟ خليك قدوة وخلي الناس هي اللي تروح تتفرج عليك وتصفق لك في المدرجات، مش تهاجمك».
تعزيز الشفافية والمشاركة.. مذكرة تفاهم جديدة بين مفوضية الانتخابات ومؤسسة بحثية وطنية