حاجبي طالع زي الشيطان.. ريهام سعيد تنشر صورا مرعبة لـ«عملية التجميل الفاشلة»

انتشرت حالة من الجدل على مواقع السوشيال ميديا، بعد أن نشرت الإعلامية ريهام سعيد مجموعة من الصور تظهر فيها وهي وجهها مشوه، بسبب إجراءها لعملية تجميل فاشلة على يد أحد الأطباء المشهورين في لبنان.

تشوه الأعلامية ريهام سعيد

وظهرت الإعلامية ريهام سعيد في مقطع فيديو شاركته عبر حسابها الرسمي بموقع «فيسبوك»، قائلة: «حقيقي أنا مستفزة جدا من الناس اللي بتكلمني بتقولي علقي.

. أعلق على إيه ولا إيه، على اللي حصل في وشي، العيب اللي عملت عشانه العملية لسه موجود بس زيادة عن ده طلع كرمشة على وشي وخطوط غريبة جنب عيني».

ريهام سعيد تكشف تفاصيل عملية التجميل

وخرجت ريهام سعيد في لايف لها لأول مرة عبر «إنستجرام» دون فلتر أو ميكاج، لتخبر خلاله الجمهور بما حدث لها في عملية التجميل الفاشلة، مشيرة إلى أنها تعالج نتيجة هذه العملية منذ 3 أشهر.

واستكملت: «هل هذا شكلي؟ هل هذا شكل ريهام سعيد؟ الدكتور بعد ما العملية باظت عمل فيلر في وشي على الحفر التي ظهرت بعد العملية الفاشلة في وشي بعد ما بوظلي شكلي، وعملي خطوط زي الشيطان».

وتابعت «سعيد»: «أجرى لي خياطة تحت العين وهذه جريمة، وحاجبي زي الشيطان عشان كده عملت تاتوه ومسحت الحاجب وعدلته».

View this post on Instagram

A post shared by Reham Said (@rehamsaidofficial)

ريهام سعيد تتهم الطبيبي اللبناني نادر صعب بتشويه وجهها

واستطردت «أنا عايزة بس أقول حاجة بسيطة جدا للناس، أنا حقي هاخده بالقانون من الدكتور.. أنا عيني باظت.. وعيني اللي بتلف لوحدها دي عندي بيها مستندات، شوفتوا وشي بقى عامل إزاي.. شوفتوا عمليات التجميل حلوة إزاي.. ضحكتي بقت من هنا لهنا، أنا مش عارفة إزاي أنت (الطبيب) بتتكلم ولا بترد إزاي».

وكانت الإعلامية ريهام سعيد، قد اتهمت الطبيب اللبناني المشهور، نادر صعب، بتشويه وجهها، حيث كتبت منشورا على موقع الصور والفيديوهات «إنستجرام»، قائلة: «يعني وصل بيك الإجرام أنك تشوهني وتموت 2 ستات قبلي وتحط صورة لواحدة مختلفة وتقول أنها انا؟ ده أنا كنت زي القمر قبل ما أجيبلك مين الست إلى انت حاطتها دي؟ والدتك؟».

وتابعت: «عارف؟ أنا هارفع عليك قضية وهابطللك طب عشان أنت بتاذي ناس كتير أوي أنت أبعد حاجة عن أنك تكون دكتور، أنت وقعت غلط خالص».

اقرأ أيضاًبعد أزمة ريهام سعيد مع طبيب لبناني.. 10 نجمات تعرضن للتشويه بسبب عمليات التجميل

إحالة أوراق طبيب تجميل للمفتي بتهمة اغتصاب شقيقة زوجته في أكتوبر

اليوم.. أولى جلسات محاكمة دكتور تجميل لاتهامه بالتعدي على شقيقة زوجته بأكتوبر

المصدر: الأسبوع