فيفي عبده بتصريحات مثيرة للجدل عن الرقص والحجاب والزواج
تاريخ النشر: 18th, February 2024 GMT
متابعة بتجــرد: عبرت النجمة فيفي عبده عن امتعاضها ممن يحرم الرقص، مؤكدة أنه من وجهة نظرها ان الرقص ليس حراماً.
وردّت النجمة المصرية على الاتهامات التي تياق للرقص خلال لقائها في برنامج “عندي سؤال” وقالت بأسلوبها العفوي: “الرقص حرام ليه؟ هو مش شغل زي أي حاجة الباليه حرام؟ في حاجات كتير حرام، الرقص دا شغل زي أي شغل ليه احترامه وليه ناسه اللي بيتفرجوا عليه وليه اللي بيقدروه ويحترموه”.
وتحدثت فيفي خلال اللقاء أيضاً عن الزواج وتمنت لو أنها تزوجت برجل يشبه والدها بطيبته وحنيته، وكذلك أبدت موقفها من الحجاب وقالت: “أنا متحجبة طول الوقت، الكلام دا يتقال للناس الفالته أنا بعتبر إني محجبة لأني مش بعمل حاجة غلط ومش بجيب في سيرة الناس محجبة في لساني وفي كل تصرفاتي، مطلوب مني إيه أكتر من كده وإذا كان على الشغل لو ربنا قالي في أي وقت إلبسي الحجاب هلبسه”.
ولفتت إلى أنها: “أنا عاملة 37 عمرة وحجيت 5 مرات، وبقول للناس متشوفوش الظاهر بس اعرفوا أن الفنانين عندهم حاجات كتير حلوة إنتم مش بتقدروها لكن ربنا بيقدرها، أنا لما كنت بروح مكنتش أتكلم مع مخلوق أحط حجابي أروح أصلي صلاتي وأرجع وأخد أهلي كلهم معايا، هيقولوا عاملة دا ورقاصة، طبعاً كل حاجة لها حساباتها، عملت اللي يرضيني في الحياة ومطمنة جدا حاسة إني هقابل ربنا وأنا مستريحة في أي وقت”.
main 2024-02-18 Bitajarodالمصدر: بتجرد
إقرأ أيضاً:
"أنا مبتكسرش".. ياسمين عبدالعزيز ترد على حقيقة ارتباطها
نفت الفنانة ياسمين عبدالعزيز ما يُتداول حول ارتباطها مؤخرًا، مؤكدة أنها سعيدة جدًا بوضعها الحالي كامرأة غير مرتبطة.
وخلال استضافتها في برنامج "معكم منى الشاذلي" عبر شاشة ON، أوضحت ياسمين أن الشائعات تطاردها باستمرار، قائلة: "أكتر حاجة مركزة فيها دلوقتي ولادي والشغل.. كل شوية بيطلعوا حاجة، لو اتصورت مع الدكتور بتاعي يقولوا بيني وبينه حاجة".
وأضافت أنها تتعامل مع هذه الأقاويل بهدوء قائلة: "هما عايزين يشوفوا لي حد وخلاص، بس أنا في 2025 مبسوطة كده والله".
وتطرقت ياسمين عبد العزيز إلى مرحلة المراجعة الذاتية التي خاضتها مؤخرًا، مشيرة إلى أنها ندمت على كثير من المواقف، مؤكدة أن الاعتراف بالندم قوة وليس ضعفًا، وأضافت: "ندمت إني مكنتش بقول لأ، وإني كنت جدعة زيادة.. مش أي حد تستاهل تكوني جدعة معاه، اتعلمت وخدت دروس كتير".
وأكدت أنها كانت تتعامل دائمًا بقلبها، لكنها قررت في 2025 أن توازن بين القلب والعقل حتى تتجنب الصدمات المتكررة: "كنت باخد خبطات طول الوقت عشان بامشي بقلبي بس".
وفيما يتعلق بعدم إدراك البعض لما تمر به من أزمات، أكدت ياسمين على أنها تنهض سريعًا وتواصل عملها، قائلة: "ربنا بيحب المؤمن القوي.. الحياة دي مينفعش حد يبقى ضعيف"، وأضافت أنها قد تنهار في لحظة معينة، لكنها لا تستمر في الانهيار.
واختتمت بتأكيد قوة شخصيتها ودعمها لعائلتها وجمهورها: "أنا عندي ولاد لازم يشوفوا أمهم قوية، وعندي جمهوري وشغلي.. محدش يقدر يكسرني، أنا مبتكسرش".
من عالم العقارات إلى الدبلوماسية الفظة.. كيف انعكست النزعة الفوقية في هفوات خطاب توم براك؟