تامر حسني يطرح «معلش» مع زاب ثروت.. ويدخل ترند «يوتيوب»
تاريخ النشر: 24th, January 2024 GMT
طرح تامر حسني أغنيته الجديدة التي تحمل اسم «معلش»، والتي شاركه فيها الغناء مُطرب الراب زاب ثروت، وفور طرح الأغنية على طريقة الفيديو كليب، بعد 4 ساعات فقط، دخلت الأغنية ضمن الأكثر بحثًا على موقع يوتيوب، وتحديدًا حجزت لنفسها مقعد في المركز التاسع.
وكتب تامر حسني عبر يوتيوب مع الأغنية رسالة لجمهوره قال فيها: «ناس كتير مننا من كتر اللي جواها مبتعرفش تتكلم مع حد، ويمكن لو اتكلمت وفتحت قلبها للي بتثق فيه دلوقتي، ممكن يذلك أو يعايرك بكل الوجع اللي حكيتهوله، أو يجاملك عشان ما يجرحكش، لأنه بيحبك بجد بس أحيانا هتبقى عايز تعرف الحقيقه من غير مجاملة، ولا عواقب سلبية، بعد كده من حد يسمعك ميقاطعكش مهما اتكلمت سنين هيسمعك مش هيجاملك مش هيقلب عليك.
وتقول كلمات أغنية معلش:
معلش.. استحمليني
انتي بس اللي بتديني فرصه احكي وتسمعيني
معلش.. استحمليني
عارفك لما تواجهيني مش بتضعفي وتجامليني
لا بتزهقي ولا بتملي
سمعاني وكتمالي سري
صدقك بس هو فعلاً
حقيقي اللي فاضلي
قالوا الصديق وقت الضيق
دلوقتي بقى سببه
متسألش الحبيب ليه مشيت
عشان حضر خلاص عذره
هتموت مرتين لو قلبك
رجع للي خذلوه.. آه
ميت شكراً للي وجعنا
وخان فجأه الامانه
كده كنا هنتعب اكتر
لو كان طول معانا
شكراً للي علمنا
نهاية التقدير اهانه
الغدر مجاش غير من اللي
بحكيلهم اوجاعي
فكروني بالغنم
اكمل ولا مفيش داعي
يعيش عمره خايف من الديابه
وفي النهايه ياكله الراعي
معلش.. استحمليني
ويا جمالك وانتي في حالك
ساكته بتسمعي
ولا عمرك اشتكيتي رغيي
ولا مني بتصدعي 2x
شكراً تعبتك معايا
تصبحي على خير يا مرايا
معلش.. محدش فينا بيتعلم ببلاش
اتجرح واتعلم ولا ابقى ساذج وسط الناس
ما بلاش تستنى اي حاجه من اي حد
صاحبك بجد ميسيبكش لو الوقت شد
ولا اقولك كويس انه سابك اعرف قيمة غيابك
العيار اللي ميقتلش يقويك ده احنا في وسط غابه
يمكن عشان غلابه ( آه )
معلش.. طولت عليكي في الكلام شويه
تقلت عليكي عشان عارف انتي اللي باقيه ليا
دنيا وضاقت عليا مفضلش ليا غير الاغاني والمرايه ديا (والمرايه ديا)
افضفض ليها وتسمعني (تسمعني)
مفيش مكان في الكون يساعني (يساعني)
كان نفسي أقول اللي جوايا واقول لمين ده كله باعني (كله باعني)
المصدر: الوطن
كلمات دلالية: تامر حسني أغنية معلش زاب ثروت أغاني تامر حسني
إقرأ أيضاً:
الأول يوتيوب | عمرو مصطفى تريند منصات الاستماع في الوطن العربي
استطاع الفنان عمرو مصطفى تحقيق نجاح مبهر على مدار 2025، يحصده خلال الفترة الحالية ويتربع على عرش تريند كل منصات الاستماع في الوطن العربي، بأكثر من أغنية.
ويحتل عمرو مصطفى المرتبة الأولى على يوتيوب و منصات الاغاني بأغنية "بعتيني ليه" التي تعاون خلالها مع مطرب الراب زياد ظاظا، وكانت بمثابة تحدٍ كبير حيث تم صناعتها في ٦ ساعات فقط لا غير، وتربعت الأغنية على عرش التريند منذ طرحها حتى الآن.
وتتوالى نجاحات عمرو باحتلاله أيضًا المرتبة الأولى بأغنية "خطفوني" على منصة أنغامي في قائمة أعلى 50 أغنية استماعًا على مدار 2025، وهي الأغنية التي شهدت عودة تعاونه مع صديق عمره الهضبة عمرو دياب في ألبوم "ابتدينا" وأيضًا الأغنية الرئيسية للألبومات شهدت لمسات عمرو مصطفى في الألحان.
ولم يقتصر نجاح عمرو على الوطن العربي فقط، بل حقق نجاحًا كبيرًا في إسبانيا من خلال أغنية "Nĩna caprichosa" التي جمعت كل من las rodes وoriginal elias وjavi medina، والتي تخطت مشاهداتها حاجز أربعة ملايين ونصف، وأشعلت مواقع التواصل في إسبانيا فور طرحها في شهر مايو الماضي.
من عالم العقارات إلى الدبلوماسية الفظة.. كيف انعكست النزعة الفوقية في هفوات خطاب توم براك؟